Luka 19:12 - Fulfulde Nigeria

¹² O wi'i, “Goɗɗo neɗɗo mawɗo yahay wondi gariiri goɗɗundi ngam ɗum lamnamo o so''oyoo.

Luka 19:12 ပူးပေါင်းရင်းမြစ်များ

1 Biiturus 3:22

Yeesu yahi dow, e mo jooɗii to jungo Allah nyaamo, e mo laamoo malaa'ika'en, e gooduɓe laamu, e gooduɓe bawɗe.

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

Yahaya 18:37

Sey Bilaatus ƴamimo wi'i, “Too, an, a laamiiɗo won ɗon?” Yeesu nootii, wi'i, “A wi'ii mi laamiiɗo. Ngam ɗu'um ɗum danyiyam, nden ngam maajum ngarmi nder duuniyaaru ngam mi meta dow ko woni goonga. Koo moye giɗɗo goonga tokkay ko mbiimi.”

Luka 20:9

Sey Yeesu fuɗɗi hokkuki yimɓe misaalu ɗu'um, o wi'i, “Goɗɗo neɗɗo waɗi ngesa inabooje, o hokkika woɓɓe remooɓe mo''inaka, o dilli wondi leydi o neeɓi ton.

Wahayu Yahaya 1:7

Raɗɗum e mo wara nder duule, koo moye yi'aymo haa maa e barɓemo. Fuu yimɓe duuniyaaru mboyay ngam gartol maako! Goonga, ɗum waɗay. Aamin.

1 Korintiyanko'en 15:25

Ngam doole Almasiihu laamoo naa Allah yowiimo dow wanywanyɓe maako fuu.

Kuuɗe Lilaaɓe 17:31

ngam o siryake nyalnde nde o waɗanta duuniyaaru kiita nder goonga. O waɗay cuɓaaɗo maako waɗa kiita kan. O tabbitinaniiɗum yimɓe fuu nde o umminimo daga mayde.”

Luka 24:51

E mo nder barkiɗinkiɓe, sey o hoccaa yaaki dow.

Markus 16:19

Gaɗa Yeesu Joomiraawo metaniiɓe, o hoccaa yaaki dow, o jooɗii jungo nyaamo ngo Allah.

Markus 12:1

Sey Yeesu fuɗɗi metirankiɓe e misaalu, wi'i, “Goɗɗo neɗɗo waɗi ngesa inabooje, o howika, o wasi ngayka mawka nder tafaare ngam moyluki ndiyam daga nder inabooje ɗen, o mahi suudu towndu ngam reenuki ngesa kan. Sey o hokkika woɓɓe remooɓe mo''inaka, o dilli wondi leydi.

Maatiyu 21:38

Ammaa nde ɓe o hokki ngesa kan ngi'i ɓiɗɗo on, sey ɓe mbi'i hakkunde maɓɓe, ‘Too! Raa donoowo joomu ngesa kan. Ngaree mbarenmo, ndonu ngesa kan warta ɗum meeɗen.’

Maatiyu 28:18

Sey Yeesu ɓaddii haade maɓɓe, wi'iɓe, “Ɗum hokkiiyam fuu laamu dow e ley.