Filibiyanko'en 2:3 - Fulfulde Nigeria

³ To' on ngaɗu koo ɗume nder yidde hoore koo nder mangu hoore, ammaa nder lesnuki hoore koo moye hocca bandiraawo muuɗum ɓuriimo.

Filibiyanko'en 2:3 ပူးပေါင်းရင်းမြစ်များ

Roomanko'en 12:10

Njogootiree, ngiɗindiree bo bandiraaɓe, kokkee yimɓe mangu bo ɓe ɓurii'on.

Galaatiyanko'en 5:26

To' en ngartu ɓe mangu hoore, koo umminindiren hakkiilo, koo lawlindiren.

Aafisanko'en 5:21

Kokkindiree mangu ngam mawninki Almasiihu.

Aafisanko'en 4:2

Koo ndeye ngartee gooduɓe hakkiilo, lestinon ko'e mooɗon, ngarton ɓe munyal, munymunytiron nder yidde.

1 Biiturus 5:5

Onon sukaaɓe, ngaɗee ko mawɓe kawtal tokkuɓe Yeesu gonɓe nder mooɗon mbi'i. On fuu ngartee leynooɓe ko'e, mballindiree hakkunde mooɗon. Ngam aayaare wi'ii, “Allah wanyii gooduɓe mangu hoore, ammaa e mo walla lesnuɓe ko'e.”

Filibiyanko'en 2:14

Fuu ko ngaɗoton, to' on ngaɗuɗum nder metitaaki, koo nder geddi,

Galaatiyanko'en 5:15

Ammaa to on kallindira on torrindira bo marle ladde, paamee to' kalkindiron.

1 Timooti 6:4

o kewɗo mangu hoore, walaa ko o andi. O giɗɗo geddi e foɗfoɗtirki dow boliiɗe. Foɗfoɗtirki kin e wadda lawliiru, e yeddootirki, e huɗhuɗtirki, e nyumooji kalluɗi dow yimɓe.

Luka 18:14

E mi wi'a'on, jaɓoowo ceede leydi on hootii wuro o jaafanaaɗo hakke maako, ammaa Faarisankeejo on yaafanaaka. Ngam koo moye mawninɗo hoore muuɗum o pamɗinteeɗo, nden lestinɗo hoore muuɗum boo o mawninteeɗo.”

Koloosiyanko'en 3:8

Ammaa jooni, cendiron e fuu iri kuuɗe ɗe'e, waato monnere, e wanyuki yimɓe, e kulle, nden to' on alu boliiɗe kalluɗe mburtoo daga honduko mooɗon.

2 Korintiyanko'en 12:20

E mi hula to mi warii to mooɗon, mi tawrataa'on no ngiɗumi, nden onon maa on tawrataayam no ngiɗɗon. E mi hula mi tawra'on hawre, e lawliiru, e mettinki ɓernde, e yidde hoore, e huɗuki, e metuki haalaaji kalluɗi dow woɓɓe, e mawninki hoore, e umminki hakkiilo.

1 Korintiyanko'en 3:3

Ngam haa jooni on ngaɗa jonde iri nde yimɓe duuniyaaru. To ni e woodi lawliiru e geddi hakkunde mooɗon, too, haa jooni duuniyaaru jeyi'on, on kuwa kuuɗe iri ɗe duuniyaaru ndu'u.

1 Korintiyanko'en 15:9

Ngam min woni ɓurɗo famɗuki nder lilaaɓe maako. Mi hewtaayi maa mi noddee lilaaɗo maako, ngam mi torrii kawtal yimɓe Allah.

Roomanko'en 13:13

En ngaɗu jonde meeɗen no haani bo yimɓe jooɗotooɓe nder jayngol. To' en njaru yareyareeji pooɗooji jonde meere, to' en ngaɗu njeenu, to' en ngaɗu halleende, to' en kaɓdu e yimɓe koo nanen lawliiru maɓɓe.

Roomanko'en 2:8

Ammaa yimɓe giɗanɓe ko'e maɓɓe tan ganyuɓe goonga tokki ko wooɗaa, ɓe kawray e monnere Allah e halkere maako.

Koloosiyanko'en 3:12

Onon on yimɓe ɓe Allah suɓi, on ceniiɓe ɓe o yiɗi naa' seɗɗa. Ngam non, ngartee gooduɓe yurmeende e yidde leynooɓe ko'e, gooduɓe hakkiilo e munyal.

1 Biiturus 3:8

Jooni e mi yiɗi yottinki ko mbi'aymi e wiiki, on fuu nyumo mooɗon warta go'o. Njurmindiree, ngiɗindiree no haani tokkuɓe Yeesu ngaɗa, mballindiree, lestinee ko'e mooɗon.