Luka 12:42 - Fulfulde Nigeria

⁴² Yeesu nootii wi'i, “Moye woni kuwoowo mo goonga mo faamu, mo joomu wuro muuɗum yowi dow maccuɓe muuɗum, ngam o hokkaɓe nyamndu nder carel?

Luka 12:42 ပူးပေါင်းရင်းမြစ်များ

Ibraaniyanko'en 13:17

Tokkee ardiiɓe'on ngaɗon ko ɓe mbi'i'on. E ɓe paamana yonkiiji mooɗon: Allah boo ƴamayɓe dow no ɓe paamirani'on. Tokkee ko ɓe mbi'i ngam ɓe ngaɗa kuugal ngal nder belɗum ɓernde naa' nder teddoral. To ɗum wartii teddoral, non wartay walaa ko nafanta'on.

Ibraaniyanko'en 13:7

Nyumee dow ardiiɓe'on, wa'ajinanɓe'on Wolde Allah. Nyumee dow no ɓe njooɗorii, ekkitee no ɓe koolorii Allah.

2 Timooti 4:2

wa'ajin Wolde Allah, waɗu ka wa'ajinkinde e carel ngel ngiɗɗaa e carel ngel a yiɗaa. To yimɓe ngaɗii ko wooɗaa, wi'uɓeka, wagginɓe, sembiɗinɓe, waadu munyal e maɓɓe, ngaɗaa ka ekkitinkiɓe.

1 Timooti 5:17

Mawɓe nder kawtal tokkuɓe Yeesu ardotooɓe boɗɗum e haani ɓe ɓura hokkeeki mangu, ɓurɓe maa kamɓe ngoni wa'ajinooɓe e ekkitina.

1 Biiturus 4:10

Nde Allah hokki koo moye tokkuɗo Yeesu dokkal, kuutiree dokkal ngal hakkunde mooɗon no paamanoowo dokkal Allah boɗɗum waɗata.

Tiitus 1:7

Nde mawɗo kawtal tokkuɓe Yeesu o kuwanoowo Allah, doole o warta walaa ko ɗum huɗirtamo. To' o warta mawninoowo hoore, koo jawɗo mettinki ɓernde, koo jaroowo, koo ɗaɓɓitoowo hawre, koo giɗɗo ceede.

Kuuɗe Lilaaɓe 20:28

Paamanee ko'e mooɗon, ndeenon ornde nde Ruuhu Allah hokki'on. Ngartee woynaaɓe kawtal yimɓe Allah, ɓe o soodiri e mayde Ɓiɗɗo maako.

Maatiyu 20:8

“Nde futuro waɗi, joomu ngesa on wi'i paamanoowo kuugal ngesa kan, ‘Noddoy huwooɓe ɓen, njoɓaaɓe njoɓaari maɓɓe, artiraa cakitiiɓe ɓen haa yaaki arande'en ɓen.’

Ibraaniyanko'en 3:5

Muusa o maccuɗo Allah mo goonga nder kuugal walluki yimɓe Allah, o metii dow ko Allah wi'ata ɗo'o yeeso.

1 Timooti 3:15

Ammaa to mi warilawaayi, ɗerewol ngo'ol wallete andaa no haani njooɗorooɗen nder wuro Allah, waato kawtal tokkuɓe Allah mo yonki, darŋalal jogotoongal goonga.

Luka 7:13

Nde Yeesu yi'imo, yurminani debbo on, wi'i, “Alu bojji.”

Maatiyu 13:52

Sey o wi'iɓe, “Too, fuu moodibbo Attawra ekkitiiɗo dow Laamu Allah e mo nandi e joomu wuro burtinɗo jawdi keyri e kiindi nder ndesa muuɗum.”

Luka 7:19

O liliɓe to Yeesu ɓe ƴamamo, ɓe mbi'a, “An woni Almasiihu mo ɗum wi'i waray, koo min keɗoo goɗɗo?”

Luka 12:43

O barkiɗinaaɗo maccuɗo mo joomu wuro muuɗum warti tawi e mo waɗa non.