Galaatiyanko'en 4:9 - Fulfulde Nigeria

⁹ Ammaa jooni nde anduɗon Allah, koo boo nde Allah andi'on, ngam ɗume co''antooɗon ɗin ɗon ginni tampuɗi ɗi nafantaa'on? Ngam ɗume ngiɗɗon wartuki maccuɓe maaji kadin?

Galaatiyanko'en 4:9 ပူးပေါင်းရင်းမြစ်များ

1 Korintiyanko'en 8:3

Ammaa neɗɗo giɗɗo Allah, Allah e andimo.

Galaatiyanko'en 3:3

Ngam ɗume ndulluɗon hakkiilo? Gaɗa on puɗɗirii Ruuhu Allah, jooni on ngiɗi yottinirki sembe mooɗon?

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

2 Biiturus 2:20

To yimɓe kisii daga kuuɗe kalluɗe ɗe duuniyaaru ngam ɓe andii Yeesu Almasiihu Joomiraawo meeɗen e Kisnoowo meeɗen, nden daga gaɗa ɓe co''ii ɓe natti iri kuuɗe kalluɗe ɗen ɗon, haa ɗe njarii ko'e maɓɓe, re'irde jonde maɓɓe ɓuray fuɗɗoode maɓɓe halluki.

Ibraaniyanko'en 7:18

Ɗum resii dooka kiiɗum wuttudu, ngam ɗum sembiɗaa ɗum nafataa.

2 Timooti 2:19

Fuu e non, ko Allah tiggi e ɗum darii boɗɗum. Dow maajum ɗum windi wiiki, “Joomiraawo meeɗen e andi ɓe muuɗum,” nden, “Koo moye bi'oowo e tokka Joomiraawo meeɗen doole o ala waɗuki ko wooɗaa.”

Aafisanko'en 1:17

E mi toroo Allah mo Yeesu Almasiihu Joomiraawo meeɗen, Nyaako mo mangu, hokka'on Ruuhu muuɗum pamtinayɗum'on ɓeydana'on andal Allah, ngam andonmo boɗɗum.

2 Korintiyanko'en 4:6

Ngam Allah biiɗo jayngol wurtoyoo daga nder nyiwre, kanko waɗi jayngol maako yeynii nder ɓerɗe amin ngam min anda teddungal Allah ngal ɗum yi'ii e yeeso Yeesu Almasiihu.

1 Korintiyanko'en 13:12

Ko ngi'eten jooni, en ngi'ataaɗum boɗɗum bo daaroowo daaroggal nyiɓɓungal, ammaa carel e wara ngel ngi'etenɗum boɗɗum. Jooni seɗɗa tan andumi, ammaa carel e wara ngel andaymi andal kewngal, non no ɗum andiriyam.

Roomanko'en 8:29

Allah e andiɓe daga arande o suɓiiɓe ko duuniyaaru tagee ngam ɓe ngarta bo Ɓiɗɗo maako, ngam Ɓiɗɗo on warta afo nder bandiraaɓe ɗuɗɓe.

Yahaya 17:3

Yonki ki re'ataa woni ɓe andumaa, an tan woni Allah goongaajo, nden ɓe anda Yeesu Almasiihu mo liloyɗaa.

Yahaya 10:27

Baali am e kettindanooyam. E mi andiɗi, nden e ɗi tokkayam.

Yahaya 10:14

Min woni gaynaako boɗɗo. E mi andi baali am, nden baali am e andiyam,

Maatiyu 11:27

Sey o wi'i yimɓe, “Nyaako am hokkiiyam koo ɗume. Walaa anduɗo moye woni Ɓiɗɗo on sey ni Nyaako on, non maa walaa anduɗo Nyaako on sey ni Ɓiɗɗo on, e mo Ɓiɗɗo on yiɗi andina Nyaako on.

1 Korintiyanko'en 15:34

Ngartee nder hakkiilo mooɗon no haani, alee waɗuki hakke, ngam e woodi woɓɓe mooɗon ɓe ngalaa andal dow Allah. Mi wi'u non ngam cemton.

2 Korintiyanko'en 11:20

Haa maa on munyana koo moye gartiroowo'on maccuɓe maako, e ƴoyruɗo'on jaɓani'on ko ngooduɗon, e jawanayɗo'on, e piiɗo'on to wolo.

Galaatiyanko'en 4:3

Non, enen maa ko Almasiihu rimɗina'en, ginni gooduɗi bawɗe nder laamotoo'en.

Luka 5:38

Ammaa, inabojam kesam haani waɗee nder faandu heyru.