Galaatiyanko'en 2:9 - Fulfulde Nigeria

⁹ Yaakubu e Biiturus e Yahaya, noddeteeɓe ardiiɓe mawɓe, nde ɓe ngi'i Allah barkiɗinii kuugal amin bongal, ɓe njaɓɓiiyam min e Barnaba juuɗe ɗiɗi. Ɓe njaɓi min e Barnaba min nga'ajina nder yimɓe naa' Yahuudanko'en, nden kamɓe ɓe nga'ajina nder Yahuudanko'en.

Galaatiyanko'en 2:9 ပူးပေါင်းရင်းမြစ်များ

Roomanko'en 12:3

Ngam caahu ɗum Allah hokkiyam, e mi wi'a koo moye mooɗon, to' hocca hoore muuɗum ko ɓuri no haani. Ammaa koo moye faama no hocciri hoore muuɗum. Koo moye hocca hoore muuɗum ko fottidi e hoolaaki Allah ki Allah hokkimo.

Wahayu Yahaya 3:12

Fuu keɓuɗo jaalorgal mi wartiraymo darŋalal nder wuro ceniingo ngo Allah am, o fuɗɗitataa o wurtoo wuro ngon. Mi winday inde Allah am dow maako e inde gariiri Allah am, waato Urucaliima keyri jippoytoondi daga to Allah am ton dow. Ɗonmaa mi winday inde am heyre dow maako.

Galaatiyanko'en 2:2

Mi yahu Urucaliima ngam Allah holliiyam mi yaha. Nde njaami mi hawrii e ardiiɓe tokkuɓe Yeesu tan, mi holliiɓe Habaru Belɗum ɗum nga'ajinanmi yimɓe naa' Yahuudanko'en. Mi waɗu non ngam mi yiɗaa kuugal ngal kuwumi ndenno e ngal kuwaymi jooni warta meere.

Roomanko'en 1:5

Barka Yeesu Almasiihu e ngam inde maako, Allah barkiɗiniiyam wartiriiyam lilaaɗo ngam lenyi duuniyaaru fuu hooloomo tokka ko o wi'i.

1 Yahaya 1:3

E min nga'ajinana'on ko min nani e ko min ngi'i ngam kawten sumpo. Sumpo meeɗen woni sumpootirki e Nyaako meeɗen Mo Dow e Ɓiɗɗo maako Yeesu Almasiihu.

Aafisanko'en 3:8

Koo nde mi pamaro nder yimɓe Allah fuu, Allah suɓiiyam mi wa'ajinana yimɓe naa' Yahuudanko'en dow barka ɗum limataako keɓeteeɗum to Almasiihu.

1 Timooti 3:15

Ammaa to mi warilawaayi, ɗerewol ngo'ol wallete andaa no haani njooɗorooɗen nder wuro Allah, waato kawtal tokkuɓe Allah mo yonki, darŋalal jogotoongal goonga.

Koloosiyanko'en 1:29

Kanjum waɗi e mi huwa, e mi fiida, e mi huutira fuu sembe Almasiihu kuwoojum e bawɗe nder am.

Aafisanko'en 2:20

On mahaama dow fuɗɗoode maadi ndi lilaaɓe e annabo'en mahi, nden Yeesu Almasiihu e hoore muuɗum woni hayre darnunde maadi ndin.

2 Korintiyanko'en 8:4

ɓe torakemin naa' seɗɗa min alaɓe ɓe ngaɗa jungo nder kuugal walluki yimɓe Allah gonɓe Urucaliima.

1 Korintiyanko'en 15:10

Ammaa ngam yidde nde Allah holliyam mi wartii ko ngonmi hande, nden yidde nde o holliyam wartaayi meere. Mi ɓurii koo moye lilaaɗo huwuki, koo nde naa' ɗum min huwata, ɗum yidde Allah gondunde e am huwata.

Roomanko'en 15:15

Ammaa bannye nder ɗerewol ngo'ol mi windanii'on haala cembiɗka dow goɗɗum fii ngam mi siftorana'onɗum. Mi waɗu non ngam kuugal bongal ngal Allah hokkiyam,

Kuuɗe Lilaaɓe 15:13

Nde ɓe keenyi metuki, sey Yaakubu wi'i, “Bandiraaɓe, nanee ko mbi'aymi'on!

Kuuɗe Lilaaɓe 15:7

Nde ɓe neeɓi e ɓe foɗfoɗtira dow fii ɗum, Biiturus ummii wi'iɓe, “Bandiraaɓe, on andi ko neeɓi Allah suɓiiyam nder mooɗon mi wa'ajina Habaru Belɗum nder leƴƴi ɗi naa' Yahuudanko'en, ngam ɓe nana ɓe ngarta tokkuɓe Yeesu.

Kuuɗe Lilaaɓe 4:36

E woodi goɗɗo Leewiyankeejo, neɗɗo leydi Sayiifurus bi'eteeɗo Yusufu, mo lilaaɓe noddirta Barnaba (ma'ana inde maako woni cembiɗinoowo ɓerɗe),

Maatiyu 16:18

E mi wi'imaa, an woni Biiturus, waato Tafaare. Dow tafaare nden njooɗinaymi tokkuɓeyam. Mayde fuu e bawɗe mayre waawataa jaalooɓe.

Luka 22:8

Ngam non Yeesu lili Biiturus e Yahaya wi'iɓe, “Njahee ciryanee'en koo ɗume ngam nyaamen Humto Sakkinki.”

Yahaya 1:42

Sey o yaari Siiman to Yeesu. Yeesu raari Siiman on wi'imo, “An woni Siiman ɓiɗɗo Yahaya. Ɗum noddirte Keefas.” Ma'ana Keefas woni Biiturus, waato “hayre.”

Kuuɗe Lilaaɓe 12:17

O ƴeftaniɓe jungo ngam ɓe nde''ita, o wi'iɓe no Joomiraawo wurtinirimo nder suudu cural, o wi'i, “Kokkee Yaakubu habaru ɗu'um, e tokkuɓe Yeesu horiiɓe fuu.” Gaɗa maajum o wurtii, o yahi wonde wigeere.

2 Korintiyanko'en 11:5

Mi kammaaki ɓen ɗon noddeteeɓe “mawɓe lilaaɓe” ɓe ɓurdiiyam goɗɗum.

2 Korintiyanko'en 12:11

Mi wartirii hoore am bo kaaŋaaɗo, ammaa onon ngaɗiyam ngaɗumi non. Goonga, onon haani manayam, ngam ɓen ɗon noddeteeɓe “mawɓe lilaaɓe” ɓe ɓuraayiyam koo seɗɗa, koo nde naa' mi goɗɗum.

Galaatiyanko'en 1:16

wanginankiyam Ɓiɗɗo maako, ngam mi wa'ajinamo nder yimɓe naa' Yahuudanko'en. Nde non waɗi, mi yahaayi to goɗɗo ngam hokkayam caawori,

Galaatiyanko'en 1:18

Gaɗa duuɓi tati mi yahii Urucaliima ngam mi medda e Biiturus, nden njooɗodiimi e maako balɗe sappo e jowi.

Galaatiyanko'en 2:1

Gaɗa duuɓi sappo e nayi mi fuɗɗiti mi yahii Urucaliima hawti e Barnaba, min njaadi e Tiitus.

Galaatiyanko'en 6:3

To goɗɗo e nyuma kanum ɗum goɗɗum koo nde naa' o goɗɗum, e mo majjina hoore maako.