Koloosiyanko'en 4:6 - Fulfulde Nigeria

⁶ Boliiɗe mooɗon koo ndeye ɗe ngarta belɗe nanki, pooɗooje hakkiilo yimɓe, ngam andon no haani nootoranooɗon koo moye.

Koloosiyanko'en 4:6 ပူးပေါင်းရင်းမြစ်များ

Aafisanko'en 4:29

To' on alu wokka haala kalluka wurtoo nder konduɗe mooɗon, ammaa sey ni haala njama mballayka yimɓe nanayɓe'on cembiɗina ɓerɗe maɓɓe.

1 Biiturus 3:15

Ammaa mawninee Almasiihu nder ɓerɗe mooɗon ngam kanko woni Joomiraawo. Koo ndeye njooɗee on ciryii nootaaki koo moye ƴamuɗo'on dow waɗuki ɓernde ki ngaɗɗon dow Almasiihu. Ngaɗee non nder lesnuki hoore e mawninki.

Markus 9:50

“Lamɗam ɗum fii boɗɗum, ammaa to belɗum maajam ittake, ko wartirta belɗum maajam? Ngartee bo lamɗam, waato mbelnindiree ɓerɗe mooɗon, nden njooɗee jam hakkunde mooɗon.”

Koloosiyanko'en 3:16

Alee boliiɗe Almasiihu njooɗoo nder ɓerɗe mooɗon naa' seɗɗa. Ekkitindiree, waggindiree nder fuu faamu. Ngimee gimi Jabuura, e gimi mantuki Joomiraawo, e gimi ɗi Allah hokki'on nder ɓerɗe, on ngettamo nder ɓerɗe mooɗon.

Maatiyu 5:13

“Onon ngoni lamɗam duuniyaaru. Ammaa to belɗum maajam ittake, ko wartirta belɗum maajam? Walaa ko ɗam nafata kadin, sey ni ɗam rufee yimɓe njaaɓaɗam.

Luka 4:22

Koo moye e wi'a boɗɗum dow maako. Boliiɗe boɗɗe burtiiɗe nder honduko maako hayɗiniiɓe. Ɓe mbi'i, “Naa' o'o woni ɓiɗɗo Yusufu?”