Luka 12:45 - Fulfulde Nigeria

⁴⁵ Ammaa to maccuɗo on wi'ii hoore muuɗum, ‘Joomu wuro am wartataa jooni,’ sey o fuɗɗi fiyuki maccuɓe worɓe e rewɓe e mo nyaama e mo yara njaru naa hoore maako waylitake.

Luka 12:45 ပူးပေါင်းရင်းမြစ်များ

Wahayu Yahaya 18:24

Nden ɗum tawriindi ƴiiƴam annabo'en e ɗam yimɓe Allah e ɗam yimɓe baraaɓe fuu nder duuniyaaru.”

Wahayu Yahaya 16:6

Ngam kalluɓe ndufii ƴiiƴam yimɓe maaɗa e annabo'en maaɗa, raɗɗum boo a hokkiiɓe ƴiiƴam ɓe njara ngam non haananiɓe.”

2 Biiturus 2:19

E ɓe ngaɗanaɓe alkawal rimɗineeki, ammaa kamɓe e ko'e maɓɓe ɓe maccuɓe hakke, ngam neɗɗo o maccuɗo koo ɗume keɓuɗum jaalorgal dow maako.

2 Biiturus 2:13

Ɗum waatanayɓe e torra ngam ɓe torrii woɓɓe. Ko welnantaɓe ɓernde woni ɓe ngaɗa koo ɗume ko ɓalli maɓɓe ngiɗi caka nyalawma. Koo ngele carel ngel ɓe nyamdata nyamndu e mooɗon e ɓe ngaɗa ko ɓe ngiɗi waɗuki, e ɓe cemtina'on.

1 Tasaloonikanko'en 5:7

Ngam ɗaanotooɓe, jemma ɓe ɗaanotoo, nden jarooɓe njaru ngiltoo maa, jemma ɓe njarata ɓe ngiltoo.

2 Korintiyanko'en 11:20

Haa maa on munyana koo moye gartiroowo'on maccuɓe maako, e ƴoyruɗo'on jaɓani'on ko ngooduɗon, e jawanayɗo'on, e piiɗo'on to wolo.

Roomanko'en 16:18

Ngam iri ɓen ɗon yimɓe naa' Joomiraawo meeɗen Almasiihu ɓe kuwanta, ammaa deeɗi maɓɓe ɓe kuwanta. E boliiɗe belɗe e haalaaji boɗɗi ɓe majjinirta yimɓe gooduɓe ciya faamu.

Maatiyu 22:6

Horiiɓe ɓen nangi maccuɓe ɓen torriɓe, mbariɓe.

Luka 12:44

E mi wi'a'on goonga, joomu wuro on yowaymo dow jawdi muuɗum fuu.

Luka 12:46

Joomu wuro on wartay e nyalnde nde maccuɗo on kammaaki e carel ngel o andaa, o fiyaymo boɗɗum o waɗamo nder ɓe ngalaa goonga.

Luka 21:34

“Paamee to' yare‑yare e nyaame‑nyaame e wannuki e ko woni nder duuniyaaru hocca ɓerɗe mooɗon, ngam to' nyalnde nden uddoo'on on andaa.

Yahaya 2:10

o wi'imo, “Koo moye e arta hokkuki hoɓɓe inabojam ɓurɗam welki, gaɗa ɓe njarii ɓe kaarii, nden o hokkaɓe inabojam ɗam hewtaayi arandejam ɗam welki. Ammaa an, a ali inabojam ɓurɗam welki ɗam naa jooni.”

Kuuɗe Lilaaɓe 2:18

Mi hokkay maccuɓe am worɓe e rewɓe Ruuhu am nder balɗe ɗen, ɓe nga'ajinay habaru am.