Ibraaniyanko'en 13:3 - Fulfulde Nigeria

³ Nyumee dow curaaɓe nder suudu cural bo on curida e maɓɓe. Nyumee dow torreteeɓe, bo on torridee e maɓɓe.

Ibraaniyanko'en 13:3 ပူးပေါင်းရင်းမြစ်များ

Maatiyu 25:36

Mi walaa ko ɓornotoomi on kokkiiyam kolte. Mi waɗii ciya njamu on paamaniiyam. E mi suri nder suudu cural on kowniiyam.’

Ibraaniyanko'en 10:34

On njurminanii curaaɓe, nden nde ɗum teetani'on ko ngooduɗon, on njaɓii ko ɗum waɗani'on e welwelo. Ngam on andi on ngoodi goɗɗum ɓurɗum wooɗuki tabitayɗum haa abadaa.

Roomanko'en 12:15

Nandee belɗum e nanooɓe belɗum, mboydee e boyooɓe.

1 Korintiyanko'en 12:26

To wonde jokkoode nawnake, sey koriiɗe fuu nanida nawɗum e jokkoode nden. To jokkoode wo'oyre mawninaama, sey koriiɗe fuu kawta mbelmbelta hawti e jokkoode nden.

Koloosiyanko'en 4:18

Min Bulus windi kownol ngo'ol e jungo am. To' on ngejjutu e mi ɗon haɓɓiraa ɓoggi njamndi nder suudu cural. Allah barkiɗina'on.

1 Biiturus 3:8

Jooni e mi yiɗi yottinki ko mbi'aymi e wiiki, on fuu nyumo mooɗon warta go'o. Njurmindiree, ngiɗindiree no haani tokkuɓe Yeesu ngaɗa, mballindiree, lestinee ko'e mooɗon.

Maatiyu 25:43

Mi waɗii koɗaaku on njippinaayiyam. Mi walaa ko ɓornotoomi on kokkaayiyam kolte. Mi waɗii ciya njamu on paamanaayiyam. Mi suraama nder suudu cural on kownaayiyam.’

Kuuɗe Lilaaɓe 24:23

O wi'i ardiiɗo sooji'en sura Bulus, ammaa to' o haɗamo wedditaaki, o ala higooɓe maako mballamo.

Aafisanko'en 4:1

Ngam non, e mi toroo'on, min curaaɗo ngam huwanki Joomiraawo meeɗen, ngaɗee jonde pottudunde e ko Allah noddiri'on.

Kuuɗe Lilaaɓe 27:3

Nde fini min njottii gariiri Sidon. Juuliyos nani jurumɗum Bulus; o jaɓi Bulus yaha to higooɓe maako ngam ɓe mballamo.

Ibraaniyanko'en 11:37

Woɓɓe mbariraa kaaƴe, woɓɓe taƴaa cendaa ɗiɗi, woɓɓe mbariraa kaafaaje. Woɓɓe e ngiiloo e ɓornii lare baali e ɗe be'i, koo ko ɓe ngoodi, ɓe torraama, ɓe ngaɗanaama ko halli.