Aafisanko'en 6:21 - Fulfulde Nigeria

²¹ Tiikikus, bandiraawo meeɗen mo ngiɗɗen, maccuɗo mo goonga nder kuugal Joomiraawo, o hokkay'on fuu habaru njamu am e no ngontindirmi.

Aafisanko'en 6:21 ပူးပေါင်းရင်းမြစ်များ

Kuuɗe Lilaaɓe 20:4

O yaadi e Sufaata ɓii Faarus mo gariiri Biiriya, e Aristarkus e Sakundus ɓe gariiri Tasaloonika, e Gaayus mo gariiri Darbe, e Timooti e Tiikikus e Turoofimus ɓe leyɗe Aasiya.

2 Timooti 4:12

Mi lilii Tiikikus to gariiri Aafisa.

Tiitus 3:12

To mi liloyii Artemas koo Tiikikus to maaɗa, sey njawɗoɗaa ngaraa to am e gariiri Nikafolis ngam e mi yiɗi mi ruuma ton.

2 Biiturus 3:15

To' on ngejjutu, Joomiraawo e munya ngam e mo yiɗi yimɓe kisa. Non maa higo meeɗen Bulus mo ngiɗɗen windani'on nder faamu ɗum Allah hokkimo.

1 Biiturus 5:12

Silbaanus walliyam mbindanmi'on ɗerewol ngo'ol pamarol. E yiiki am o tokkuɗo Yeesu kooleteeɗo. E mi yiɗi mi sembiɗina'on mi wi'a'on ɗu'um woni caahu Allah ɗum goonga. Ndaree dow maajum e goonga.

Filimon 1:16

Taa' jaɓumo bo maccuɗo tan, ammaa bo bandiraawo giɗaaɗo nder tokkuki Yeesu. E mi yiɗimo naa' seɗɗa, ammaa a ɓurayyam yiɗukimo. A yiɗaymo bo maccuɗo e bo tokkuɗo Yeesu Almasiihu.

1 Timooti 4:6

Taa ekkitinii tokkuɓe Yeesu niini, a wartay kuwanoowo Yeesu Almasiihu boɗɗo mawnoowo nder boliiɗe goonga ɗe hoolaaki Yeesu e ekkitinol bongol ngol tokkuɗaa.

Koloosiyanko'en 1:7

On nanii Habaru Belɗum ɗu'um daga to Abaafaras mo min ngiɗi, mo min kuudata. O kuwanoowo Yeesu e goonga nder mooɗon.

1 Korintiyanko'en 4:17

Kanjum waɗi lilonoymi'on Timooti, ɓiɗɗo am mo ngiɗumi, tokkuɗo Joomiraawo e goonga. O siftoranay'on iri jonde nde ngaɗumi nder tokkuki Yeesu Almasiihu. E mi ekkitina iri jonde nden koo toye nder tokkuɓe Yeesu.

Filibiyanko'en 1:12

Bandiraaɓe am, e mi yiɗi andon ko heɓiyam waɗii Habaru Belɗum ɓeydii sankitaaki,