Galaatiyanko'en 4:4 - Fulfulde Nigeria

⁴ Ammaa nde carel waɗi, Allah liloyi Ɓiɗɗo muuɗum. Debbo danyimo, o jooɗii ley Attawra,

Galaatiyanko'en 4:4 ပူးပေါင်းရင်းမြစ်များ

Roomanko'en 1:3

Habaru ɗu'um ɗum dow ɓiɗɗo maako Joomiraawo meeɗen Yeesu Almasiihu. Nder ɓandu kanko daga lenyol Dawda.

Yahaya 1:14

Bi'eteeɗo Wolde on, o wartii neɗɗo, o jooɗii nder meeɗen, o kewɗo yidde e goonga. En ngi'ii teddungal maako, teddungal ɓiɗɗo bajjo ƴiwoyɗo to Nyaako Mo Dow.

Markus 1:15

E mo wi'a, “Carel waɗii! Laamu Allah warii haade mooɗon. Tuubee, njaɓon Habaru Belɗum.”

Yahaya 3:16

Ngam yidde nde Allah yiɗi duuniyaaru haa o hokkii Ɓiɗɗo maako bajjo, ngam koo moye kooliiɗomo to' halka ammaa heɓa yonki ki re'ataa.

Maatiyu 1:23

“Raɗɗum, surbaajo mo andaa gorko danyay ɓiɗɗo gorko, nden ɗum nodday inde maako Imaanuwel.” Ma'ana Imaanuwel woni, “Allah e wondi e meeɗen.”

1 Yahaya 4:14

Min ngi'ii, min boo ceydake wiiki, Nyaako Mo Dow liloyii Ɓiɗɗo muuɗum o warta kisnoowo duuniyaaru.

Aafisanko'en 1:10

Fii ɗu'um ɗum Allah yiɗi waɗuki o waɗayɗum to carel waɗii. Ko o yiɗi waɗuki kanjum woni o hawta koo ɗume ko woni e ley e ko woni e dow warta ley laamu Almasiihu.

Luka 2:7

Sey o danyi ɓiɗɗo gorko, afo maako, o saawimo nder wudere wooɗunde, o fukkinimo nder to ɗum waɗanta marle nyamndu, ngam walaa njayri nder suudu hoɓɓe.

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

Luka 1:35

Malaa'ikaajo on wi'imo, “Ruuhu Allah jippoyto dow maaɗa, bawɗe Allah Joomu Mangu suddete bo ɗowdi. Ngam non, danyeteeɗo on ɗum noddiraymo ‘Ɓiɗɗo Allah, Ceniiɗo.’

Yahaya 6:38

Ngam mi waroyii daga dow naa' ngam mi waɗa ko ngiɗumi, ammaa mi waɗa ko liloyɗoyam yiɗi.

Ibraaniyanko'en 2:14

Nde ɓiɓɓe ɓen ɓe gooduɓe ɓandu e ƴiiƴam, Yeesu e hoore muuɗum wartii neɗɗo bo maɓɓe. O waɗu non ngam barka mayde maako o halka on ɗon jogiiɗo bawɗe mayde, waato Ceyɗan.

Yahaya 10:36

To ɗum non, min mo Nyaako Mo Dow suɓi ngam kuugal maako liloyiyam nder duuniyaaru, mi huɗii Allah won ɗon nde mbiimi, ‘Min mi Ɓiɗɗo Allah?’

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

Roomanko'en 15:8

Ngam e mi wi'a'on Almasiihu wartii maccuɗo Yahuudanko'en ngam o holla Allah waɗay ko wi'i, ngam ɗum tabbitina alkawal ngal ɗum waɗani maama'en maɓɓe arande'en,

Kuuɗe Lilaaɓe 1:7

Ammaa Yeesu wi'iɓe, “Anduki carel e jaamanuuji ɗi Nyaako meeɗen Mo Dow siryii nder laamu muuɗum naa' um ɗum mooɗon.

Luka 1:31

A heɓay reedu, a danyay ɓiɗɗo gorko, nden a nodday inde maako Yeesu.

Maatiyu 3:15

Ammaa Yeesu nootii wi'i, “Alu ɗum warta non jooni, ngam non haani kebbiniren ko Allah yiɗi ngaɗen.” Nden Yahaya jaɓi.

1 Yahaya 4:2

Raa no andirton to neɗɗo e woodi Ruuhu Allah: fuu biiɗo Yeesu Almasiihu warii nder ɓandu e woodi Ruuhu Allah.

Ibraaniyanko'en 9:10

Nyamki e yarki e loote‑loote feere‑feere ngam diina, ɗum dookaaji ngam ɓandu tan, ɗi ɗum waɗi naa carel alkawal kesal waɗii.

Koloosiyanko'en 2:14

Allah woggii fuu ko wooɗaa ɗum ngaɗɗen bindaaɗum ɗum um nangiri'en. O ittiiɗum dow meeɗen nde Almasiihu fiyanaa kuusaaje dow gaafaangal.

Roomanko'en 9:5

Ɓe ƴiwoyi daga maama'en Yahuudanko'en mawɓe andaaɓe, nden daga lenyol maɓɓe Almasiihu waroyi nder ɓandu. Allah laamotooɗo koo ɗume mantee haa abadaa! Aamin.

Yahaya 8:42

Yeesu wi'iɓe, “Daa Allah woni Nyaako mooɗon, daa on ngiɗayyam, ngam daga to maako ƴiwoymi, jooni boo e mi ɗo'o. Mi waraayi ngam hoore am, ammaa kanko liloyiyam.

Maatiyu 5:17

“To' on kammo mi waroyi ngam mi wartira Attawra koo Defte Annabo'en meere. Mi waroyi naa' ngam mi wartiraɗum meere, ammaa ngam mi hebbinaɗum.

Roomanko'en 5:6

Nder carel ngel tampuɗen, Almasiihu maayii ngam gaɗooɓe hakke nder carel ngel Allah suɓi.

1 Timooti 2:6

kokkuɗo hoore maako ngam o rimɗina yimɓe. Kanjum woni ceyda ɗum um hokki nde carel waɗi.

Luka 20:44

Dawda e noddira Almasiihu ‘Joomiraawo.’ No waɗata o warta ɓiɗɗo Dawda?”