Luka 17:29 - Fulfulde Nigeria

²⁹ Ammaa nyalnde nde Luutu wurtii daga nder gariiri Sodom, ɗum yoofoyi hiite e kaaƴe nyaamooje hiite daga dow, nge halkiɓe ɓe fuu.

Luka 17:29 ပူးပေါင်းရင်းမြစ်များ

Wahayu Yahaya 11:8

Ɗum alay ɓalli maɓɓe caka luumo gariiri mawndi. E ɗum noddira gariiri ndin “Sodom” koo “Masar” ngam ngikku jooɗiiɓe nder mayri. Nder mayri ɗum piyani Joomiraawo maɓɓe kuusaaje dow gaafaangal.

Yahuuda 1:7

Non maa, yimɓe gariije Sodom e Gomoora e gariije gonɗe haade maaje ɓe nattini ko'e maɓɓe waɗuki kuuɗe nefniiɗe bo luuɗu e njeenu. Ngam non ɓe kalkiraama hiite nge nyifataa haa abadaa ngam ɗum warta misaalu to koo moye.

2 Biiturus 2:6

Allah boo taƴanii gariije Sodom e Gomoora kiita halkuki. O halkiriiɗe hiite, o wartirii non misaalu ko o waɗanta yimɓe ɓe kulataamo.

Luka 17:28

Non maa no ɗum waɗuno nder jaamanu Luutu. Yimɓe e nyaama, e njara, e cooda, e coora, e ndema, e maha.

Luka 17:30

Non waɗetee nyalnde nde Ɓii Neɗɗo wangata.

Wahayu Yahaya 14:10

o yaray bone kalluɗum ɗum Allah siryii e sembe muuɗum nder tummude monnere muuɗum. Ɗum torriraymo hiite e kibiritu yeeso malaa'ika'en ceniiɓe e Karoori ndin.

Wahayu Yahaya 19:20

Sey ɗum nangi mardi ndin e annabiijo fewre on. Kanko woni gaɗuɗo kayɗiniiɗum yeeso mayri majjini gaɗanaaɓe alaama mayri e mawninɓe ngunkiwa nandunga e mayri. E yonki ɗum hubini annabiijo fewre on e mardi ndin nder mbeela hiite kibiritu.