Galaatiyanko'en 5:7 - Fulfulde Nigeria

⁷ Ndenno on nyamra yeeso boɗɗum! Moye haɗi'on tokkuki goonga?

Galaatiyanko'en 5:7 ပူးပေါင်းရင်းမြစ်များ

1 Korintiyanko'en 9:24

On andaa nder fijo doggudu yimɓe ɗuɗɓe ndoggata nder fijo ngon, ammaa neɗɗo go'oto tan heɓata dokkal heɓuki jaalorgal? Ngam non, ndoggiree no keɓirton jaalorgal.

Galaatiyanko'en 3:1

Onon Galaatiyanko'en haaŋaaɓe! Moye wayliti hakkiilo mooɗon? Ɗum wi'ii'on e njayri no Yeesu Almasiihu wariraa dow gaafaangal.

Ibraaniyanko'en 12:1

Ngam maajum, nde e woodi yimɓe ɗuɗɓe kolluɓe no ɓe koolorii Allah, en cendir e koo ɗume kaɗayɗum'en waɗuki ko haani ngaɗen e hakke kaɓɓuɗum'en. En ngaɗu ko mbaaweten waɗuki njottinen ko Allah wi'i ngaɗen.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

2 Korintiyanko'en 10:5

E min keɓa jaalorgal dow koo ɗiye geddi e mawnitaare kaɗaynde yimɓe anda Allah. E min nanga nyumooji fuu, min ngartiraɗi gaɗayɗi ko Almasiihu wi'i.

Roomanko'en 2:8

Ammaa yimɓe giɗanɓe ko'e maɓɓe tan ganyuɓe goonga tokki ko wooɗaa, ɓe kawray e monnere Allah e halkere maako.

Maatiyu 13:21

Ammaa nde wolde nden walaa ɗaɗi nder ɓernde maako, o munyay carel seɗɗa tan. To caɗeele koo torra warii ngam wolde nden, ɗon e ɗon o yoofande.

2 Tasaloonikanko'en 1:8

Ganyuɓe Allah e ganyuɓe ngaɗa ko Habaru Belɗum ɗum Joomiraawo meeɗen Yeesu wi'i, Allah waatanayɓe halkere kallunde.

Roomanko'en 6:17

Ammaa yettoore tabbitana Allah, ngam ndenno on maccuɓe hakke, ammaa jooni on tokka ekkitinol ngol ɗum ekkitini'on e ɓerɗe mooɗon fuu.

Ibraaniyanko'en 5:9

Nde o wartiraa kewɗo, o wartii kokkoowo fuu gaɗooɓe ko o wi'i kisndam tabitayɗam.

Roomanko'en 16:26

Ammaa jooni ɗum wanginaama e njayri, ɗum andiniiɗum leƴƴi duuniyaaru fuu laawol defte ɗe annabo'en mbindi. Allah tabiiɗo wi'ii ɗum waɗa non ngam leƴƴi duuniyaaru fuu kooloomo tokka ko o wi'i.

Roomanko'en 15:18

Mi metataa ɗo'o dow goɗɗum, sey dow kuugal Almasiihu ngal o walliyam ngaɗumi. O walliiyam ngam yimɓe naa' Yahuudanko'en tokka ko Allah wi'i barka boliiɗe am e kuuɗe am,

Roomanko'en 10:16

Ammaa naa' fuu Israa'iilanko'en njaɓi Habaru Belɗum; ngam Icaaya wi'i, “Joomiraawo, moye jaɓi haala meeɗen?”

Ibraaniyanko'en 11:8

Ngam Ibraahim e hoolii Allah waɗi o jaɓi nde Allah wi'imo o yaha leydi ndi waɗi alkawal hokkukimo. Ibraahim ali leydi muuɗum koo nde andaa to yahata.

Kuuɗe Lilaaɓe 6:7

Wolde Allah boo ɓeydi sankitaaki. Tokkuɓe Yeesu e ɓeyda ɗuuɗuki nder gariiri Urucaliima, haa ardiiɓe diina ɗuɗɓe tokki Yeesu.

Galaatiyanko'en 2:2

Mi yahu Urucaliima ngam Allah holliiyam mi yaha. Nde njaami mi hawrii e ardiiɓe tokkuɓe Yeesu tan, mi holliiɓe Habaru Belɗum ɗum nga'ajinanmi yimɓe naa' Yahuudanko'en. Mi waɗu non ngam mi yiɗaa kuugal ngal kuwumi ndenno e ngal kuwaymi jooni warta meere.

Galaatiyanko'en 5:10

Ngam mi hoolake Joomiraawo, mi tabbitinii on tokkataa wongol laawol feerootirngol e ngol am. Nden on ɗon neɗɗo majjinayɗo'on, koo o moye, Allah torraymo.