Filimon 1:17 - Fulfulde Nigeria

¹⁷ Ngam non, taa jaɓii mi higo maaɗa nder kuugal, jaɓumo non no njaɓirtaayam.

Filimon 1:17 ပူးပေါင်းရင်းမြစ်များ

2 Korintiyanko'en 8:23

Tiitus, o higo kuugal am, min e maako e min kuuda ngam mooɗon. Bandiraaɓe meeɗen jaadooɓe e maako, ɓe lilaaɓe nder tokkuɓe Yeesu Almasiihu, kuugal maɓɓe e teddinamo.

Maatiyu 10:40

“Fuu jaɓuɗo'on jaɓiiyam, ɗonmaa fuu jaɓuɗoyam jaɓii on ɗon liloyɗoyam.

Filimon 1:12

E mi so''oyamo to maaɗa jooni, e mi yiɗimo naa' seɗɗa.

Yaakubu 2:5

Bandiraaɓe am ɓe ngiɗumi, nanee ko mbi'aymi. Naa' Allah suɓii ɓe ngalanaa nder duuniyaaru ndu'u ɓe ngarta kooliiɓe Yeesu ɓe ndona barka gonɗum nder laamu Allah ɗum o waɗani yiɗuɓemo alkawal?

Ibraaniyanko'en 3:1

Ngam non, bandiraaɓe am tokkuɓe Yeesu ɓe Allah noddi, nyumee dow Yeesu, lilaaɗo, Mawɗo Mawɓe Ardiiɓe Diina mo mbi'eten yimɓe en tokka.

Aafisanko'en 3:6

Sirru ɗum woni barka Habaru Belɗum dow Yeesu Almasiihu yimɓe naa' Yahuudanko'en keɓay koo ɗume ko Allah hokkata Yahuudanko'en. Ɓe ngartii bo ɓandu go'o e Yahuudanko'en. Hawti e Yahuudanko'en ɓe keɓay ko Allah waɗi alkawal barka Yeesu Almasiihu.

Kuuɗe Lilaaɓe 16:15

Gaɗa kanko e wuro maako fuu ɓe ngaɗanaama baptisma, sey o toriimin, o wi'i, “To on jaɓii mi kooliiɗo Joomiraawo e goonga, ngaree njooɗooɗon to wuro am.” O estimin min njippoo to maako, sey min njippii.

Maatiyu 25:40

Sey Laamiiɗo on nootoo, wi'aɓe, ‘E mi wi'a'on goonga, nde on ngaɗani go'oto nder ɓe'e bandiraaɓe am ɓurɓe famɗuki, min ngaɗanɗon.’

Maatiyu 18:5

Nden fuu jaɓuɗo sukayel pamarel bo nge'el nder inde am jaɓiiyam.

1 Yahaya 1:3

E min nga'ajinana'on ko min nani e ko min ngi'i ngam kawten sumpo. Sumpo meeɗen woni sumpootirki e Nyaako meeɗen Mo Dow e Ɓiɗɗo maako Yeesu Almasiihu.

1 Biiturus 5:1

E mi toroo mawɓe kawtal tokkuɓe Yeesu gonɓe nder mooɗon. Min maa mi mawɗo nder tokkuɓe Yeesu, bandiraawo mooɗon, ceydiiɗo torra ka Almasiihu yari, keɓayɗo geɗal muuɗum nder mangu maako to o wartoyii. E mi toroo'on,

Ibraaniyanko'en 3:14

To en njogake hoolaaki ki ngoodunooɗen daga arande boɗɗum haa keerol balɗe meeɗen, en ngarti gonduɓe e Almasiihu.

Filimon 1:10

E mi toromaa ngam Onisimus gartuɗo bo ɓiɗɗo to am, ngam mi holliimo laawol Allah ko e mi surii.

1 Timooti 6:2

To maccuɓe ɓen e ngoodi jeyɓeɓe tokkuɓe Yeesu, to' ɓe njawanaɓe ngam kamɓe maa ɓe tokkuɓe Yeesu. Ammaa ɓe kuwanaɓe ko ɓuri wooɗuki, ngam nyaamooɓe bote kuuɗe maɓɓe ɓe tokkuɓe Yeesu, giɗaaɓe. Doole ekkitinaa ɗu'um fuu nga'ajinaaɗum.

Filibiyanko'en 1:7

Ɗum wooɗaniiyam mi nyumira nihi dow mooɗon on fuu, ngam on nder ɓernde am. Koo nder suruki ki ɗum suriyam, koo nder suranki mangu Habaru Belɗum e tabbitinkiɗum, on fuu on keɓii barka Allah hawti e am.

Filimon 1:18

To o waɗaniima goɗɗum ko wooɗaa, koo taa tokkamo nyamaande, yowuɗum dow am.