Luka 22:30 - Fulfulde Nigeria

³⁰ nyamdon e am njardon e am nder laamu am, nden njooɗooɗon dow jooɗorle laamu, on laamoo lenyi Israa'iila sappo e ɗiɗi.

Luka 22:30 ပူးပေါင်းရင်းမြစ်များ

Maatiyu 19:28

Yeesu wi'iɓe, “E mi wi'a'on goonga, e jaamanu garayɗum, to Ɓii Neɗɗo jooɗake dow jooɗorgal laamu muuɗum ɗum teddungal, onon tokkuɓeyam onon maa on njooɗoto dow jooɗorle laamu sappo e ɗiɗi, on laamoo lenyi Israa'iila sappo e ɗiɗi.

Maatiyu 8:11

E mi wi'a'on, yimɓe naa' Yahuudanko'en ɗuɗɓe ngaray daga fuuna e hirna ɓe njooɗoo ɓe nyaama nyamndu humto e Annabi Ibraahim, e Iciyaaku, e Yaakubu nder Laamu Allah.

Wahayu Yahaya 3:21

Fuu keɓuɗo jaalorgal o laamodoto e am nder laamu am, non no keɓirmi jaalorgal e mi laamodoo e Nyaako am nder laamu maako.

Luka 14:15

Nde goɗɗo nder jooɗodiiɓe e maako nani non, o wi'i Yeesu, “Neɗɗo nyaamoowo nyamndu nder Laamu Allah o barkiɗinaaɗo!”

Luka 12:37

Ɓe barkiɗinaaɓe maccuɓe ɓe joomu wuro maɓɓe tawi e ndeena to o wartoyii. E mi wi'a'on goonga, o taadoto ngam kuugal, o joɗɗinaɓe, o waddanaɓe nyamndu.

Wahayu Yahaya 19:9

Sey malaa'ikaajo on wi'iyam, “Windu ɗu'um. Ɓe barkiɗinaaɓe kumpitaaɓe humto teegal Karoori ndin.” Nden o wi'iyam, “Ka'a haala ɗum goonga, to Allah ɗum ƴiwoyi.”

Wahayu Yahaya 4:4

Haade maagal e woodi goɗɗe jooɗorle kanje 24 e ɗe piliingal. Nden woɓɓe mawɓe kamɓe 24 e njooɗii dow maaje. E ɓe bornii kolte daneeje e ɓe taari giifi jiinaari to ko'e maɓɓe e ɓe njooɗii dow jooɗorle ɗen.

Maatiyu 5:3

“Ɓe barkiɗinaaɓe gaɗuɓe fuu kammunde dow Allah, ngam kamɓe njeyi Laamu Allah.

2 Timooti 2:12

To en munyii, en laamodoto e maako. To en nganyiimo, kanko maa o wanyay'en.

Yaakubu 1:1

Min, Yaakubu, windi ɗerewol ngo'ol. Mi maccuɗo Allah e Joomiraawo meeɗen Yeesu Almasiihu. E mi howna'on, onon tokkuɓe Yeesu cankitiiɓe nder duuniyaaru.