Luka 10:39 - Fulfulde Nigeria

³⁹ Marta on e woodi minyiraawo bi'eteeɗo Maryaama. Maryaama jooɗii haade Yeesu e mo nana ekkitinol maako.

Luka 10:39 ပူးပေါင်းရင်းမြစ်များ

Luka 8:35

Sey yimɓe ɓen njahi ngi'oya ko fofi. Nde ɓe ngari to Yeesu, ɓe tawi burtinanaaɗo ginni on e jooɗii haade Yeesu, e ɓornii, e mo nder hakkiilo maako. Koo moye maɓɓe huli.

Yahaya 12:3

Maryaama hocci jolloyel nebbam uroojam ɗam ɗum waɗiri nardi gooduɗam ceede, o wayliɗam dow koyɗe Yeesu, o moytiriɗe gaasa hoore maako. Wuro ngon heewi urngol nebbam ɗam.

Kuuɗe Lilaaɓe 22:3

“Min mi Yahuudankeejo danyaaɗo gariiri Tarsus nder leydi Kiliikiya. Ammaa ɗo'o Urucaliima mawnumi. Gamaaliya woni moodibbo am. Kanko janginiyam Attawra maama'en meeɗen. E mi tokki Allah e ɓernde go'o non no tokkirɗonmo hande.

Luka 2:46

Nder nyalnde tatawre ɓe tawimo nder Wuro Ceniingo, e mo jooɗii hakkunde moodiɓɓe, e mo nanaɓe, nden e mo ƴamaɓe.

Yahaya 11:1

Goɗɗo neɗɗo bi'eteeɗo Li'aajaru ciya njamu nangimo. Gariiri Betani o jooɗotoo, gariiri ndi Maryaama e mawniraawo muuɗum Marta njooɗotoo.

Luka 10:42

Ammaa fii go'o tan yiɗaa. Maryaama boo suɓii ko ɓuri wooɗuki, ɗum jaɓtataake to maako.”

Yahaya 11:19

Yahuudanko'en ɗuɗɓe ngari to Marta e Maryaama ngam ɓe mbaltinanaɓe ɓerɗe dow mayde sakiraawo maɓɓe.