Luka 21:34 - Fulfulde Nigeria

³⁴ “Paamee to' yare‑yare e nyaame‑nyaame e wannuki e ko woni nder duuniyaaru hocca ɓerɗe mooɗon, ngam to' nyalnde nden uddoo'on on andaa.

Luka 21:34 ပူးပေါင်းရင်းမြစ်များ

Markus 4:19

ammaa wannuki e fii duuniyaaru, e yidde jawdi, e suuno feere‑feere natti ɓerɗe maɓɓe ɓiɗɗi wolde nden kaɗinde wallukiɓe ɓe ngaɗa ko Allah yiɗi.

Luka 12:40

Onon maa doole njooɗooɗon on ciryii ngam e carel ngel on andaa Ɓii Neɗɗo warata.”

1 Korintiyanko'en 6:10

e wuyɓe, e gooduɓe suuno ceede, e jarooɓe, e metooɓe kalluka dow woɓɓe, e wuyɓe teetooɓe, ɓe fuu ɓe nattataa Laamu Allah.

Wahayu Yahaya 3:3

Ngam non ciftoree e ko ɗum ekkitini'on e ko nanɗon, tokkeeɗum nden tuubee daga hakkeeji mooɗon. To boo on ummaaki, mi waray e carel ngel on kammaaki bo gujjo. Nden on andataa carel ngel ngaranaymi'on.

2 Biiturus 3:14

Ngam non, onon ɓe ngiɗumi, nde on keɗii nden ɗon nyalnde, ngaɗee ko mbaawoton waɗuki njooɗooɗon jonde lamnde e aadilaaku yeeso Allah e ɓernde waltiinde.

Galaatiyanko'en 5:20

e mawninki gunkiiji, e huutirki bawɗe ginni, e wanywanytirki, e hawre, e yiɗuki ko jeyaayi, e monnuki, e yidde hoore, e yeddootirki, e wadduki sendirki,

1 Korintiyanko'en 5:11

Ammaa jooni e mi windana'on wiiki, to' on kawtu ko'e e koo moye noddeteeɗo tokkuɗo Yeesu, nyamruɗo yeeso e waɗuki njeenu, koo gooduɗo suuno ceede, koo mawninoowo gunkiiji, koo metoowo kalluka dow goɗɗo, koo jaroowo, koo gujjo. To' maa on nyamdu e iri maɓɓe.

Maatiyu 13:22

Janundi nder gi'e woni misaalu nanɓe Wolde Allah, ammaa wannuki e fii duuniyaaru, e yidde jawdi, ɓiɗɗi wolde nden kaɗinde wallukiɓe ɓe ngaɗa ko Allah yiɗi.

Luka 21:8

O wi'i, “Paamee, to' ɗum majjina'on. Ngam yimɓe ɗuɗɓe ngaroyay nder inde am, ɓe mbi'a kamɓe ngoni min, nden, ‘Carel ɓadake!’ To' on tokkuɓe.

Filibiyanko'en 4:6

To' on ngannu dow koo ɗume, ammaa nder koo ɗume mbi'ee Allah ko ngiɗɗon nder do'aare e toraaki e yettoore.

Luka 17:3

Paamanee ko'e mooɗon. “To bandiraawo maaɗa waɗaniima ko wooɗaa, metanmo. To o tuubii, yaafanamo.

Luka 10:41

Ammaa Yeesu nootii, wi'i, “Marta, Marta, a wannii hoore maaɗa dow fii ɗuɗɗum.

Luka 8:14

Awdi njanundi nder gi'e boo woni yimɓe nanuɓe Wolde nden, ammaa wannaare, e risku, e belɗum duuniyaaru ɓiɗɗi ɓerɗe maɓɓe, ngam non ɓe mawnaayi nder ɗatal Allah.

Markus 13:9

“Ammaa paamanee ko'e mooɗon. Ɓe ngaɗay'on nder juuɗe mawɓe cuuɗi do'aare, ɗum piya'on nder cuuɗi do'aare ɗin. Ngam on tokkuɓeyam ɗum yaaray'on yeeso mawɓe leydi e laamiiɓe, non wartay laawol no kokkirtonɓe habaru am.

Ibraaniyanko'en 12:15

Paamanee ko'e mooɗon to' ndullon heɓuki barka Allah, ngam to' wongol ɗaɗol kaaɗungol mawna fooɗa caɗɗum wonna yimɓe ɗuɗɓe.

2 Biiturus 3:10

Ammaa nyalnde Joomiraawo waray bo gujjo. E carel ngel dow majjitay e hoolo cembingo. Nden fuu ko woni nder maajum halkiray e hiite. Duuniyaaru e ko woni nder mayru ɗum majjitay.

Luka 21:35

Ngam nyalnde nden waray dow koo moye mo yonki nder duuniyaaru.