Luka 12:37 - Fulfulde Nigeria

³⁷ Ɓe barkiɗinaaɓe maccuɓe ɓe joomu wuro maɓɓe tawi e ndeena to o wartoyii. E mi wi'a'on goonga, o taadoto ngam kuugal, o joɗɗinaɓe, o waddanaɓe nyamndu.

Luka 12:37 ပူးပေါင်းရင်းမြစ်များ

2 Biiturus 3:14

Ngam non, onon ɓe ngiɗumi, nde on keɗii nden ɗon nyalnde, ngaɗee ko mbaawoton waɗuki njooɗooɗon jonde lamnde e aadilaaku yeeso Allah e ɓernde waltiinde.

Maatiyu 24:42

Njooɗee on ciryii, ngam on andaa carel ko Joomiraawo mooɗon warata.

Filibiyanko'en 1:23

Ɗum fuu ɗiɗum e ɗum fooɗanayam hakkiilo naa' seɗɗa. Ko ɓurmi yiɗuki woni mi dilla mi jooɗodoo e Almasiihu, ngam kanjum ɓuri wooɗuki naa' seɗɗa.

1 Korintiyanko'en 2:9

Ammaa non no ɗum windiraa, “Ko hitere meeɗaayi yiiki, ko nowru meeɗaayi nanki, ko neɗɗo meeɗaayi nyumuki, kanjum Allah siryanii yiɗuɓemo.”

Wahayu Yahaya 14:13

Sey puɗɗutumi nanmi wonde hononde daga dow e wi'a, “Windu ɗu'um, ‘Ɓe barkiɗinaaɓe maayayɓe daga jooni e tokki Joomiraawo.’ ” Ruuhu Allah wi'ii, “Goonga, ɓe ciwtoto daga kuugal maɓɓe e torra maɓɓe, ngam ko ɓe ngaɗi tokkayɓe.”

2 Biiturus 1:11

Non ɗum jaɓɓortoo'on jaɓɓaaki boɗki nder laamu tabitayɗum ɗum Joomiraawo meeɗen Kisnoowo meeɗen Yeesu Almasiihu.

Yahaya 12:26

Fuu kuwanoowoyam doole tokkayam. Nden to ngonmi, ton kuwanoowoyam wonata, kanko maa. Koo moye kuwanayɗoyam, Nyaako am hokkaymo mangu.”

Luka 21:36

Paamee koo ndeye ngaɗon do'aare ngam keɓon ndaɗon fii ɗu'um gaɗayɗum fuu, nden ndarooɗon yeeso Ɓii Neɗɗo.”

Wahayu Yahaya 7:17

Ngam Karoori ngondi caka jooɗorgal laamu ngal ndi wartay gaynaako maɓɓe. Nden ndi yaarayɓe to ndiyam yonki ɓuliroyta. Allah boo moytanayɓe fuu gonɗi maɓɓe.”

Wahayu Yahaya 3:21

Fuu keɓuɗo jaalorgal o laamodoto e am nder laamu am, non no keɓirmi jaalorgal e mi laamodoo e Nyaako am nder laamu maako.

Filibiyanko'en 1:21

To mi nyamrii yeeso e jonde nder duuniyaaru ndu'u, mi waɗaynde ngam Almasiihu. To mi maayii boo, ɗum ɓeydaari.

Luka 17:8

Sam walaa bi'oowo non, sey ni o wi'amo, ‘Ɓorna limcere defuki, ndefanaayam hiraande, ngaddanaayam, mi nyaama mi yara taw, nden nyaamaa njaraa.’

Luka 12:43

O barkiɗinaaɗo maccuɗo mo joomu wuro muuɗum warti tawi e mo waɗa non.

Luka 12:36

bo maccuɓe keɗiiɓe joomu wuro maɓɓe wartoya daga humto teegal, ngam to o wartoyii o silminake, ɗon e ɗon ɓe maɓɓitanamo dammugal.

Luka 22:27

Moye ɓuri mangu, jooɗiiɗo ngam nyaama koo gaddoowo nyamndu? Ay on ɗon jooɗiiɗo woni mawɗo. Ammaa, e mi ɗon hakkunde mooɗon bo maccuɗo.

Wahayu Yahaya 16:15

Yeesu wi'i, “Raɗɗum e mi waroya bo gujjo! O barkiɗinaaɗo fuu jooɗiiɗo e siryii ngam ɓornoo kolte muuɗum ngam to' o dilla o ɓornaaki o semta yeeso lenyol.”