Galaatiyanko'en 2:4 - Fulfulde Nigeria

⁴ koo nde woɓɓe e ngiɗunoo o naadee. Ɓe ngaɗii bo ɓe tokkuɓe Yeesu, ɓe natti nder kawtal meeɗen, e ɓe ndaara iri rimɗinki ki ngooduɗen nder sumpootirki e Yeesu Almasiihu, ngam ɓe ngartira'en maccuɓe.

Galaatiyanko'en 2:4 ပူးပေါင်းရင်းမြစ်များ

Yahuuda 1:4

Mi wi'u ɗu'um ngam woɓɓe yimɓe nattii nder mooɗon e suuɗe. Ɓe kulataa Allah, e ɓe mbi'a Allah yaafanto'en hakke, ngam non en ngaɗu ka waɗuki hakke. Ɓe nganyii Mawɗo meeɗen Joomiraawo meeɗen go'oto tan mo ngooduɗen, Yeesu Almasiihu. Aayaaje bindaaɗe ko neeɓi mbi'i ɗum taƴanayɓe kiita kalluka.

Galaatiyanko'en 5:1

Almasiihu rimɗinii'en ngam to' ngaɗen jonde bo maccuɓe. Ngam non, ndaree boɗɗum to' on puɗɗutu co''ooɗon nder maccungaaku.

Galaatiyanko'en 4:3

Non, enen maa ko Almasiihu rimɗina'en, ginni gooduɗi bawɗe nder laamotoo'en.

2 Korintiyanko'en 11:26

Nder jahaale am mi nattii torraaji ɗuɗɗi, canɗi feere‑feere ɓadake nyaamayam, wuyɓe torriiyam, yimɓe lenyol am torriiyam, yimɓe naa' Yahuudanko'en torriiyam. Mi nattii torra nder gariiri, mi nattii torra nder ladde, maayo ɓadake nyaamayam, bandiraaɓe am fewre'en torriiyam.

1 Yahaya 4:1

Onon ɓe ngiɗumi, naa' koo moye biiɗo e woodi Ruuhu Allah koolotooɗon. Ammaa poondeeɓe ngi'on koo Ruuhu Allah e nder maɓɓe koo walaa nder maɓɓe, ngam annabo'en fewre ɗuɗɓe cankitake koo toye nder duuniyaaru.

2 Biiturus 2:19

E ɓe ngaɗanaɓe alkawal rimɗineeki, ammaa kamɓe e ko'e maɓɓe ɓe maccuɓe hakke, ngam neɗɗo o maccuɗo koo ɗume keɓuɗum jaalorgal dow maako.

2 Timooti 3:6

Ngam nder maɓɓe e woodi nattooɓe gure e majjina rewɓe ɓe ngalaa faamu, ɓe hakke nyo''i, ɓe suuno feere‑feere laamii.

Galaatiyanko'en 5:10

Ngam mi hoolake Joomiraawo, mi tabbitinii on tokkataa wongol laawol feerootirngol e ngol am. Nden on ɗon neɗɗo majjinayɗo'on, koo o moye, Allah torraymo.

2 Korintiyanko'en 11:20

Haa maa on munyana koo moye gartiroowo'on maccuɓe maako, e ƴoyruɗo'on jaɓani'on ko ngooduɗon, e jawanayɗo'on, e piiɗo'on to wolo.

2 Korintiyanko'en 11:13

Iri ɓen ɗon yimɓe ɓe lilaaɓe fewre, ɓe kuutirooɓe fewre, e ɓe ngartira ko'e maɓɓe bo ɓe lilaaɓe Almasiihu.

2 Korintiyanko'en 3:17

Too, Joomiraawo on woni Ruuhu Allah, nden to Ruuhu Allah woni ɗon rimɗineeki woni.

Kuuɗe Lilaaɓe 20:30

Haa nder mooɗon maa, woɓɓe ummoto e ekkitina ekkitinol fewre ngam ɓe pooɗoya tokkuɓe Yeesu tokkaɓe.

Kuuɗe Lilaaɓe 15:24

Min nanii habaru woɓɓe nder amin umminanii'on hakkiilo e metemeteeji maɓɓe e ɓe nganna'on, koo nde naa' minon liliɓe.

Kuuɗe Lilaaɓe 15:1

Sey woɓɓe yimɓe ƴiwoyi leydi Yahuudiya ngari gariiri Antaakiya, e ɓe ekkitina tokkuɓe Yeesu, e ɓe mbi'a, “To on naadaaka non no Attawra wi'i on kisataa.”

1 Biiturus 2:16

Naa' on maccuɓe, on rimɗinaaɓe, ammaa to' on ngartir rimɗinki mooɗon warta laawol waɗuki ko halli, ammaa ngaɗee jonde bo maccuɓe Allah.

Galaatiyanko'en 4:25

Hajara woni misaalu Hocceere Sinay gonde leydi Laarabanko'en, nden o misaalu gariiri Urucaliima ndi jooni, ngam e ndi nder maccungaaku, kayri e ɓiɓɓe mayri.

2 Korintiyanko'en 11:17

Ko mbi'aymi e mi mantitoo jooni, Joomiraawo wi'aayiyam mi wi'a non, ammaa e mi meta bo kaaŋaaɗo.

Roomanko'en 8:15

Ngam Allah hokkaayi'on Ruuhu gartirayɗum'on maccuɓe haa puɗɗiton ngaɗon jonde nder kulol, ammaa o hokku'on Ruuhu gartirayɗum'on ɓiɓɓe maako. Barka Ruuhu ɗum en mbaaway nodden Allah “Abba! Nyaako meeɗen!”

Galaatiyanko'en 1:7

Goonga, walaa goɗɗum Habaru Belɗum feere, ammaa e woodi woɓɓe yimɓe gannooɓe'on. E ɓe ngiɗi waylutuki Habaru Belɗum ɗum Almasiihu.

Yaakubu 1:25

Ammaa gaɗɗo hakkiilo muuɗum fuu dow dooka kewɗum rimɗinayɗum yimɓe, e mo waɗi ka waɗuki hakkiilo dow maajum, naa' nanoowoɗum tan e yejjita, ammaa e mo waɗa ko ɗum wi'i, o heɓay barka nder waɗukiɗum.

Luka 5:38

Ammaa, inabojam kesam haani waɗee nder faandu heyru.