Koloosiyanko'en 3:3 - Fulfulde Nigeria

³ ngam on ngartii bo mayɓe, nden jooni on ngoodi yonki kesi ki goɗɗo waawataa yiiki iri yonki ki Almasiihu woodi gonduɗo e Allah.

Koloosiyanko'en 3:3 ပူးပေါင်းရင်းမြစ်များ

Galaatiyanko'en 2:20

Min bo mi wardaama e Almasiihu dow gaafaangal. Jooni jonde nde ngaɗaymi naa' min e hoore am waɗatande, ammaa ɗum Almasiihu jooɗiiɗo nder am. Jooni jonde nde njooɗiimi nder ɓandu, e mi waɗande nder hoolaaki Ɓiɗɗo Allah, giɗɗoyam hokki yonki muuɗum ngam am.

Roomanko'en 6:2

Goonga naa' non! Haanaa nyamren yeeso e waɗuki hakke, ngam en njaadake en ngartii bo mayɓe to hakke. No waɗata kadin en nyamra yeeso e jonde nder hakke?

Koloosiyanko'en 2:20

On maydii e Almasiihu. Jooni on ngalaa ley laamu ginni laamotooɗi duuniyaaru. Nde ɗum non, ngam ɗume ngaɗoton jonde bo haa jooni duuniyaaru ndu'u jeyi'on? Ngam ɗume tokkoton dookaaji duuniyaaru biiɗi,

Yahaya 5:24

“E mi wi'a'on goonga, koo moye nanɗo boliiɗe am hoolii on ɗon liloyɗoyam e woodi yonki ki re'ataa, o taƴantaake kiita, o yaadake o ƴaɓɓake mayde o heɓii yonki ki re'ataa.

Roomanko'en 8:2

Ngam dooka Ruuhu Allah kokkoojum yonki nder sumpootirki e Yeesu rimɗiniiyam daga bawɗe hakke laamotooɗum'en pooɗanayɗum'en halkere.

Roomanko'en 5:10

Ndenno en wanywanyɓe Allah, ammaa ɗum siryootirii'en e maako barka mayde ɓiɗɗo maako. Jooni nde en ciryootirii e Allah, en ɓuray tabbitinki Almasiihu hisnay'en ngam e mo foofa.

2 Korintiyanko'en 5:14

Ngam yidde Almasiihu waɗatamin e min kuwa kuuɗe amin, ngam en tabbitinii go'oto maayii ngam koo moye, ngam non koo moye maayii.

Yahaya 5:21

Non no Nyaako on umminirta mayɓe hokkaɓe yonki, non maa Ɓiɗɗo on e hokka koo moye mo yiɗi yonki.

Yahaya 3:16

Ngam yidde nde Allah yiɗi duuniyaaru haa o hokkii Ɓiɗɗo maako bajjo, ngam koo moye kooliiɗomo to' halka ammaa heɓa yonki ki re'ataa.

Yahaya 14:19

Yeeso ɗo'o seɗɗa, duuniyaaru ndu'u fuɗɗitataa yi'ayam, ammaa onon on ngi'ayyam. Ngam e mi woodi yonki, onon maa on keɓay yonki.

1 Biiturus 3:4

Sey ni mo''itinaaki mooɗon warta mo''inki ɓerɗe mooɗon e waɗuki ko lallataa waato lestinki hoore, e suruki hoore. Iri kin ɗon mo''itinaaki ki lallataa; kanki woni ɓurki wooɗuki yeeso Allah.

Maatiyu 11:25

E carel ngel Yeesu wi'i, “Mi yettiima, Nyaako am Mo Dow, Joomiraawo dow e ley, ngam a suuɗii fii ɗu'um to gooduɓe faamu e andal, a holliiɗum ɓikkoy pamaroy.

Koloosiyanko'en 3:4

Yonki mooɗon ki goonga woni Almasiihu. To o so''oyake duuniyaaru ndu'u, onon maa, on ngonday e maako nder teddungal maako.

Ibraaniyanko'en 7:25

Ngam non, hande e koo ndeye e mo woodi bawɗe o hisna ɓaddotooɓe Allah laawol maako. E mo waawi hisnukiɓe ngam e mo woodi yonki haa abadaa, nden e mo toroo Allah ngam maɓɓe.

Koloosiyanko'en 2:3

Kanko tan woni baawayɗo hokkukiɓe andal kewngal dow sirru ɗum.

Yahaya 5:40

Ammaa fuu e non on nganyii warki to am keɓon yonki ki re'ataa.

Yahaya 4:14

ammaa koo moye jarɗo ndiyam ɗam kokkaymoomi o fuɗɗitataa o nana ɗonka kadin. Ndiyam ɗam kokkaymoomi ɗam wartay nder maako ndiyam ɓuloojam kokkayɗammo yonki ki re'ataa.”

Wahayu Yahaya 2:17

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal, mi hokkaymo manna cuuɗiiɗum o nyaama. Ɗonmaa mi hokkaymo hayre raneere inde heyre e windii dow mayre. Walaa anduɗo inde nden sey ni kokkaaɗo hayre nden.

1 Yahaya 3:2

Onon higooɓe am ɓe ngiɗumi, jooni en ɓiɓɓe Allah. Ɗum hollaayi'en ko ngarteten ɗo'o yeeso taw. Ammaa en andi to Almasiihu wartii, en ngartay bo maako, ngam en ngi'aymo non no o woni.

Filibiyanko'en 4:7

Nden jam ɗum Allah hokkata ƴaɓɓiiɗum faamu neɗɗo ɗum suray ɓerɗe mooɗon e nyumo mooɗon ngam on cumpootira e Yeesu Almasiihu.

1 Korintiyanko'en 15:45

Ngam, non no ɗum windiraa, “Neɗɗo arandeejo, waato Aadamu, o wartii gooduɗo yonki.” Ammaa Aadamu cakitiiɗo, waato Almasiihu, o heɓii ɓandu kuutirteendu ton dow, o wartii kokkoowo yonki ki re'ataa.

1 Korintiyanko'en 2:14

Neɗɗo mo walaa Ruuhu Allah, o jaɓataa ko ƴiwoyi to Ruuhu Allah, ngam to maako ɗum haaŋoore. O waawataa o faamaɗum ngam o walaa Ruuhu Allah.

Roomanko'en 5:21

Hakke laamake yimɓe ngam ɗum pooɗaniiɓe mayde. Ammaa jooni yidde Allah e laamoo laawol aadilaaku, nden Allah jaɓii'en barka Yeesu Almasiihu Joomiraawo meeɗen. Non waɗay keɓen yonki ki re'ataa.

Koloosiyanko'en 1:5

On ngaɗa non ngam on tabbitinii on keɓay mbarjaari ndi Allah resani'on ton dow. On nanii habaru ɗu'um fii ɗum kammiiɗon daga arande nder wolde goonga, waato Habaru Belɗum

2 Korintiyanko'en 5:7

E min ngaɗa jonde amin dow hoolaaki Allah, naa' dow ko min ngi'ata e gite.

Roomanko'en 6:11

Non onon maa, doole koccee ko'e mooɗon bo mayɓe ɓe bawɗe hakke laamaaki dow maɓɓe, ammaa jooni on ngaɗa jonde ngam ngaɗon ko Allah yiɗi barka sumpootirki e Yeesu Almasiihu.

Aafisanko'en 3:9

Nden mi waɗa yimɓe fuu ngi'a no dabare Allah cuuɗiinde heewirta. Allah taguɗo koo ɗume suuɗii sirru ɗum daga jaamanuuji ƴaɓɓiiɗi.

1 Biiturus 4:2

Ngam non, nder balɗe mooɗon koriiɗe e duuniyaaru, to' on ɓeydu tokkuki suuno ɓandu, ammaa tokkee ko Allah yiɗi.