Galaatiyanko'en 2:6 - Fulfulde Nigeria

⁶ Ammaa ɓen ɗon ardiiɓe ɓe ɓeydaayi goɗɗum dow ekkitinol am. Koo kamɓe ɓe ɓeye walaa feerootirol to am, ngam Allah hollataa feerootirol.

Galaatiyanko'en 2:6 ပူးပေါင်းရင်းမြစ်များ

Galaatiyanko'en 2:2

Mi yahu Urucaliima ngam Allah holliiyam mi yaha. Nde njaami mi hawrii e ardiiɓe tokkuɓe Yeesu tan, mi holliiɓe Habaru Belɗum ɗum nga'ajinanmi yimɓe naa' Yahuudanko'en. Mi waɗu non ngam mi yiɗaa kuugal ngal kuwumi ndenno e ngal kuwaymi jooni warta meere.

Kuuɗe Lilaaɓe 10:34

Nden Biiturus fuɗɗi metankiɓe wi'i, “Jooni goonga e mi andi Allah hollataa feerootirol hakkunde yimɓe.

2 Korintiyanko'en 12:11

Mi wartirii hoore am bo kaaŋaaɗo, ammaa onon ngaɗiyam ngaɗumi non. Goonga, onon haani manayam, ngam ɓen ɗon noddeteeɓe “mawɓe lilaaɓe” ɓe ɓuraayiyam koo seɗɗa, koo nde naa' mi goɗɗum.

Galaatiyanko'en 6:3

To goɗɗo e nyuma kanum ɗum goɗɗum koo nde naa' o goɗɗum, e mo majjina hoore maako.

2 Korintiyanko'en 11:5

Mi kammaaki ɓen ɗon noddeteeɓe “mawɓe lilaaɓe” ɓe ɓurdiiyam goɗɗum.

Roomanko'en 2:11

ngam Allah hollataa feerootirol.

1 Biiturus 1:17

On nodda Allah Nyaako Mo Dow nder do'aare mooɗon. Nde e mo waɗana koo moye kiita dow kuuɗe ɗe waɗi, o hollataa feerootirol, ngaɗee jonde mooɗon nde koɗaaku e duuniyaaru ndu'u nder kulol Allah.

Ibraaniyanko'en 13:17

Tokkee ardiiɓe'on ngaɗon ko ɓe mbi'i'on. E ɓe paamana yonkiiji mooɗon: Allah boo ƴamayɓe dow no ɓe paamirani'on. Tokkee ko ɓe mbi'i ngam ɓe ngaɗa kuugal ngal nder belɗum ɓernde naa' nder teddoral. To ɗum wartii teddoral, non wartay walaa ko nafanta'on.

Ibraaniyanko'en 13:7

Nyumee dow ardiiɓe'on, wa'ajinanɓe'on Wolde Allah. Nyumee dow no ɓe njooɗorii, ekkitee no ɓe koolorii Allah.

2 Korintiyanko'en 5:16

Ngam non, daga jooni min koccataa goɗɗo no yimɓe duuniyaaru koccirimo. Koo nde ndenno min koccii Almasiihu no yimɓe duuniyaaru koccirimo, jooni naa' non min koccirimo.

Luka 20:21

Lilaaɓe ɓen sey ƴami Yeesu mbi'i, “Moodibbo, e min andi ko mbi'ataa e ko ngaɗataa ɗum goonga, a hollataa yidde hoore, a ekkitina laawol Allah e goonga.

Markus 12:14

Ɓe ngari to Yeesu, ɓe mbi'imo, “Moodibbo, e min andi ko mbi'ataa e ko ngaɗataa ɗum goonga. A hollataa feerootirol hakkunde yimɓe, ngam a hoccii yimɓe fuu e pottidi. Ɗonmaa a ekkitina laawol Allah e goonga. Too, wi'umin, e ɗum haani min njoɓa Kaysar Mawɗo Laamiiɓe ceede leydi, koo ɗum haanaayi?

Maatiyu 22:16

Sey ɓe liloyi tokkuɓeɓe e yimɓe Hirudus, ɓe mbi'i, “Moodibbo, e min andi ko mbi'ataa e ko ngaɗataa ɗum goonga, a ekkitina dow laawol Allah e goonga, a hulataa ko yimɓe mbi'ata dow maaɗa, a hollataa feerootirol hakkunde yimɓe.

Kuuɗe Lilaaɓe 5:36

Ko neeɓaayi goɗɗo bi'eteeɗo Tudas wangii. O hoccii hoore maako bo o mawɗo. Yimɓe ko waɗi 400 tokkimo. Too, o waraama, tokkunooɓemo fuu cankitake, walaa koo go'oto dariiɗo.