Aafisanko'en 6:17 - Fulfulde Nigeria

¹⁷ Kumnee humneere njamndi nde konu, waato kisndam. Koccee kaafahi Ruuhu Allah, waato Wolde maako.

Aafisanko'en 6:17 ပူးပေါင်းရင်းမြစ်များ

Ibraaniyanko'en 4:12

Wolde Allah e woodi yonki e nde huwa, nde ɓurii koo kiye kaafahi welki. E nde taƴa haa nde senda yonki e ɓernde, nde senda jokkooɗe e mborɓoondi. E nde senda suunooji e nyumooji ɓernde boɗɗi e ɗi mbooɗaa.

Wahayu Yahaya 19:15

Wokki kaafahi nyaaɗuki e wurtoyoo nder honduko maako, e maaki o fe''irta duuniyaaru, o laamortoɓe e sawru njamndi, o yaaɓay ɓikkoy inabooje nder ngayka monnere Allah Joomu Bawɗe.

1 Tasaloonikanko'en 5:8

Ammaa enen, nde en yimɓe nyalawma, sey paamanen ko'e meeɗen. En ɓorno hoolaare e yidde nde warta bo toggoore njamndi meeɗen nde konu, waɗuki ɓerɗe meeɗen dow heɓuki kisndam warta bo humneere njamndi nde konu meeɗen.

Wahayu Yahaya 2:16

Tuubee jooni! To naa' non, mi waranay'on naa' ko neeɓi, mi honidaɓe e kaafahi burtoytooki daga honduko am.

Wahayu Yahaya 12:11

Ɓe keɓii jaalorgal dow maako barka ƴiiƴam Karoori ndin nden e barka Wolde Allah ngam ɓe njaɓii ɓe ndulla yonki maɓɓe.

Wahayu Yahaya 1:16

E mo jogii koode joweeɗiɗi e jungo maako nyaamo, kaafahi welki koo nduye wuttudu e wurtoyoo daga nder honduko maako. Yeeso maako boo e ɗelkitoo bo naange caka nyalawma.

Maatiyu 4:4

Yeesu nootii wi'imo, “Aayaare wi'ii, ‘Naa' e nyamndu tan neɗɗo marortoo, sey ni e koo ndeye wolde garoynde daga to Allah.’ ”

Maatiyu 4:7

Yeesu wi'imo, “Ɗonmaa aayaare wi'ii, ‘Taa' foondu Allah Joomiraawo maaɗa!’ ”

Aafisanko'en 5:26

O waɗu non ngam o wartira tokkuɓemo ceniiɓe barka bawɗe wolde maako, o lootiriiɓe ndiyam ngam o wartiraɓe laaɓuɓe.

Ibraaniyanko'en 6:5

Nden ɓe meemii belɗum Wolde Allah ɓe nanii, nden ɓe meemii bawɗe gaɗeteeɗe to Yeesu wartii, ɓe nanii.