Filibiyanko'en 3:3 - Fulfulde Nigeria

³ Ngam enen ngoodi naaduki ki goonga, enen mawninooɓe Allah nder Ruuhu maako, mantortooɓe Yeesu Almasiihu. Enen en ngaɗataa ɓerɗe meeɗen dow kuuɗe ɗe ngaɗeten e ɓandu ngam Allah jaɓa'en,

Filibiyanko'en 3:3 ပူးပေါင်းရင်းမြစ်များ

Koloosiyanko'en 2:11

Nder sumpootirki mooɗon e Almasiihu on naadaama, naa' iri naaduki ki yimɓe ngaɗata, ammaa iri naaduki ki Almasiihu waɗata, waato o ittii ngikku mooɗon giɗɗum waɗuki hakke.

Roomanko'en 7:6

Ammaa jooni en ndimɗinaama daga Attawra gartirɗum'en maccuɓe, ngam en maydii e Almasiihu. Jooni en kuwana Allah nder laawol kesol ngol Ruuhu maako, naa' nder tokkuki laawol kiingol ngol dooka bindaaɗum.

Galaatiyanko'en 5:25

Nde Ruuhu Allah hokki'en yonki, en ngaɗu jonde no ɗum holliri'en.

Roomanko'en 8:15

Ngam Allah hokkaayi'on Ruuhu gartirayɗum'on maccuɓe haa puɗɗiton ngaɗon jonde nder kulol, ammaa o hokku'on Ruuhu gartirayɗum'on ɓiɓɓe maako. Barka Ruuhu ɗum en mbaaway nodden Allah “Abba! Nyaako meeɗen!”

Aafisanko'en 6:18

Koo ndeye ngaɗee ka waɗuki do'aare no Ruuhu Allah holliri'on nder koo ɗume ɗum ngaɗoton. Kadin ngaɗon ka toraaki Allah walla'on. Ngam fii ɗu'um, paamee, to' on njaɓu comon, koo ndeye ngaɗee ka waɗanki yimɓe Allah fuu do'aare.

Roomanko'en 1:9

Allah mo kuwanaymi kuugal wa'ajinki Habaru Belɗum dow Ɓiɗɗo maako e ɓernde am fuu, kanko woni ceyduujo am, koo ndeye mi yejjitataa'on nder do'aare am.

Yahuuda 1:20

Ammaa onon ɓe ngiɗumi, cembiɗinee ko'e mooɗon dow hoolaare mooɗon ceniinde. Ngaɗee do'aare nder bawɗe Ruuhu Allah.

Roomanko'en 15:17

Ngam Yeesu Almasiihu jeyiyam waɗi mantortoomi kuugal ngal kuwanaymi Allah.

Roomanko'en 8:39

koo ko woni e dow, koo ko woni e ley, walaa goɗɗum nder fuu ko tagaa baawayɗum haɗa Allah yiɗuki'en yidde nde o hollata'en barka Yeesu Almasiihu Joomiraawo meeɗen.

Roomanko'en 9:6

Naa' e mi wi'a Allah hebbinaayi alkawal muuɗum. Ngam naa' fuu Israa'iilanko'en ngoni yimɓe Allah ɓe goonga.

2 Korintiyanko'en 11:18

Nde e woodi mantitotooɓe iri mantitaaki ki yimɓe duuniyaaru, min maa mi mantitoto.

Galaatiyanko'en 6:16

Jam Allah e yurmeende maako tabbita to ɓen ɗon tokkooɓe ekkitinol ngo'ol, waato yimɓe Allah ɓe goonga.

Filibiyanko'en 1:1

Min Bulus e Timooti min maccuɓe Yeesu Almasiihu. Min mbindan fuu yimɓe Allah tokkuɓe Yeesu wonɓe gariiri Filibi e mawɓe e huwooɓe nder kawtal tokkuɓe Yeesu.

Filibiyanko'en 3:12

Mi wi'aayi mi yaadake mi wartii koo ɗume ko haani mi warta, koo boo mi yaadake mi wartii kewɗo. Ammaa e mi waɗa ko mbaawaymi waɗuki ngam mi warta non, ngam Yeesu Almasiihu yaadake wartiriiyam mo maako.

Filibiyanko'en 3:14

E mi nyamra yeeso ngam mi heɓa jaalorgal mi hokkee dokkal, waato noddol yaaki dow ngol Allah noddiyam barka Yeesu Almasiihu.