Galaatiyanko'en 5:1 - Fulfulde Nigeria

¹ Almasiihu rimɗinii'en ngam to' ngaɗen jonde bo maccuɓe. Ngam non, ndaree boɗɗum to' on puɗɗutu co''ooɗon nder maccungaaku.

Galaatiyanko'en 5:1 ပူးပေါင်းရင်းမြစ်များ

2 Korintiyanko'en 3:17

Too, Joomiraawo on woni Ruuhu Allah, nden to Ruuhu Allah woni ɗon rimɗineeki woni.

Galaatiyanko'en 5:13

Onon bandiraaɓe am, on nodda ngam ngarton rimɗinaaɓe. Ammaa to' on kuutir rimɗinki mooɗon warta laawol waɗuki ko suuno ɓalli mooɗon ngiɗi. Sey ni mballindiron nder yidde.

1 Biiturus 2:16

Naa' on maccuɓe, on rimɗinaaɓe, ammaa to' on ngartir rimɗinki mooɗon warta laawol waɗuki ko halli, ammaa ngaɗee jonde bo maccuɓe Allah.

Roomanko'en 6:14

Ngam hakke heɓataa jaalorgal dow mooɗon, nde naa' ley Attawra ngonɗon, ammaa ley yidde Allah ngonɗon.

Roomanko'en 8:2

Ngam dooka Ruuhu Allah kokkoojum yonki nder sumpootirki e Yeesu rimɗiniiyam daga bawɗe hakke laamotooɗum'en pooɗanayɗum'en halkere.

Galaatiyanko'en 4:9

Ammaa jooni nde anduɗon Allah, koo boo nde Allah andi'on, ngam ɗume co''antooɗon ɗin ɗon ginni tampuɗi ɗi nafantaa'on? Ngam ɗume ngiɗɗon wartuki maccuɓe maaji kadin?

Ibraaniyanko'en 10:23

Kammunde nde mbi'eten en ngoodi, en njogande boɗɗum, ngam on ɗon gaɗuɗo alkawal o hebbinayngal.

Galaatiyanko'en 2:4

koo nde woɓɓe e ngiɗunoo o naadee. Ɓe ngaɗii bo ɓe tokkuɓe Yeesu, ɓe natti nder kawtal meeɗen, e ɓe ndaara iri rimɗinki ki ngooduɗen nder sumpootirki e Yeesu Almasiihu, ngam ɓe ngartira'en maccuɓe.

Galaatiyanko'en 4:31

Ngam non bandiraaɓe, enen naa' en ɓiɓɓe maccuɗo debbo, ammaa en ɓiɓɓe debbo dimo.

Wahayu Yahaya 3:3

Ngam non ciftoree e ko ɗum ekkitini'on e ko nanɗon, tokkeeɗum nden tuubee daga hakkeeji mooɗon. To boo on ummaaki, mi waray e carel ngel on kammaaki bo gujjo. Nden on andataa carel ngel ngaranaymi'on.

2 Biiturus 2:19

E ɓe ngaɗanaɓe alkawal rimɗineeki, ammaa kamɓe e ko'e maɓɓe ɓe maccuɓe hakke, ngam neɗɗo o maccuɗo koo ɗume keɓuɗum jaalorgal dow maako.

1 Korintiyanko'en 16:13

Njooɗee on paama, ndaree boɗɗum dow hoolaare mooɗon, ngaɗon ngorgu, cembiɗee.

Roomanko'en 7:6

Ammaa jooni en ndimɗinaama daga Attawra gartirɗum'en maccuɓe, ngam en maydii e Almasiihu. Jooni en kuwana Allah nder laawol kesol ngol Ruuhu maako, naa' nder tokkuki laawol kiingol ngol dooka bindaaɗum.

Roomanko'en 6:18

On ndimɗinaama daga waɗuki hakke, on ngartii maccuɓe aadilaaku.

Kuuɗe Lilaaɓe 15:10

Jooni, ngam ɗume poondoton Allah on njowana tokkuɓe Yeesu dongal ngal en mbaawaayi rondaaki, enen e maama'en meeɗen?

1 Korintiyanko'en 7:22

To neɗɗo o maccuɗo carel ko Joomiraawo noddimo, o wartii rimɗinaaɗo Joomiraawo. Non maa to neɗɗo naa' o maccuɗo carel ko Allah noddimo, o wartii maccuɗo Almasiihu.

Yahuuda 1:3

Onon ɓe ngiɗumi, goonga e mi yiɗunoo mi windonoya'on dow kisndam meeɗen en fuu. Ammaa mi yi'ii e haani mi windonoya'on ngam mi sembiɗina'on ngaɗon ko mbaawoton waɗuki ndeenon ekkitinol ngol Allah hokki'en nde go'o tan.

Filibiyanko'en 1:27

Ko ɓuri woni ngaɗee jonde pottudunde e Habaru Belɗum dow Almasiihu, ngam koo mi warii mi yi'i'on, koo mi walaa ɗon, mi nana habaru on ɗon ndarii boɗɗum nder nyumo go'o, ko ngiɗɗon go'o. On piida ngam suranki ko Habaru Belɗum wi'i,

Aafisanko'en 6:14

Ngam non, ndaree on ciryii. Goonga warta taadorde mooɗon, aadilaaku warta toggoore njamndi mooɗon nde konu.

Wahayu Yahaya 2:25

Ngaɗee ka hoolaakiyam boɗɗum naa mi wartii.

Ibraaniyanko'en 4:14

Nde en ngoodi Mawɗo Mawɓe Ardiiɓe Diina jaaɗo dow haa yeeso Allah, waato Yeesu, Ɓiɗɗo Allah, en njogo ko kooliiɗen boɗɗum.

Ibraaniyanko'en 3:14

To en njogake hoolaaki ki ngoodunooɗen daga arande boɗɗum haa keerol balɗe meeɗen, en ngarti gonduɓe e Almasiihu.

Ibraaniyanko'en 3:6

Ammaa Almasiihu o ɓiɗɗo, paamanoowo yimɓe Allah e goonga. En yimɓe Allah to en njogake sembe ɓernde e ciya kulol dow ko kammiiɗen.

2 Tasaloonikanko'en 2:15

Ngam non bandiraaɓe, ndaree boɗɗum njogee ekkitinol ngol min ekkitini'on nder meto amin koo nder ɗerewol ngol min mbindani'on.

1 Tasaloonikanko'en 3:8

Jooni e min ngoodi yonki goonga, to on ndarake e sembe nder tokkuki Joomiraawo.

Galaatiyanko'en 4:26

Ammaa Saaratu o debbo dimo o misaalu gariiri Urucaliima ndi dow ndi meeɗaayi maccungaaku, kayri woni maduujo meeɗen.

Galaatiyanko'en 3:25

Jooni nde hoolaaki Almasiihu warii, Attawra walaa laamu dow amin kadin.

1 Korintiyanko'en 15:58

Ngam non, bandiraaɓe am ɓe ngiɗumi, ndaree boɗɗum, to' goɗɗum dimba'on. Koo ndeye ngaɗee ko mbaawoton waɗuki kuwon kuugal Joomiraawo, ngam on andi kuugal ngal kuwantonmo naa' e meere ngal woni.

Maatiyu 23:4

E ɓe kaɓɓa doŋle tedduɗe caɗuɗe hoccuki, ɓe njowaɗe dow balbe yimɓe, ammaa kamɓe e ko'e maɓɓe koo koolel go'o ɓe ngaɗataa ɓe mballaɓe.

Roomanko'en 7:3

Ngam non, to gorko maako e foofa o jooɗodii e gorko feere, ɗum noddiraymo gaɗoowo njeenu. Ammaa to gorko maako maayii, dooka yoofiimo, nden to o teerii e goɗɗo feere, naa' njeenu o waɗata.

Roomanko'en 8:15

Ngam Allah hokkaayi'on Ruuhu gartirayɗum'on maccuɓe haa puɗɗiton ngaɗon jonde nder kulol, ammaa o hokku'on Ruuhu gartirayɗum'on ɓiɓɓe maako. Barka Ruuhu ɗum en mbaaway nodden Allah “Abba! Nyaako meeɗen!”

2 Korintiyanko'en 11:20

Haa maa on munyana koo moye gartiroowo'on maccuɓe maako, e ƴoyruɗo'on jaɓani'on ko ngooduɗon, e jawanayɗo'on, e piiɗo'on to wolo.

Luka 5:38

Ammaa, inabojam kesam haani waɗee nder faandu heyru.