Aafisanko'en 6:20 - Fulfulde Nigeria

²⁰ Ngam hokkuki Habaru ɗum ngartumi lilaaɗo Yeesu, koo nde jooni e mi nder suudu cural. Ngaɗee do'aare ngam mi waɗa ka hokkuki Habaru ɗum no haani kulol walaa.

Aafisanko'en 6:20 ပူးပေါင်းရင်းမြစ်များ

2 Korintiyanko'en 5:20

Ngam non, min metooɓe ko Almasiihu wi'imin, bo Allah torotoo'on laawol amin. E min toroo'on ngam Almasiihu, ciryootiree e Allah.

Koloosiyanko'en 4:4

Ngaɗaneeyam do'aare ngam mi andinaɗum no haani, no koo moye faamirtaɗum boɗɗum.

2 Timooti 2:9

Kanjum waɗi torrotoomi jooni e mi haɓɓiraa ɓoggi njamndi bo gujjo calorɗo, ammaa Wolde Allah haɓɓaaki.

Filibiyanko'en 1:7

Ɗum wooɗaniiyam mi nyumira nihi dow mooɗon on fuu, ngam on nder ɓernde am. Koo nder suruki ki ɗum suriyam, koo nder suranki mangu Habaru Belɗum e tabbitinkiɗum, on fuu on keɓii barka Allah hawti e am.

Kuuɗe Lilaaɓe 26:29

Bulus wi'imo, “Koo nder carel seɗɗa, koo naa' nder carel seɗɗa, e mi toroo Allah ngam maaɗa an e nanɓeyam hande fuu ngarton ko ngartumi, ammaa naa' e ɗi'i ɓoggi njamndi.”

1 Yahaya 3:16

Ɗu'um woni no andirɗen ko woni yidde: Yeesu hokkii yonki muuɗum ngam meeɗen. E haani enen maa kokken yonki meeɗen ngam bandiraaɓe meeɗen.

2 Timooti 1:16

Joomiraawo yurminana wuro Onesiforus ngam nde ɗuɗɗum e mo sembiɗinayam, o semtaayiyam nde ɗum maɓɓiyam nder suudu cural.

1 Tasaloonikanko'en 2:2

Ammaa koo nde ndenno min njarii torra e semtineeki e Filibi, non no anduɗon, e ballal Allah meeɗen min kokkii'on Habaru Belɗum ƴiwoyɗum to maako kulol walaa, koo nde yimɓe nganyiimin naa' seɗɗa.

Filibiyanko'en 1:20

Ko kaaɓumi yiiki e ko kammiimi woni to' mi semtina hoore am koo seɗɗa, ammaa mi meta e sembe ɓernde, ngam jooni e koo ndeye ɗum mawnina Almasiihu nder koo ɗume ko ngaɗaymi, koo laawol jonde am, koo laawol mayde am.

Aafisanko'en 6:19

Min maa, ngaɗaneeyam do'aare Allah hokkayam boliiɗe ɗe mbi'aymi, mi andina yimɓe sirru Habaru Belɗum dow Yeesu Almasiihu kulol walaa.

Aafisanko'en 4:1

Ngam non, e mi toroo'on, min curaaɗo ngam huwanki Joomiraawo meeɗen, ngaɗee jonde pottudunde e ko Allah noddiri'on.

Aafisanko'en 3:1

Kanjum waɗi min, Bulus, ɗum maɓɓiyam nder suudu cural ngam e mi wa'ajina habaru Yeesu Almasiihu to onon yimɓe naa' Yahuudanko'en.

Kuuɗe Lilaaɓe 28:31

e mo wa'ajinanaɓe habaru Laamu Allah, e mo ekkitinaɓe habaru Yeesu Almasiihu Joomiraawo e sembe, walaa kaɗuɗomo.

Kuuɗe Lilaaɓe 28:20

Kanjum waɗi noddumi'on ngam mi yi'a'on, mi medda e mooɗon. Ngam kammunde Israa'iilanko'en kaɓɓiraami ɓoggi njamndi ɗi'i.”

Kuuɗe Lilaaɓe 5:29

Biiturus e lilaaɓe nootii, mbi'i, “Doole min tokka ko Allah wi'i, naa' ko yimɓe mbi'i.

Yahuuda 1:3

Onon ɓe ngiɗumi, goonga e mi yiɗunoo mi windonoya'on dow kisndam meeɗen en fuu. Ammaa mi yi'ii e haani mi windonoya'on ngam mi sembiɗina'on ngaɗon ko mbaawoton waɗuki ndeenon ekkitinol ngol Allah hokki'en nde go'o tan.

Filimon 1:10

E mi toromaa ngam Onisimus gartuɗo bo ɓiɗɗo to am, ngam mi holliimo laawol Allah ko e mi surii.

Kuuɗe Lilaaɓe 21:33

Mawɗo on ɓattii Bulus wi'i o nangee o haɓɓiree ɓoggi njamndi ɗiɗi. Nden o ƴami Bulus kanko o moye, ɗume o waɗi?

2 Korintiyanko'en 3:12

Ngam non, nde e min ngoodi iri nde'e kammunde, e min metira sembe ɓernde naa' seɗɗa.

Koloosiyanko'en 4:3

Non maa ngaɗaneemin do'aare ngam Allah maɓɓitanamin laawol min nga'ajina sirru maako, waato habaru Almasiihu. Dow maajum ɗum suriyam.

Filimon 1:9

Ammaa ngam e mi yiɗumaa, mi ɓurii yiɗuki mi toromaa, min Bulus nayeejo, mo Yeesu lili, jooni boo e mi suraa ngam tokkuki Yeesu.