Luka 14:11 - Fulfulde Nigeria

¹¹ Ngam mawninɗo hoore muuɗum fuu o lesneteeɗo, lesninɗo hoore muuɗum boo o mawninteeɗo.”

Luka 14:11 ပူးပေါင်းရင်းမြစ်များ

Luka 18:14

E mi wi'a'on, jaɓoowo ceede leydi on hootii wuro o jaafanaaɗo hakke maako, ammaa Faarisankeejo on yaafanaaka. Ngam koo moye mawninɗo hoore muuɗum o pamɗinteeɗo, nden lestinɗo hoore muuɗum boo o mawninteeɗo.”

Maatiyu 23:12

Fuu mawninɗo hoore muuɗum ɗum lestinaymo. Fuu lestinɗo hoore muuɗum ɗum mawninaymo.

Yaakubu 4:6

Ammaa Allah e ɓeyda walluki'en. Kanjum waɗi aayaare wi'i, “Allah wanyii gooduɓe mangu hoore, ammaa e mo walla lesnuɓe ko'e.”

1 Biiturus 5:5

Onon sukaaɓe, ngaɗee ko mawɓe kawtal tokkuɓe Yeesu gonɓe nder mooɗon mbi'i. On fuu ngartee leynooɓe ko'e, mballindiree hakkunde mooɗon. Ngam aayaare wi'ii, “Allah wanyii gooduɓe mangu hoore, ammaa e mo walla lesnuɓe ko'e.”

Yaakubu 4:10

Lestinee ko'e mooɗon yeeso Joomiraawo, kanko boo o mawninay'on.

Luka 1:51

E mo waɗa fii mawɗum e jungo maako sembingo, e mo sankita mawninɓe ko'e maɓɓe e ko ɓe mantortoo nder ɓerɗe maɓɓe.

Luka 1:52

E mo itta laamiiɓe dow laamu maɓɓe, ammaa e mo mawnina lesnuɓe ko'e maɓɓe.

Luka 14:12

Nden o wi'i kumpitoyɗomo, “Taa humpitay yimɓe humto to wuro maaɗa, taa' humputu higooɓe maaɗa tan, koo mawniraaɓe e minyiraaɓe maaɗa tan, koo bandiraaɓe maaɗa tan, koo ɓe kedduɗaa riskuɓe. Ngam ɓe kumpitete kamɓe maa, ɓe ngaatanmaa ko ngaɗanɗaaɓe.

Yaakubu 1:9

Tokkuɗo Yeesu mo walanaa nana belɗum, ngam yeeso Allah o mawɗo.

1 Biiturus 5:6

Ngam non, lestinee ko'e mooɗon yeeso Allah mo bawɗe, ngam o waɗa keɓon mangu e carel ngel o yiɗi.