Ibraaniyanko'en 2:9 - Fulfulde Nigeria

⁹ Carel seɗɗa ɗum hokki Yeesu mangu ɗum hewtaayi ɗum malaa'ika'en. Ammaa jooni en ngi'ii o hokkaama teddungal e mangu ngam torra mayde ka o yari, ngam barka yidde Allah o maaya ngam koo moye.

Ibraaniyanko'en 2:9 ပူးပေါင်းရင်းမြစ်များ

Wahayu Yahaya 5:9

Ɓe ngimi gimol kesol e ɓe mbi'a, “A hewtii njaɓaa deftere nden takkitaa haatimiije mayre, ngam ndenno a waraama, nden barka ƴiiƴam maaɗa a rimɗinanii Allah yimɓe daga koo ngole lenyol, e koo ngale ɗemngal, e daga koo ɓeye yimɓe, e daga koo ndiye leydi.

1 Yahaya 2:2

Kanko woni mo ɗum sakki ngam yaafaaki hakke meeɗen. Naa' hakke meeɗen tan, ammaa haa e hakke yimɓe duuniyaaru fuu.

Roomanko'en 5:18

Ngam non, non no hakke neɗɗo go'oto fooɗirani fuu yimɓe kiita halkere, non maa kuugal aadilaaku ngal neɗɗo go'oto waɗi wartirii yimɓe ɗuɗɓe aadili'en hokkiiɓe yonki kesi.

Kuuɗe Lilaaɓe 2:33

Allah mawniniimo, jooɗiniimo e jungo muuɗum nyaamo hokkimo Ruuhu muuɗum no o waɗunoo alkawal. Kanko boo o hokkiiminɗum. Kanjum woni ko ngi'oton e ko nanoton jooni.

Yahaya 3:16

Ngam yidde nde Allah yiɗi duuniyaaru haa o hokkii Ɓiɗɗo maako bajjo, ngam koo moye kooliiɗomo to' halka ammaa heɓa yonki ki re'ataa.

2 Korintiyanko'en 5:15

O maayii ngam yimɓe fuu, ngam to' ɓe ngaɗa jonde belnanayndeɓe ɓerɗe, ammaa ɓe ngaɗa jonde belnanaynde on ɗon mayɗo ngam maɓɓe ummii daga mayde.

Ibraaniyanko'en 10:5

Kanjum waɗi carel ko Almasiihu natti duuniyaaru o wi'ii Allah: “Naa' sakkaneeki e hokkeeki dokke ngiɗɗaa, ammaa a siryanakeyam ɓandu.

Roomanko'en 5:8

Ammaa laawol ngol Allah hollii'en yidde maako woni, carel ko ngonɗen nder hakke, Almasiihu maayii ngam meeɗen.

Yahaya 1:29

Gaɗa ɗu'um waɗii nde fini Yahaya yi'i Yeesu e waroya to muuɗum, o wi'i, “Raa Karoori Allah, ittayndi hakkeeji duuniyaaru!

Yahaya 12:32

Ammaa min, to mi ƴeftaama dow gaafaangal, mi fooɗay koo moye to am.”

Ibraaniyanko'en 7:25

Ngam non, hande e koo ndeye e mo woodi bawɗe o hisna ɓaddotooɓe Allah laawol maako. E mo waawi hisnukiɓe ngam e mo woodi yonki haa abadaa, nden e mo toroo Allah ngam maɓɓe.

1 Biiturus 1:21

Barka maako kooliiɗon Allah, umminɗomo daga mayde, hokkimo mangu. Ngam non, e hoolaare mooɗon e kammunde mooɗon dow Allah ɗum woni.

Ibraaniyanko'en 8:3

Koo moye mawɗo mawɓe ardiiɗo diina o suɓa ngam o hokka Allah dokke o sakkanamo marle. Non maa Mawɗo Mawɓe Ardiiɓe Diina meeɗen doole heɓa ko sakkata.

1 Timooti 2:6

kokkuɗo hoore maako ngam o rimɗina yimɓe. Kanjum woni ceyda ɗum um hokki nde carel waɗi.

2 Korintiyanko'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

Roomanko'en 8:32

Allah haɗaayi Ɓiɗɗo muuɗum yarki torra, ammaa o hokkiimo ngam o sakkee ngam meeɗen en fuu. Nde o waɗii non, o hokkataa'en koo ɗume caahu?

Galaatiyanko'en 4:4

Ammaa nde carel waɗi, Allah liloyi Ɓiɗɗo muuɗum. Debbo danyimo, o jooɗii ley Attawra,

Kuuɗe Lilaaɓe 3:13

Allah mo Ibraahim e Iciyaaku e Yaakubu, Allah mo maama'en meeɗen, o teddinii maccuɗo maako Yeesu. Ammaa kanko woni mo kokkitirnooɗon ngam o waree. On nganyiimo yeeso Bilaatus koo nde Bilaatus e yiɗi yoofukimo.

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

Yahaya 10:17

“Ko waɗi Nyaako am Mo Dow e yiɗiyam, kanjum woni mi hokkay yonki am, ngam mi fuɗɗita mi hoccaki kadin.

Yahaya 8:52

Yahuudanko'en mbi'imo, “Jooni e min andi a woodi ginnol. Ibraahim maayii, non maa annabo'en, ammaa a wi'ii fuu gaɗoowo ko mbiiɗaa maayataa.

Maatiyu 16:28

E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Ɓii Neɗɗo e waroya nder laamu muuɗum.”

Wahayu Yahaya 19:12

Gite maako bo ɗemngal hiite, hoore maako e woodi giifi ɗuɗɗi, nden inde e windii dow maako, walaa anduɗonde sey kanko tan.

Ibraaniyanko'en 2:7

A lestiniimo ley malaa'ika'en ngam carel seɗɗa, ammaa gaɗa ɗon a hokkiimo teddungal e mangu,

Luka 9:27

E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Laamu Allah.”

Markus 9:1

O wi'iɓe, “E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Laamu Allah wardi e bawɗe.”

Maatiyu 6:28

“Too, ngam ɗume ngannoton dow ko ɓornotooɗon? Ndaaree pindi ladde no mawnirta, ndi huwataa, ndi sanyataa kolte.

Yahaya 8:51

E mi wi'a'on goonga, fuu gaɗoowo ko mbiimi, o maayataa.”

Ibraaniyanko'en 1:9

A yiɗi aadilaaku, a wanyii ko wooɗaa. Kanjum waɗi min, Allah maaɗa, cuɓumaami ngaɗumi keɓuɗaa mangu gaddayɗum nanuki belɗum ɓurɗum ɗum ɓe ngonduɗaa.”

Ibraaniyanko'en 11:5

Ngam Enok e hoolii Allah waɗi o hoccaa yaaki dow ngam to' o maaya. Walaa giiɗomo kadin, ngam Allah hocciimo yaaki dow. Nden aayaare wi'ii, ko o hoccee yaaki dow, o welnanii Allah ɓernde.

Ibraaniyanko'en 12:2

En ngaɗu hakkiilo meeɗen dow Yeesu, maɓɓitanɗo'en laawol hoolaaki Allah ballayɗo'en hoolaare meeɗen warta kewnde. Ngam welwelo ngo o heɓata yeeso, o munyii nder torra nde o waraa dow gaafaangal, o wannaayi e cemtuɗum wareeki dow gaafaangal, nden jooni e mo ton jooɗii to nyaamo jooɗorgal laamu Allah.