Luka 3:11 - Fulfulde Nigeria

¹¹ Yahaya wi'iɓe, “Gooduɗo toggooje ɗiɗi fuu hokka mo walanaa go'o, nden gooduɗo nyamndu fuu hokkora mo walanaa.”

Luka 3:11 ပူးပေါင်းရင်းမြစ်များ

1 Yahaya 3:17

To gooduɗo risku yi'ii bandiraawo muuɗum nder dullere o wanyii o wallamo, too, no waɗata o wi'a e mo woodi yidde Allah nder ɓernde maako?

1 Timooti 6:18

Wi'uɓe ɓe ngaɗa ko wooɗi, ɓe ngarta gaɗooɓe kuuɗe boɗɗe, ɓe ngarta kokkooɓe caahu ɓernde go'o, giɗɓe senduduki ko ɓe ngoodi e woɓɓe.

Luka 18:22

Nde Yeesu nani non, wi'imo, “Haa jooni horanimaa fii go'o. Sooru ko ngooduɗaa fuu, cendanaa ɓe ngalanaa ceede ɗen, nden a heɓay mbarjaari ton dow. Nden ngaraa, tokkaayam.”

1 Yahaya 4:20

To goɗɗo wi'ii e yiɗi Allah, ammaa e mo wanya bandiraawo maako, too, o pewoowo. Ngam fuu mo yiɗaa bandiraawo muuɗum mo o yi'ata, no waɗata o yiɗa Allah mo o meeɗaayi yiiki?

Yaakubu 1:27

Diina laaɓuka ka Allah Nyaako meeɗen Mo Dow yiɗi, kanka woni walluki maraaya'en e rewɓe ɓe worɓe mu''en maayi torrotooɓe, nden e suruki hoore daga hoccuki tuundi duuniyaaru.

Luka 11:41

Ngam non kokkee ɓe ngalanaa ko woni nder jarduɗe e le'oy mooɗon, nden ɗe fuu ɗe laaɓanay'on.

Maatiyu 25:40

Sey Laamiiɗo on nootoo, wi'aɓe, ‘E mi wi'a'on goonga, nde on ngaɗani go'oto nder ɓe'e bandiraaɓe am ɓurɓe famɗuki, min ngaɗanɗon.’

Ibraaniyanko'en 6:10

Allah naa' o gaɗoowo ko haanaa. O yejjitataa kuugal ngal ngaɗɗon koo yidde nde kolluɗonmo nde mballuɗon yimɓe maako, nyamruɗon yeeso e wallukiɓe haa jooni.

Kuuɗe Lilaaɓe 10:31

O wi'iyam, ‘Koneeliyus, Allah nanii do'aaje maaɗa o jaɓii sadakaaji maaɗa.

Kuuɗe Lilaaɓe 10:4

O raari malaa'ikaajo on nder kulol, o wi'imo, “Na'am, Mawɗo?” Malaa'ikaajo on wi'imo, “Allah nanii do'aaje maaɗa o yi'ii ko kokkataa ɓe ngalanaa.

Kuuɗe Lilaaɓe 10:2

O kuloowo Allah, kanko e wuro maako fuu. E mo walla Yahuudanko'en ɓe ngalanaa naa' seɗɗa, e mo toroo Allah koo ngele carel.

Yahaya 13:29

Nde Yahuuda woni desoowo ceede maɓɓe, woɓɓe nder maɓɓe nyumi Yeesu wi'umo o yaha o sooda ko ɓe kuutinirta nder humto, koo o hokka ɓe ngalanaa goɗɗum.

Luka 19:8

Ammaa Jakka ummii wi'i Yeesu, “Moodibbo, mi hokkay ɓe ngalanaa sendere jawdi am. Kadimaa to e woodi ɓe njaɓanmi goɗɗum ko haanaa fuu, mi yoɓayɓe ko njaɓanmiɓe nde nayi.”

Aafisanko'en 4:28

Koo moye gujjo doole ala nguyka. Ammaa o huutira juuɗe maako o huwa kuugal bongal, ngam o heɓa goɗɗum ɗum o hokkorta ɓe ngalanaa.

1 Timooti 6:17

Waggin gooduɓe risku nder duuniyaaru ndu'u, to' ɓe mawnina ko'e maɓɓe, to' ɓe ngaɗa ɓerɗe maɓɓe dow risku ɗum tabbitataa, ammaa ɓe ngaɗa ɓerɗe maɓɓe dow Allah, kokkuɗo'en koo ɗume ɓernde go'o ngam nanen belɗum.

Yaakubu 2:14

Onon bandiraaɓe am, ko ɗum nafi to neɗɗo wi'ii e hoolii Yeesu, ammaa kuuɗe maako kollaayi hoolaare nden? Nden ɗon hoolaare maako nde waaway hisnukimo?