Luka 20:16 - Fulfulde Nigeria

¹⁶ O waray o halkaɓe, o hokka woɓɓe ngesa kan.” Nde yimɓe nani non, ɓe mbi'i, “Allah hoyna!”

Luka 20:16 ပူးပေါင်းရင်းမြစ်များ

Luka 19:27

Ɓen ɗon wanywanyɓe am boo ɓe ngiɗaa mi laamoo dow maɓɓe, ngaddeeɓe ɗo'o, mbaronɓe yeeso am.’ ”

Kuuɗe Lilaaɓe 13:46

Ammaa Bulus e Barnaba metaniɓe kulol walaa mbi'i, “Doole min arta wa'ajinanki'on Wolde Allah onon Yahuudanko'en. Ammaa ngam on calakende, on kollii on potaayi heɓuki yonki ki re'ataa. Ngam non min njahay to leƴƴi ɗi naa' Yahuudanko'en.

Maatiyu 21:41

Sey ɓe mbi'imo, “O waɗanay kalluɓe ɓen ɗon wokki warki kalluki. O hokka woɓɓe ngesa kan kokkayɓemo daga nder ko ɓendi.”

Maatiyu 22:7

Sey laamiiɗo on ɓerni naa' seɗɗa, lili sooji'en muuɗum ɓe kalki ɓen ɗon gaɗuɓe warhoore ɓe nguli gariiri maɓɓe.

Maatiyu 21:34

Nde carel ɓenduki inabooje ɗen waɗi, o lili maccuɓe maako to ɓe o hokki ngesa kan ngam ɓe njaɓonoyamo ko ɓe ngaaduno nder ko ɓendi.

Markus 12:9

“Too, ko joomu ngesa kan waɗata? O waray o halkaɓe, o hokka woɓɓe ngesa kan.

Luka 20:15

Sey ɓe mburtinimo nder ngesa kan ɓe mbarimo. “Too, ko kammiiɗon joomu ngesa on waɗantaɓe?

Roomanko'en 3:4

Goonga ɗum waawataa! Allah o gooduɗo goonga, koo nde koo moye neɗɗo o pewoowo. Non no ɗum windiraa, “Ngam ɗum tabbitina haala maaɗa e woodi goonga, nden nder kiita keɓaa jaalorgal.”

Roomanko'en 3:6

Ɗu'um waɗataako! To Allah walaa aadilaaku, no o waɗiranta duuniyaaru kiita?

Roomanko'en 3:31

To ɗum non, en alay tokkuki Attawra ngam en koolake Yeesu? Ɗum waɗataako! Sey ni, en tabbitinaɗum.

Roomanko'en 6:2

Goonga naa' non! Haanaa nyamren yeeso e waɗuki hakke, ngam en njaadake en ngartii bo mayɓe to hakke. No waɗata kadin en nyamra yeeso e jonde nder hakke?

Roomanko'en 6:15

Ɗume ngaɗeten? En ngaɗay hakke ngam ley yidde Allah gonɗen naa' ley Attawra? To' en ngaɗu non!

Roomanko'en 7:7

Ɗume mbi'eten kadin? Attawra ɗum hakke? Goonga naa' non! Ammaa daa Attawra walaa, daa mi andaa ko woni hakke. Daa Attawra wi'aayino, “Taa' yiɗu fii ɗum a jeyaayi,” daa mi andaa yiɗuki fii ɗum mi jeyaayi wooɗaa.

Roomanko'en 7:13

Too, ɗum ɗon dooka boɗɗum ɗum fooɗaniiyam halkere won ɗon? Naa' non! Ammaa ngam hakke andee ɗum hakke, ɗum pooɗaniiyam halkere laawol ɗum ɗon dooka boɗɗum, ngam e laawol dooka hakke warta fii kalluɗum naa' seɗɗa.

Roomanko'en 9:14

Ɗume mbi'eten? Jooni en mbi'ay Allah waɗii ciya aadilaaku won ɗon? Naa' non, koo seɗɗa!

Roomanko'en 11:1

E mi ƴama, Allah wanyii yimɓe muuɗum? Goonga, o wanyaayiɓe. Min e hoore am mi Israa'iilankeejo, taaniraawo Ibraahim daga lenyol Biliyaaminu.

Roomanko'en 11:11

E mi ƴama, nde Yahuudanko'en njani nder hakke, ɓe ummataako won ɗon? Goonga naa' non! Ammaa ngam hakke ɗum ɓe ngaɗi, kisndam waranii yimɓe naa' Yahuudanko'en ngam Yahuudanko'en nana lawliiru maɓɓe.

1 Korintiyanko'en 6:15

On andaa ɓalli mooɗon ɗum jokkooɗe ɓandu Almasiihu? Too, mi hoccay ɓandu Almasiihu mi hawtandu e ɓandu kaaruwaajo? Sam, mi waɗataa non!

Galaatiyanko'en 2:17

Carel ngel ɗaɓɓiteten Allah jaɓa'en en aadili'en barka sumpootirki e Almasiihu, to ɗum tawrii'en e hakke, too, Almasiihu wartii gaɗoowo'en ngaɗen hakke won ɗon? Goonga naa' ɗum non!

Galaatiyanko'en 3:21

Jooni ɗu'um e holla Attawra e wanya alkawal Allah won ɗon? Goonga naa' ɗum non. Daa ɗum hokkii dooka kokkoojum yonki, daa koo moye waaway wartuki aadiliijo to tokkiiɗum.

Galaatiyanko'en 6:14

Ammaa min, koo seɗɗa mi mawnintaa hoore am sey ni dow gaafaangal Joomiraawo meeɗen Yeesu Almasiihu. Barka mayde maako dow gaafaangal, ko woni nder duuniyaaru wartii meere to am, min maa mi wartii meere to mayru.