Luka 22:29 - Fulfulde Nigeria

²⁹ No Nyaako am Mo Dow hokkiriyam laamu, non min maa, mi hokkii'on laamu

Luka 22:29 ပူးပေါင်းရင်းမြစ်များ

2 Timooti 2:12

To en munyii, en laamodoto e maako. To en nganyiimo, kanko maa o wanyay'en.

Maatiyu 25:34

Sey Laamiiɗo on wi'a wonɓe nyaamo muuɗum, ‘Ngaree, onon ɓe Nyaako am barkiɗini, ndonee Laamu ɗum um siryanii'on daga fuɗɗoode duuniyaaru.

Yaakubu 2:5

Bandiraaɓe am ɓe ngiɗumi, nanee ko mbi'aymi. Naa' Allah suɓii ɓe ngalanaa nder duuniyaaru ndu'u ɓe ngarta kooliiɓe Yeesu ɓe ndona barka gonɗum nder laamu Allah ɗum o waɗani yiɗuɓemo alkawal?

Maatiyu 28:18

Sey Yeesu ɓaddii haade maɓɓe, wi'iɓe, “Ɗum hokkiiyam fuu laamu dow e ley.

Maatiyu 24:47

E mi wi'a'on goonga, joomu wuro on yowaymo dow jawdi muuɗum fuu.

Luka 12:32

“Onon ornde am pamarde, to' on kulu, ngam Nyaako mooɗon Mo Dow e nana belɗum hokkuki'on laamu muuɗum.

Luka 19:17

O wi'imo, ‘A huwii boɗɗum, a maccuɗo boɗɗo. Nde a hollii goonga maaɗa dow fii pamarum, a laamoto gariije sappo.’

1 Biiturus 5:4

Ngam to Almasiihu laamiiɗo woynaaɓe wartoyii, on keɓay giifol mangu ngol haa abadaa.

1 Korintiyanko'en 9:25

Fuu giɗɓe keɓa jaalorgal nder fijo e ɓe elta ɓalli maɓɓe. E ɓe ngaɗa non ngam ɓe keɓa giifol koo nde giifol ngol ngol de'oowol. Ammaa enen giifol tabbitayngol keɓeten.

2 Korintiyanko'en 1:7

Min tabbitinii, e min andi non no njardoton torra iri ka min njari, non maa ɓerɗe mooɗon mbaltoto iri waltaaki ɓernde ki min keɓi.

Wahayu Yahaya 21:14

Ɗum mahii mahol piliingol gariiri ndin dow kaaƴe sappo e ɗiɗi, nden dow maaje ɗum windii inɗe lilaaɓe sappo e ɗiɗo ɓe Karoori ndin.

Maatiyu 5:3

“Ɓe barkiɗinaaɓe gaɗuɓe fuu kammunde dow Allah, ngam kamɓe njeyi Laamu Allah.

Maatiyu 5:10

“Ɓe barkiɗinaaɓe torreteeɓe ngam waɗuki aadilaaku, ngam kamɓe njeyi Laamu Allah.

Maatiyu 25:21

Sey joomu wuro on wi'imo, ‘A huwii boɗɗum, maccuɗo boɗɗo mo goonga. Nde a waɗii goonga dow fii seɗɗa, mi tambinte ɗuɗɗum. Woroy, nanidaa belɗum e am.’