Luka 21:12 - Fulfulde Nigeria

¹² Ammaa ko fii ɗu'um fuu waɗa, yimɓe nangay'on, torray'on, ɓe ngaɗay'on nder juuɗe mawɓe cuuɗi do'aare, ɓe ngaɗa'on nder cuuɗi cural, ɗum yaaray'on yeeso laamiiɓe e mawɓe leydi, ngam on tokkuɓeyam.

Luka 21:12 ပူးပေါင်းရင်းမြစ်များ

1 Biiturus 2:13

Koo ɗume laamu laamotooɗum yimɓe, tokkee ko ɗum wi'i, ngam non Joomiraawo yiɗi. Tokkee mawɗo laamiiɓe, ardiiɗo dow koo moye,

Kuuɗe Lilaaɓe 22:30

Too, mawɗo sooji'en on e yiɗi anduki ko waɗi Yahuudanko'en ngulloyii Bulus. Ngam non, nde weeti o waɗi ɗum fitti Bulus o noddi mawɓe ardiiɓe diina e Kawtal Mawɓe fuu ɓe kawrita. O waddi Bulus yeeso maɓɓe.

Kuuɗe Lilaaɓe 9:4

O yani e leydi, o nani hononde e wi'amo, “Caawulu, Caawulu, ngam ɗume torrataayam?”

Kuuɗe Lilaaɓe 8:3

Ammaa Caawulu ummanii kawtal tokkuɓe Yeesu, waɗi ka sankutukiɓe. E mo natta wuro‑wuro, e mo nanga tokkuɓe Yeesu worɓe e rewɓe, e mo dasaɓe, e mo maɓɓaɓe nder suudu cural.

Kuuɗe Lilaaɓe 5:40

Mawɓe ɓen njaɓi ko o wi'i. Ɓe nodditi lilaaɓe ɓen, ɓe piyiɓe, ɓe mbi'iɓe to' ɓe ɓeyda metuki dow inde Yeesu. Nden ɓe njoofiɓe.

Yahaya 15:20

Nyumee ko mbiinoomi'on, ‘Walaa maccuɗo ɓurɗo jeyɗomo.’ To yimɓe duuniyaaru torriiyam, onon maa ɓe torray'on. To ɓe tokkii ekkitinol am, onon maa ɓe tokkay ekkitinol mooɗon.

Maatiyu 22:6

Horiiɓe ɓen nangi maccuɓe ɓen torriɓe, mbariɓe.

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

Maatiyu 24:8

Ammaa ɗu'um fuu ɗum fuɗɗoode torraaji garayɗi.

Luka 21:11

E bigeeje feere‑feere ɗum waɗay dimbol leydi cembingol, ɗum waɗay weelo e nyawuuji kalluɗi. Ɗum waɗay fii mawɗum kulniiɗum e dow, gaɗoojum yimɓe kultora.

Yahaya 15:21

Ammaa ɓe ngaɗanay'on fuu fii ɗu'um ngam onon ɗum ɓe am, ngam ɓe andaa on ɗon liloyɗoyam.