Luka 15:6 - Fulfulde Nigeria

⁶ To o so''ake wuro, o nodday higooɓe maako e ɓe o heddi, o wi'aɓe, ‘Mballeeyam nanki belɗum ngam mi heɓtii mbaala am majjunoonga.’

Luka 15:6 ပူးပေါင်းရင်းမြစ်များ

Luka 15:10

E mi wi'a'on, bo non malaa'ika'en nanirta belɗum yeeso Allah to gaɗoowo hakke go'oto alii waɗuki hakke so''ake to Allah.”

Luka 15:24

ngam ɓiɗɗo am o'o, o maayiino, ammaa o ummake, o majjiino, ammaa o heɓtaama!’ Sey ɓe puɗɗi nyaamuki, e ɓe nana belɗum.

1 Biiturus 2:25

Ndenno on nandii e baali majjuɗi laawol, ammaa jooni ɗum so''oyii'on ngam tokkon Gaynaako Paamanayɗo yonkiiji mooɗon.

Kuuɗe Lilaaɓe 11:23

Nde Barnaba wari yi'i no Allah barkiɗiniri yimɓe naa' Yahuudanko'en tokkuɓe Yeesu, o nani belɗum, o sembiɗiniɓe ɓe ndaroo dow ko ɓe koolii, ɓe tokka Joomiraawo e ɓernde go'o.

Filibiyanko'en 2:17

Kuuɗe ɗe kuwoton ngam on koolake Joomiraawo, bo cakkiri ɗe ngoni to maako. Koo to ɗum rufay ƴiiƴam am dow cakkiri ndin, mi nanay belɗum, mbelmbelten en fuu.

Kuuɗe Lilaaɓe 15:3

Sey tokkuɓe Yeesu ɓen ɗoftiɓe ɓe nangi laawol yaaki leyɗe Finiikiya e Samaariya, e ɓe kokka tokkuɓe Yeesu habaru tuubuki yimɓe naa' Yahuudanko'en. Tokkuɓe Yeesu fuu nani belɗum habaru ɗum.

Yahaya 15:14

Onon ngoni higooɓe am to on ngaɗii ko mbiimi ɗum waɗa.

Yahaya 3:29

Angoojo jeyi ɓaŋaaɗo. Higo angoojo on dariiɗo e nana ko o wi'ata, o nanay belɗum naa' seɗɗa to o nanii hononde angoojo on. Iri belɗum ɗum higo angoojo on nani, iri maajum nanaymi naa' seɗɗa jooni.

Luka 15:7

E mi wi'a'on, bo non ɗum ɓuray nanki belɗum e ton dow to gaɗoowo hakke go'oto tuubii so''ake to Allah, dow yimɓe 99 nyumooɓe ngalaa hakke.

1 Biiturus 2:10

Ndenno naa' on yimɓe Allah, ammaa jooni on yimɓe maako. Ndenno on keɓaayi yurmeende maako, ammaa jooni on keɓii.

1 Tasaloonikanko'en 2:19

Dow ɓeye min ngaɗi ɓerɗe amin? Ɓeye mbelnantamin ɓerɗe? Ɓeye ngoni ɓe min mantortoo yeeso Joomiraawo meeɗen Yeesu nyalnde wartoyki maako? Naa' ɗum onon?

Filibiyanko'en 4:1

Ngam non, onon bandiraaɓe am ɓe ngiɗumi ɓe kaaɓumi yiiki, onon ngoni belɗum ɓernde am, onon mantortoomi. Non haani ndarorooɗon boɗɗum nder tokkuki Joomiraawo, onon ɓe ngiɗumi.

Filibiyanko'en 1:4

Koo ndeye nder fuu do'aaje am ɗe ngaɗanaymi'on on fuu, e mi waɗaɗe nder belɗum ɓernde,

Luka 1:58

Ɓe o heddi e bandiraaɓe maako ɓe nanidi belɗum e maako nde ɓe nani Joomiraawo yurminanimo.

Luka 15:5

To o heɓtoyiinga, o nanay belɗum o towoyanga e daande maako.