Luka 22:36 - Fulfulde Nigeria

³⁶ O wi'iɓe, “Ammaa jooni, gooduɗo ceede e jakaare, hocca. Mo walaa kaafahi, soora cuddaari muuɗum sooda go'oti.

Luka 22:36 ပူးပေါင်းရင်းမြစ်များ

1 Tasaloonikanko'en 3:4

Ngam carel ko min ngondunoo e mooɗon, min ngaɗii ka wiiki'on daga ilaa en njaray torra. Ɗum boo waɗii non, no anduɗon.

Yahaya 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

1 Biiturus 4:1

Nde Almasiihu yarii torra nder ɓandu, onon maa ciryee ɓerɗe mooɗon ngam yarki torra. Ngam fuu jarɗo torra nder ɓandu, alii waɗuki hakke.

Yahaya 15:20

Nyumee ko mbiinoomi'on, ‘Walaa maccuɗo ɓurɗo jeyɗomo.’ To yimɓe duuniyaaru torriiyam, onon maa ɓe torray'on. To ɓe tokkii ekkitinol am, onon maa ɓe tokkay ekkitinol mooɗon.

Maatiyu 10:10

Nden to' on njaadu e jakaare, koo toggooje ɗiɗi, koo paɗe koyɗe ɗiɗi, koo sawru, ngam kuwoowo haanii hokkee nyamndu.

Luka 22:35

Sey Yeesu ƴamiɓe wi'i, “Carel ko lilmi'on mbiimi'on to' on njaadu e ceede, to' on njaadu e jakaare koo paɗe koyɗe ɗiɗi, e woodi ko ndulluɗon?” Ɓe mbi'i, “Walaa.”

Luka 22:37

E mi wi'a'on, aayaare nde'e doole heewa dow am bi'unde, ‘Ɗum hoccaymo bo kalluɗo,’ ngam ko windaa dow am ɓadake heewuki.”

Luka 22:38

Tokkuɓemo mbi'i, “Moodibbo, raa kaafaaje ɗiɗi.” O wi'iɓe, “Ɗum heƴii non.”