Aafisanko'en 6:19 - Fulfulde Nigeria

¹⁹ Min maa, ngaɗaneeyam do'aare Allah hokkayam boliiɗe ɗe mbi'aymi, mi andina yimɓe sirru Habaru Belɗum dow Yeesu Almasiihu kulol walaa.

Aafisanko'en 6:19 ပူးပေါင်းရင်းမြစ်များ

Koloosiyanko'en 4:3

Non maa ngaɗaneemin do'aare ngam Allah maɓɓitanamin laawol min nga'ajina sirru maako, waato habaru Almasiihu. Dow maajum ɗum suriyam.

Kuuɗe Lilaaɓe 4:29

Jooni Joomiraawo, a nanii boliiɗe maɓɓe kalluɗe, hokku maccuɓe maaɗa sembe wa'ajinki boliiɗe maaɗa kulol walaa,

2 Tasaloonikanko'en 3:1

Bandiraaɓe amin, ko sakitii woni ngaɗaneemin do'aare ngam habaru Joomiraawo sankitoo jawɗum ɗum mawninee non no mawninirɗonɗum.

1 Tasaloonikanko'en 5:25

Bandiraaɓe, ngaɗaneemin do'aare.

Ibraaniyanko'en 13:18

Ngaɗee ka waɗankimin do'aare. Min tabbitinii ɓerɗe amin ɗe laɓɗe, e min ngiɗi waɗuki ko haani nder koo ɗume.

Kuuɗe Lilaaɓe 4:31

Nde ɓe njottini do'aare wuro ngo ɓe kawriti dimbii. Ɓe fuu ɓe keewi Ruuhu Allah, ɓe nga'ajini Wolde Allah kulol walaa.

1 Tasaloonikanko'en 2:2

Ammaa koo nde ndenno min njarii torra e semtineeki e Filibi, non no anduɗon, e ballal Allah meeɗen min kokkii'on Habaru Belɗum ƴiwoyɗum to maako kulol walaa, koo nde yimɓe nganyiimin naa' seɗɗa.

2 Korintiyanko'en 8:7

Too, on ngaɗii boɗɗum nder koo ɗume, waato nder hoolaaki Yeesu, e metuki boɗɗum, e anduki goonga, e yidde walluki, e yidde nde ngiɗɗonmin. Non maa e min ngiɗi ngaɗon boɗɗum nder nga'al kuugal walluki.

Aafisanko'en 1:9

Nder faamu maako e andal maako, o hollii'en sirru ko o yiɗi o waɗa barka Almasiihu.

1 Korintiyanko'en 4:1

Kocceemin min maccuɓe Almasiihu ɓe Allah hokki kuugal wa'ajinki sirru maako.

Kuuɗe Lilaaɓe 28:31

e mo wa'ajinanaɓe habaru Laamu Allah, e mo ekkitinaɓe habaru Yeesu Almasiihu Joomiraawo e sembe, walaa kaɗuɗomo.

Kuuɗe Lilaaɓe 19:8

Bulus waɗi lebbi tati e mo wa'ajinana Yahuudanko'en nder suudu do'aare e sembe maako fuu, kulol walaa. E mo medda e maɓɓe, e mo fooɗa hakkiilo maɓɓe haa o andiniɓe habaru Laamu Allah.

Kuuɗe Lilaaɓe 13:46

Ammaa Bulus e Barnaba metaniɓe kulol walaa mbi'i, “Doole min arta wa'ajinanki'on Wolde Allah onon Yahuudanko'en. Ammaa ngam on calakende, on kollii on potaayi heɓuki yonki ki re'ataa. Ngam non min njahay to leƴƴi ɗi naa' Yahuudanko'en.

Filimon 1:22

Ɗonmaa mo''inanam suudu to njippotoomi, ngam e mi kammii Allah so''oyayyam to mooɗon ngam do'aare mooɗon.

Koloosiyanko'en 2:2

Mi waɗu non ngam ɗum sembiɗina ɓerɗe maɓɓe, nden ɓe ɓeyda yiɗindirki, ɓe keɓa fuu barka keɓeteeɗum laawol faamu kewɗum, ngam ɓe mbaawa anduki sirru Allah, waato Almasiihu e hoore maako.

2 Korintiyanko'en 3:12

Ngam non, nde e min ngoodi iri nde'e kammunde, e min metira sembe ɓernde naa' seɗɗa.

1 Korintiyanko'en 1:5

Sumpootirki mooɗon e maako ɗum barkiɗinii'on e koo ngole laawol, waato nder meto fuu e andal fuu,

Kuuɗe Lilaaɓe 14:3

Fuu e non Bulus e Barnaba neeɓi ton, e ɓe nga'ajina ɓernde go'o dow Joomiraawo kolluɗo ko ɓe nga'ajinta ɗum goonga nde o hokkiɓe bawɗe waɗuki alaamaaji e kuuɗe kayɗiniiɗe.

Kuuɗe Lilaaɓe 9:27

Ammaa Barnaba yaarimo to lilaaɓe, ɗiiwitiɓe no Caawulu yi'iri Joomiraawo e no Joomiraawo metiranimo dow laawol, e no o wa'ajiniri habaru Yeesu e gariiri Dimasku kulol walaa.

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

2 Korintiyanko'en 7:4

Mi hoolake'on ɓernde go'o, e mi mantoroo'on naa' seɗɗa, on cembiɗiniiyam naa' seɗɗa. Fuu e torraaji ɗi min njarata, welwelo am walaa keerol.

2 Korintiyanko'en 1:11

Onon maa mballireemin do'aare, sey Allah barkiɗinaymin, nden ɗuɗɓe ngettamo ngam amin.

1 Korintiyanko'en 2:7

Ammaa e min meta dow faamu Allah ɗum sirru cuuɗiiɗum ndenno, ɗum Allah siryanii'en ko duuniyaaru tagee ngam teddinki'en.

Roomanko'en 15:30

Bandiraaɓe am, ngam Joomiraawo meeɗen Yeesu Almasiihu e yidde nde Ruuhu Allah hollata, e mi toroo'on mballeeyam waɗuki do'aare naa' seɗɗa.

Kuuɗe Lilaaɓe 18:26

Sey o fuɗɗi wa'ajinki e sembe maako fuu nder suudu do'aare. Nde Biriskila e Akiila nanimo, ɓe noddimo wuttudu go'o, ɓe ɓeydi famtinkimo Laawol Allah.

Kuuɗe Lilaaɓe 4:13

Mawɓe ɓen kayɗini nde ɓe ngi'i Biiturus e Yahaya e meta ɓernde go'o, hakko nde ɓe nani ɓe ladde'en, naa' ɓe janguɓe. Sey ɓe paami Biiturus e Yahaya e ɓe njaadaynoo e Yeesu.

Kuuɗe Lilaaɓe 2:4

Sey ɓe fuu ɓe keewi Ruuhu Allah, ɓe puɗɗi metuki nder ɗemɗe feere‑feere no Ruuhu hokkiriɓe bawɗe metuki.

Kuuɗe Lilaaɓe 9:29

E mo wa'ajinana Yahuudanko'en metooɓe Helenankoore, e mo yeddootira e maɓɓe, ammaa kamɓe e ɓe ɗaɓɓita no ɓe mbardatamo.

Roomanko'en 16:25

Mangu tabbita to Allah baawayɗo sembiɗina'on barka Habaru Belɗum ɗum nga'ajinaymi dow Yeesu Almasiihu. Habaru Belɗum ɗum ɗum sirru cuuɗaaɗum daga duuɓi ɗuɗɗi ƴaɓɓiiɗi.

2 Korintiyanko'en 6:11

Onon Korintiyanko'en, min metanii'on e njayri. Min maɓɓitanii'on ɓerɗe amin.

Aafisanko'en 3:9

Nden mi waɗa yimɓe fuu ngi'a no dabare Allah cuuɗiinde heewirta. Allah taguɗo koo ɗume suuɗii sirru ɗum daga jaamanuuji ƴaɓɓiiɗi.