Luka 2:34 - Fulfulde Nigeria

³⁴ Sey Saaminu barkiɗiniɓe, nden o wi'i Maryaama, maduujo Yeesu, “Ɓingel nge'el wartay ɗatal yanuki ɗuɗɓe e ummaaki ɗuɗɓe nder leydi Israa'iila. Ngel wartay anditirɗum daga Allah ɗum yimɓe ɗuɗɓe nganyata.

Luka 2:34 ပူးပေါင်းရင်းမြစ်များ

1 Korintiyanko'en 1:23

Minon boo, e min nga'ajina Almasiihu baraaɗo dow gaafaangal. To Yahuudanko'en ɗum haala kalluka, to yimɓe naa' Yahuudanko'en boo ɗum haaŋoore.

Maatiyu 21:44

Koo moye yanoyi dow hayre nden yewi yewinay; ammaa to hayre nden yanii dow goɗɗo, nde namaymo bo condi.”

1 Biiturus 4:14

On barkiɗinaaɓe, to e ɗum huɗa'on ngam inde Almasiihu, ngam Ruuhu Allah gooduɗum teddungal e wondi e mooɗon.

Ibraaniyanko'en 7:7

Walaa seko barkiɗinɗo ɓurii mo o barkiɗini mangu.

Roomanko'en 9:32

Ngam ɗume? Ngam ɓe ɗaɓɓitaayi wartuki aadili'en barka hoolaaki Allah, ammaa ɓe ɗaɓɓitiiɗum e laawol waɗuki kuuɗe boɗɗe. Ɓe peggii nden ɗon “hayre gaɗoore yimɓe peggoo,”

Kuuɗe Lilaaɓe 6:7

Wolde Allah boo ɓeydi sankitaaki. Tokkuɓe Yeesu e ɓeyda ɗuuɗuki nder gariiri Urucaliima, haa ardiiɓe diina ɗuɗɓe tokki Yeesu.

Kuuɗe Lilaaɓe 24:5

Min tawii neɗɗo o'o no kalluɗo naa' seɗɗa, gaddoowo hawre hakkunde Yahuudanko'en nder duuniyaaru fuu. O mawɗo nder diina Najaranko'en, waato tokkuɓe Yeesu.

Kuuɗe Lilaaɓe 17:6

Nde ɓe keɓtaayi Bulus e Siila, ɓe ndasoyi Jaason e woɓɓe tokkuɓe Yeesu, ɓe ngaddiɓe yeeso mawɓe gariiri, e ɓe mbi'a e sembe, “Raa yimɓe kaɗooɓe jonde jam koo toye, raa ɓe ngarii haa ɗo'o.

Kuuɗe Lilaaɓe 13:45

Ammaa nde Yahuudanko'en ngi'i moɓde yimɓe ɗuɗɓe, ɓe nani lawliiru, ɓe ngaɗi ka yedduki ko Bulus ekkitinta, e ɓe kuɗamo.

Kuuɗe Lilaaɓe 4:26

Laamiiɓe duuniyaaru ciryake hawre, ardiiɓe kawritii ngam ɓe kona Joomiraawo e Almasiihu maako.’

Yahaya 5:18

Ka'a haala waɗi ardiiɓe Yahuudanko'en ɓeydi ɗaɓɓutuki laawol no mbardatamo. Ngam naa' dooka Nyalnde Siwtaare tan o yewi, ammaa haa maa o wi'ii Allah ɗum Nyaako maako, waato o wartirii hoore maako go'o e Allah won ɗon.

Yahaya 3:20

Koo moye gaɗoowo ko halli wanyii jayngol, nden o nattataa to jayngol woni, ngam e mo hula to' kuuɗe maako kalluɗe mburtinee e njayri.

Maatiyu 27:63

Ɓe mbi'i, “Allah reene! Min ciptorii ko on ɗon majjinoowo yimɓe wi'i ko o maaya, o wi'i, ‘Mi ummoto daga mayde gaɗa balɗe tati.’

Maatiyu 12:46

Yeesu e medda e yimɓe ɗuɗɓe hawrutuɓe, sey raa maduujo maako e minyiraaɓe maako ngari ndarii yaasi, e ɓe ngiɗi medduki e maako.

Maatiyu 11:19

Ɓii Neɗɗo boo warii e nyaama e yara, sey ɓe mbi'i, ‘Raa o'o, o beelaaɗo o jaroowo, higo jaɓooɓe ceede leydi e gaɗooɓe hakke.’ Fuu e non, tokkuɓe laawol Allah fuu e ɓe kolla kangol woni goongawol.”

Ibraaniyanko'en 7:1

O'o Malkisadik, o laamiiɗo Salem, o ardiiɗo diina mo Allah Joomu Mangu. O hawrii e Ibraahim carel ko wartoyta daga konu ɗum heɓi jaalorgal dow woɓɓe laamiiɓe, o barkiɗini Ibraahim.

Kuuɗe Lilaaɓe 28:22

Ammaa e min ngiɗi mbi'aamin nyumo maaɗa, ngam e min andi yimɓe koo toye e ngedda diina ka tokkuɗaa.”

Luka 2:35

Ɓiɗɗo o'o wanginay nyumooji yimɓe cuuɗiiɗi. An maa, ɓernde maaɗa naaway bono kaafahi tufinde.”