Koloosiyanko'en 1:9 - Fulfulde Nigeria

⁹ Ngam maajum, daga nyalnde nde min nani habaru ɗum e min ngaɗana'on do'aare. E min toroo Allah waɗa'on ngarton gooduɓe faamu kewɗum dow ko o yiɗi ngaɗon. Ɗonmaa e min toroomo keɓon faamu e andal ɗum Ruuhu Allah hokkata.

Koloosiyanko'en 1:9 ပူးပေါင်းရင်းမြစ်များ

Yaakubu 3:17

Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.

Yaakubu 1:5

To goɗɗo nder mooɗon dullii faamu, sey o toroo Allah kokkoowo koo moye ɓernde go'o metitataako, o hokkaymo.

Koloosiyanko'en 4:5

Paamee iri ngikku ɗum ngaɗanton ɓe tokkaayi Yeesu; kuutiree koo ngele carel ngel kawruɗon e maɓɓe boɗɗum.

Ibraaniyanko'en 13:21

o waɗa'on mbaawon waɗuki koo ngale kuugal bongal ngal o yiɗi ngaɗon. O wartira'on ko welnantamo ɓernde barka Yeesu Almasiihu. Mangu tabbita to Yeesu haa abadaa abadin. Aamin.

1 Biiturus 2:15

Ngam Allah e yiɗi ngaɗon ko wooɗi yeeso yimɓe ɓe ngalaa andal, ngam ngaɗon ɓe ala metemeteeji ɗi ngalaa faamu.

2 Tasaloonikanko'en 1:11

Kanjum waɗi koo ndeye e min ngaɗana'on do'aare. E min toroo Allah meeɗen wartira'on yimɓe gaɗooɓe iri jonde nde o noddi'on ngaɗon. Barka bawɗe maako o hebbina koo ɗume boɗɗum ɗum ngiɗɗon waɗuki ngam on koolake Yeesu.

1 Tasaloonikanko'en 5:17

Ngaɗee ka waɗuki do'aare.

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

Koloosiyanko'en 3:16

Alee boliiɗe Almasiihu njooɗoo nder ɓerɗe mooɗon naa' seɗɗa. Ekkitindiree, waggindiree nder fuu faamu. Ngimee gimi Jabuura, e gimi mantuki Joomiraawo, e gimi ɗi Allah hokki'on nder ɓerɗe, on ngettamo nder ɓerɗe mooɗon.

Ibraaniyanko'en 10:36

E haani munyon ngam ngaɗon ko Allah yiɗi, keɓon ko o waɗi alkawal.

Filibiyanko'en 1:4

Koo ndeye nder fuu do'aaje am ɗe ngaɗanaymi'on on fuu, e mi waɗaɗe nder belɗum ɓernde,

Filimon 1:4

Koo ndeye to e mi waɗa do'aare, e mi yetta Allah ngam maaɗa.

Aafisanko'en 6:6

Ngaɗaneeɓe non naa' e carel ngel ɓe ngi'ata'on tan, koo boo ngam ɓe ɓeyda yiɗuki'on. Ammaa e ɓernde go'o ngaɗee ko Allah yiɗi bo maccuɓe Almasiihu.

Roomanko'en 12:2

To' on njaɓu nyumo mooɗon warta iri ngo yimɓe ɓe tokkaayi Yeesu, ammaa alee Allah mo''ina jonde mooɗon e nyumol mooɗon, ngam paamon ko o yiɗi ngaɗon, waato ko wooɗi, e ko welnantamo ɓernde, e no njooɗortooɗon jonde kewnde.

1 Tasaloonikanko'en 1:3

Yeeso Allah meeɗen Nyaako meeɗen Mo Dow, e min nyuma dow kuuɗe mooɗon ɗe hoolaare, e no yidde nde ngooduɗon waɗata'on on kuwa naa' seɗɗa, e no munyirton nder torra ngam kammunde mooɗon dow Joomiraawo meeɗen Yeesu Almasiihu.

1 Yahaya 2:17

Duuniyaaru e koo ɗume ɗum yimɓe ngiɗi nder mayru ɗum ƴaɓɓotooɗum, ammaa gaɗoowo ko Allah yiɗi jooɗoto haa abadaa.

1 Biiturus 4:2

Ngam non, nder balɗe mooɗon koriiɗe e duuniyaaru, to' on ɓeydu tokkuki suuno ɓandu, ammaa tokkee ko Allah yiɗi.

Koloosiyanko'en 4:12

Abaafaras e howna'on, kanko maa e mo nder kawtal mooɗon, o maccuɗo Yeesu Almasiihu. Koo ndeye e mo toroo Allah sembiɗina'on, ngarton tokkuɓe Yeesu keewuɓe, gaɗooɓe ko Allah yiɗi ɓe ngalaa seko.

Koloosiyanko'en 1:6

ɗum nanɗon. Habaru Belɗum ɗu'um e ɗum barkiɗina yimɓe e ɗum sankitoo nder duuniyaaru fuu, non no ɗum waɗi nder mooɗon, daga nyalnde nde nanɗonɗum nyalnde nde paamuɗon boɗɗum no Allah yiɗiri yimɓe.

Aafisanko'en 5:17

Ngam maajum, to' on ngartu haaŋaaɓe, ammaa ɗaɓɓitee andon ko Joomiraawo yiɗi ngaɗon.

Aafisanko'en 5:10

Ngaɗee ko mbaawoton ekkitooɗon ko welnanta Joomiraawo ɓernde.

Yahaya 7:17

Koo moye cuɓuɗo waɗa ko Allah yiɗi o anday koo ko ekkitinaymi to Allah ɗum ƴiwoyi, koo ko mbi'aymi ɗum boliiɗe am.

1 Korintiyanko'en 1:5

Sumpootirki mooɗon e maako ɗum barkiɗinii'on e koo ngole laawol, waato nder meto fuu e andal fuu,

Kuuɗe Lilaaɓe 12:5

Biiturus maɓɓaa nder suudu cural, ammaa kawtal tokkuɓe Yeesu ngaɗi ka waɗankimo do'aare.

Filimon 1:6

Do'aare am woni sumpo wongo hakkunde meeɗen ngam hoolaaki Yeesu waɗumaa andaa koo ɗume barka ɗum ngooduɗen nder sumpootirki e maako.