Filibiyanko'en 2:2 - Fulfulde Nigeria

² no mbelnirantonyam ɓernde woni nyumo mooɗon warta go'o, on ngiɗindira, on kawti ko'e.

Filibiyanko'en 2:2 ပူးပေါင်းရင်းမြစ်များ

Roomanko'en 12:16

Njooɗee jonde jam hakkunde mooɗon. To' on mawnin ko'e mooɗon, ammaa kawtee ko'e mooɗon e yimɓe ɓe ɗum hocci naa' ɓe goɗɗum. To' on koccu ko'e mooɗon bo on ɓurii yimɓe koriiɓe faamu.

1 Korintiyanko'en 1:10

E mi toroo'on bandiraaɓe ngam inde Joomiraawo meeɗen Yeesu Almasiihu, on fuu njaɓee ko mbi'oton warta go'o ngam to' ɗum heɓa feerootirol hakkunde mooɗon, ammaa nyumo mooɗon e ɓerɗe mooɗon warta go'o.

2 Korintiyanko'en 13:11

Too, bandiraaɓe am, sey nyalnde go'o. Mo''inee jonde mooɗon, ngaɗee ko toriimi'on ngaɗon, ngartee ɓe nyumo go'o, njooɗodee jam. Allah joomu yidde e jam wonda e mooɗon.

3 Yahaya 1:4

Walaa ko ɓuri welnankiyam ɓernde bo mi nana ɓiɓɓe am e tokka goonga.

Filibiyanko'en 2:16

nder hokkuki habaru wolde kokkaynde yonki. To on ngaɗii non, nyalnde wartuki Almasiihu mi mantitoto, ngam kuugal am e haɓduki am wartaayi meere.

Kuuɗe Lilaaɓe 2:46

Koo ndeye nyalnde e ɓe kawrita nder Wuro Ceniingo. E ɓe nyamda nder gure maɓɓe e ɓerɗe laɓɗe e welwelo mango,

2 Yahaya 1:4

Mi nanii belɗum naa' seɗɗa nde ngiimi woɓɓe nder ɓiɓɓe maaɗa e tokka goonga non no Allah Nyaako Mo Dow wi'i ngaɗen.

2 Tasaloonikanko'en 2:13

Onon bandiraaɓe amin ɓe Joomiraawo yiɗi, e haani min ngaɗa ka yettuki Allah ngam mooɗon koo ndeye. Ngam daga arande Allah suɓii'on ngam kison barka laaɓinki ki Ruuhu maako waɗata e jaɓuki goonga.

Koloosiyanko'en 2:5

Koo nde mi wondaa e mooɗon nder ɓandu, fuu e non e mi nyuma dow mooɗon koo ndeye. E mi nana belɗum nde nanmi habaru on jooɗoo no haani njooɗorooɗon, e no cembiɗirɗon nder hoolaaki Almasiihu.

Filibiyanko'en 4:2

E mi toroo Yuudiya e Sintiki ɓe ciryootira ngam kamɓe ɗum ɓe Joomiraawo.

Filibiyanko'en 2:20

Mi walaa goɗɗo gannuɗo e mooɗon bo maako.

2 Korintiyanko'en 7:7

Naa' warki maako tan waltini ɓerɗe amin, ammaa habaru ɗum o hokkimin no mbaltinirɗon ɓernde maako. O wi'iimin no kaaɓirɗon ngi'onyam, e no ngannirɗon dow ko ngaɗanɗonyam, e no ngiɗirɗon wallukiyam. Kanjum ɓeydaniyam welweltuki.

2 Korintiyanko'en 2:3

Ko mbindanmi'on nder ɗerewol am arandewol, mi winduɗum ngam to mi warii to mooɗon to' onon kaanuɓe mbelnanayam ɓernde ngaɗonyam mi nana ciya belɗum. Ngam mi tabbitinii to mi nanii belɗum, on fuu on nanay belɗum.

Kuuɗe Lilaaɓe 5:12

Lilaaɓe ngaɗi alaamaaji e kuuɗe kayɗiniiɗe ɗuɗɗe nder yimɓe. Kooliiɓe Yeesu fuu e kawrita nder Rumpaaru Suleymaanu mawndu nder nyumo go'o.

Kuuɗe Lilaaɓe 1:14

Ɓe fuu, e ɓe kawrita ɓe ngaɗa do'aare e ɓernde go'o, kamɓe e Maryaama maduujo Yeesu e minyiraaɓe Yeesu worɓe, e woɓɓe rewɓe ɗonmaa.

Filibiyanko'en 1:4

Koo ndeye nder fuu do'aaje am ɗe ngaɗanaymi'on on fuu, e mi waɗaɗe nder belɗum ɓernde,

Yahaya 3:29

Angoojo jeyi ɓaŋaaɗo. Higo angoojo on dariiɗo e nana ko o wi'ata, o nanay belɗum naa' seɗɗa to o nanii hononde angoojo on. Iri belɗum ɗum higo angoojo on nani, iri maajum nanaymi naa' seɗɗa jooni.

2 Timooti 1:4

To mi siftorii gonɗi ɗi ndufuɗaa, sey mi nana mi haaɓii yiikima ngam mi nana belɗum ɗuɗɗum.

Kuuɗe Lilaaɓe 2:1

Nde Humto Ɓendol Alkamaari waɗi, tokkuɓe Yeesu fuu kawriti wigeere go'o.

Filimon 1:20

Bandiraawo am, e mi yiɗi ngaɗanaayam non ngam Joomiraawo. Welnanam ɓernde ngam en fuu en tokkuɓe Yeesu.