Luka 18:12 - Fulfulde Nigeria

¹² E mi suumoo nde ɗiɗi nder yontoore go'o, nden e mi itta jakka nder ko keɓumi fuu.’

Luka 18:12 ပူးပေါင်းရင်းမြစ်များ

Luka 11:42

“On mbonii, onon Faarisanko'en, ngam on kokkii Allah jakka haakohoy njongeteekoy, ammaa on ngaɗantaa yimɓe ko haani, on ngalaa yidde Allah. Ɗu'um tatum e haani ngaɗonɗum, ammaa to' on alu waɗuki ko horii.

Maatiyu 9:14

Sey tokkuɓe Yahaya Gaɗoowo Baptisma ngari to Yeesu ɓe ƴamimo, ɓe mbi'i, “Ngam ɗume minon e Faarisanko'en e min cuumoo, ammaa tokkuɓema cuumataako?”

Luka 17:10

Aa'a. Non onon maa, to on kuwii ko ɗum wi'i'on, on mbi'ay, ‘Min maccuɓe ɓe ngalaa bote. Min ngaɗii ko haani min ngaɗa tan.’ ”

1 Timooti 4:8

Koo nde ekkitinki ɓandu nafante seɗɗa, tokkuki Allah nafante keerol walaa. Ngam taa waɗii non, ɗum nafante jooni, nden ɗum nafante nder yonki ki keɓataa gaɗa mayde.

Maatiyu 6:1

“Paamee to' ngaɗon kuuɗe aadilaaku mooɗon yeeso yimɓe ngam ɓe ngi'a. Ngam to on ngaɗii non, on keɓataa mbarjaari to Nyaako mooɗon Mo Dow.

Aafisanko'en 2:9

naa' ngam kuuɗe mooɗon, ngam to' goɗɗo mawnina hoore muuɗum.

Galaatiyanko'en 1:14

Mi luggii nder diina Yahuudanko'en haa mi ɓurii ɗuɗɓe nder Yahuudanko'en walde'en am, e mi woodi yidde tokkuki ndonuuji maama'en am naa' seɗɗa.

1 Korintiyanko'en 1:29

Allah waɗii non ngam to' goɗɗo neɗɗo mawnina hoore muuɗum yeeso maako.

Roomanko'en 3:27

Ngam non, walaa goɗɗum ɗum goɗɗo mantortoo. Ngam ɗume? Ngam en ngartaayi aadili'en ngam kuuɗe meeɗen, sey ni ngam en koolake Yeesu.

Maatiyu 6:16

“To on cuumii, to' on mbonnu geece mooɗon no munaafuki'en ngaɗata, ngam kamɓe e ɓe mbonna geece maɓɓe ngam ɓe kolla yimɓe e ɓe cuumii. E mi wi'a'on goonga, ɓe njaadake ɓe keɓii mbarjaari maɓɓe.

Maatiyu 6:5

“To on ngaɗay do'aare, to' on ngaɗu no munaafuki'en ngaɗata, ngam e ɓe ngiɗi waɗuki do'aare e ɓe ndarii nder cuuɗi do'aare e dow to ɗate kawri ngam koo moye yi'aɓe. E mi wi'a'on goonga, ɓe njaadake ɓe keɓii mbarjaari maɓɓe.

Maatiyu 5:20

E mi wi'a'on, to aadilaaku mooɗon ɓuraayi ɗum moodiɓɓe Attawra e Faarisanko'en, on nattataa Laamu Allah koo seɗɗa!