Luka 13:33 - Fulfulde Nigeria

³³ Fuu e non, doole mi nanga laawol hande e jaango e faɓɓi jaango, ngam haanaa ɗum wara annabiijo bannye sey nder Urucaliima.

Luka 13:33 ပူးပေါင်းရင်းမြစ်များ

Luka 9:53

Ammaa yimɓe gariyel ngel njaɓaayimo ngam ɓe keɓtii Urucaliima o fa'i.

Maatiyu 21:11

Sey yimɓe ɗuɗɓe ɓen jaadooɓe e Yeesu mbi'i, “Ɗum Yeesu, annabiijo daga gariiri Najarat nder leydi Galiili.”

Kuuɗe Lilaaɓe 13:27

Wonɓe Urucaliima e mawɓe maɓɓe fuu anditaayi Yeesu o moye. Ɓe paamaayi boliiɗe annabo'en jangeteeɗe Nyalnde Siwtaare fuu nder cuuɗi do'aare. Ammaa fuu e non, ɓe kebbini ko annabo'en ɓen mbi'i nde ɓe mbari Yeesu.

Maatiyu 20:18

“Raɗɗum, en njahay Urucaliima, nden ɗum waɗay Ɓii Neɗɗo nder juuɗe mawɓe ardiiɓe diina e moodiɓɓe Attawra. Ɓe taƴanaymo kiita mayde,

Yahaya 11:54

Ngam non Yeesu ali yiilaaki nder Yahuudanko'en e njayri. Ammaa o ali ɗon o yahi wonde wigeere haade kare o natti wondi gariiri bi'eteendi Ifiraayim, o jooɗii ɗon, kanko e tokkuɓemo.

Yahaya 9:4

Doole kuwen kuuɗe on ɗon liloyɗoyam daga naange e ɗon. Jemma ɓadake. E carel ngel walaa baawayɗo huwa.

Yahaya 4:34

Yeesu wi'iɓe, “Nyamndu am woni mi waɗa ko lilɗoyam wi'iyam, mi yottina kuugal ngal o hokkiyam.

Kuuɗe Lilaaɓe 10:38

On andi no Allah suɓiri Yeesu Najarankeejo, e no o hokkirimo bawɗe Ruuhu maako. On andi no Yeesu yiilorii nder gariije fuu e mo huwa kuuɗe boɗɗe, e mo yamɗitina ɓe Ceyɗan torrata fuu ngam Allah e wondi e maako.

Yahaya 12:35

Yeesu wi'iɓe, “Jayngol e wondi e mooɗon ngam carel seɗɗa. Ngaɗee ka yaadu carel ngel gooduɗon jayngol, ngam to' nyiwre wara sudda'on. Fuu jahoowo nder nyiwre andaa to yahata.

Yahaya 11:9

Yeesu wi'iɓe, “Naa' nyalnde go'o e woodi awaaji sappo e ɗiɗi? Koo moye jahoowo nyalawma feggataako ngam e mo yi'ira jayngol duuniyaaru ndu'u.