Filibiyanko'en 3:9 - Fulfulde Nigeria

⁹ mi warta cumpootiroowo e maako. Mi wartay non naa' ngam aadilaaku ɗum ngoodumi ngam tokkuki Attawra, ammaa ngam aadilaaku keɓeteeɗum nder hoolaakimo, waato aadilaaku ƴiwoyɗum to Allah keɓeteeɗum barka hoolaaki Almasiihu.

Filibiyanko'en 3:9 ပူးပေါင်းရင်းမြစ်များ

2 Korintiyanko'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

1 Korintiyanko'en 1:30

O wartirii'on ɓe Yeesu Almasiihu. Allah wartiriimo faamu meeɗen. Laawol maako ɗum wartiri'en aadili'en, ceniiɓe, rimɗinaaɓe.

Galaatiyanko'en 2:16

Fuu e non, en andi Allah jaɓataa neɗɗo o aadiliijo ngam tokkuki Attawra, ammaa o jaɓaymo barka hoolaaki Yeesu Almasiihu. Enen maa en koolake Yeesu Almasiihu ngam Allah jaɓa'en en aadili'en barka hoolaaki Almasiihu, naa' ngam tokkuki Attawra. Ngam walaa mo Allah jaɓata o aadiliijo ngam tokkuki Attawra.

Roomanko'en 8:1

Ngam non, jooni ɗum taƴantaa ɓen ɗon cumpootirooɓe e Yeesu Almasiihu kiita halkere.

Roomanko'en 1:17

Ngam Habaru Belɗum e holla aadilaaku Allah keɓeteeɗum barka hoolaaki Yeesu tan. Non no ɗum windiraa, “Aadiliijo o waɗay jonde hoolaaki Allah.”

Tiitus 3:5

o hisnii'en, naa' ngam kuuɗe boɗɗe ɗe ngaɗuɗen, ammaa ngam yurmeende maako. O hisnu'en barka lootuki ɓerɗe meeɗen ki Ruuhu maako waɗi wartirii'en yimɓe hesɓe.

2 Timooti 1:9

Kanko hisni'en, noddi'en ngam ngarten yimɓe maako kuwen kuugal maako. O waɗu non naa' ngam goɗɗum boɗɗum ɗum ngaɗɗen, ammaa non o yiɗiri fii ɗum waɗoroo e yidde nde o holli'en nder Yeesu Almasiihu ko duuniyaaru tagee.

2 Korintiyanko'en 5:17

Ngam non, fuu gartuɗo mo Almasiihu o wartii neɗɗo keso. Koo ɗume ɗum ndenno ƴaɓɓake, koo ɗume wartii kesum.

Filibiyanko'en 3:6

Mi tokkii diina am haa mi torrii tokkuɓe Yeesu. Dow waɗuki aadilaaku nder tokkuki Attawra, ɗum tawraayiyam goɗɗum ko wooɗaa.

Roomanko'en 10:10

Ngam nder ɓernde neɗɗo hoolotoo Almasiihu nden Allah wartiramo aadiliijo, nden e honduko neɗɗo wi'ata e njayri Yeesu woni Joomiraawo hisa.

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

Maatiyu 9:13

Njahee, ekkitooɗon ma'ana aayaare biinde, ‘E mi yiɗi kollon yurmeende, naa' sakkuki cakkiri.’ Mi waroyaayi ngam nodduki nyumooɓe ɓe aadili'en, ammaa mi waroyi ngam nodduki anduɓe ɓe gaɗooɓe hakke.”

1 Yahaya 3:4

Fuu gaɗoowo hakke yewii dooka Allah, ngam waɗuki hakke woni yewuki dooka Allah.

2 Biiturus 1:1

Min, Siiman Biiturus, windi ɗerewol ngo'ol. Mi maccuɗo Yeesu Almasiihu lilaaɗo maako. E mi windana keɓuɓe hoolaare bonde bo nde amin laawol aadilaaku Allah meeɗen Kisnoowo meeɗen Yeesu Almasiihu:

Yaakubu 3:2

Ngam en fuu en parka naa' seɗɗa. To boo goɗɗo farkataa nder koo ɗume ko o wi'ata, too, kanko o kewɗo, e mo waawa o sura hoore maako.

Ibraaniyanko'en 6:18

Fii ɗiɗum ɗu'um, waato alkawal ngal e hunayeere nden ɗum waylitataako haa abadaa, ngam ɗum waɗataako Allah fewa. Non e sembiɗina'en, enen dogguɓe njahi to maako, njogooɗen kammunde gonde yeeso meeɗen boɗɗum.

Roomanko'en 16:7

Kownaneeyam Andaroonikus e Yuuniya, bandiraaɓe am Yahuudanko'en tokkuɓe Yeesu ɓe ɗum maɓɓidi e am nder suudu cural. Lilaaɓe e andiɓe boɗɗum, kadin ɓe artiiyam hoolaaki Almasiihu.

Roomanko'en 5:21

Hakke laamake yimɓe ngam ɗum pooɗaniiɓe mayde. Ammaa jooni yidde Allah e laamoo laawol aadilaaku, nden Allah jaɓii'en barka Yeesu Almasiihu Joomiraawo meeɗen. Non waɗay keɓen yonki ki re'ataa.