Aafisanko'en 6:14 - Fulfulde Nigeria

¹⁴ Ngam non, ndaree on ciryii. Goonga warta taadorde mooɗon, aadilaaku warta toggoore njamndi mooɗon nde konu.

Aafisanko'en 6:14 ပူးပေါင်းရင်းမြစ်များ

1 Tasaloonikanko'en 5:8

Ammaa enen, nde en yimɓe nyalawma, sey paamanen ko'e meeɗen. En ɓorno hoolaare e yidde nde warta bo toggoore njamndi meeɗen nde konu, waɗuki ɓerɗe meeɗen dow heɓuki kisndam warta bo humneere njamndi nde konu meeɗen.

Luka 12:35

“Taadee ciryooɗon ngam kuugal Allah, aldee fitilaaji mooɗon e hiite,

1 Biiturus 1:13

Ngam non, ciryee ɓerɗe mooɗon, curee ko'e mooɗon, ngaɗee kammunde mooɗon fuu dow barka ɗum um hokkata'on nyalnde wartoyki Yeesu Almasiihu.

2 Korintiyanko'en 6:7

e metuki goonga, e bawɗe Allah. Aadilaaku woni ko min konirta ɗum min njogii jungo nyaamo e nano.

Aafisanko'en 5:9

Mi wi'u non ngam jayngol e waɗa yimɓe ngaɗa ko wooɗi, e ko Allah yiɗi, e goonga.

Wahayu Yahaya 9:17

Nder wahayu ɗum mi yi'i pucci e wonɓe dow majji, e ɓe cuddi gabaaje maɓɓe e toggohoy njamndi e koy mbooji coloy bo hiite, e cuuɗijum, e nareerijum. Kadimaa koo nguye puccu e woodi hoore bo nde sembindu, nden hiite e curka e kaaƴe nyaamooje hiite e wurtoyoo daga konduɗe majji.

Wahayu Yahaya 9:9

Gabaaje maako e cuddorii e goɗɗum nanduɗum e toggohoy njamndi, sonnyo biyeeli maako boo e nandi e sonnyo pucci kaɓɓanaaɗi keeke konu e ɗi ndogga e ɗi ummanii konu.

Roomanko'en 13:12

Jooni ɗum jemma, subaka ɓadake. Ngam non, en alu huwuki kuuɗe nyiwre, en ngaɗu jonde meeɗen nder jayngol.

Aafisanko'en 6:13

Ngam non, ɓornee fuu kolte konu ɗe Allah, ngam to nyalnde kallunde warii, mbaawon daraaki nganyon ƴoyre Ceyɗan. Gaɗa on njottinii koo ɗume, ɗum tawa on ndarii.