Aafisanko'en 6:11 - Fulfulde Nigeria

¹¹ Ɓornee fuu kolte konu ɗe Allah hokki'on ngam mbaawon daraaki, nganyon ƴoyre Ceyɗan.

Aafisanko'en 6:11 ပူးပေါင်းရင်းမြစ်များ

2 Korintiyanko'en 10:4

ngam min konirtaa ko ndu honirta. Sey ni ko min konirta e woodi bawɗe Allah baawayɗe kalka ko woodi sembe fuu.

Roomanko'en 13:12

Jooni ɗum jemma, subaka ɓadake. Ngam non, en alu huwuki kuuɗe nyiwre, en ngaɗu jonde meeɗen nder jayngol.

1 Tasaloonikanko'en 5:8

Ammaa enen, nde en yimɓe nyalawma, sey paamanen ko'e meeɗen. En ɓorno hoolaare e yidde nde warta bo toggoore njamndi meeɗen nde konu, waɗuki ɓerɗe meeɗen dow heɓuki kisndam warta bo humneere njamndi nde konu meeɗen.

Aafisanko'en 6:13

Ngam non, ɓornee fuu kolte konu ɗe Allah, ngam to nyalnde kallunde warii, mbaawon daraaki nganyon ƴoyre Ceyɗan. Gaɗa on njottinii koo ɗume, ɗum tawa on ndarii.

1 Biiturus 5:8

Curee ko'e mooɗon, njooɗooɗon on ciryii. Ganyo mooɗon Ceyɗan e mo woosoo bo sembindu ɓernundu e mo ɗaɓɓita mo o halkata.

2 Korintiyanko'en 2:11

Mi waɗu non ngam to' Ceyɗan ƴoyra'en, ngam en andi nyumo maako boɗɗum.

Aafisanko'en 4:14

Nden en puɗɗitataa ngaɗen jonde bo sukahoy, en ngaylita ɓerɗe meeɗen dow ko kooliiɗen ngam majjinooɓe yimɓe ƴoyrii'en e ekkitinol fewre.

Koloosiyanko'en 3:10

Jooni on ɓornake ngikku kesum. Allah taguɗo ngikku ɗum, e mo mo''inaɗum ɗum warta iri ngikku maako, ngam andonmo boɗɗum.

Roomanko'en 13:14

Ammaa, ngikku mooɗon warta iri ngikku Yeesu Almasiihu Joomiraawo, nden to' on ngaɗu hakkiilo mooɗon dow no mbelnanton suunooji ɓalli mooɗon.

2 Korintiyanko'en 11:3

Ammaa e mi hula to ɗum warta no mboodi ƴoyriri Hawwaa'u e ƴoyre mayri kallunde, onon maa ɗum majjina'on alon tokkuki Almasiihu e ɓernde go'o e ɓernde laaɓunde.

2 Korintiyanko'en 6:7

e metuki goonga, e bawɗe Allah. Aadilaaku woni ko min konirta ɗum min njogii jungo nyaamo e nano.

Wahayu Yahaya 2:24

“Ammaa onon horiiɓe wonɓe gariiri Tayaatira ɓe tokkaayi ekkitinol ngo'ol, on ekkitaaki ko woɓɓe mbi'ata ‘Sirru Ceyɗan lugguɗum.’ E mi wi'a'on mi yowantaa'on wongal teddoral.

Aafisanko'en 4:24

Puɗɗee ngikku kesum iri ɗum Allah nder aadilaaku e cenaaki.

Ibraaniyanko'en 7:25

Ngam non, hande e koo ndeye e mo woodi bawɗe o hisna ɓaddotooɓe Allah laawol maako. E mo waawi hisnukiɓe ngam e mo woodi yonki haa abadaa, nden e mo toroo Allah ngam maɓɓe.

Yahuuda 1:24

Yettoore tabbita to baawayɗo suruki'on to' njanon, o wadda'on yeeso teddungal maako on ngalaa goɗɗum ko wooɗaa, on nanay belɗum naa' seɗɗa.

2 Korintiyanko'en 4:4

Ceyɗan laamiiɗo duuniyaaru ndu'u wumnii ɓerɗe yimɓe ɓe koolaaki Yeesu, ngam to' ɓe ngi'a jayngol Habaru Belɗum ɗum teddungal Almasiihu nanduɗo e Allah.

1 Korintiyanko'en 10:13

Walaa poondol ngol ɗum foondata'on ngol ɗum meeɗaayi foonduki neɗɗo. Allah boo o kebbinoowo alkawal, o alataa ɗum foonda'on poondol ɓurngol sembe mooɗon. Ammaa nder poondol ngol, o waɗanay'on laawol no mburtortooɗon ngam mbaawon munyon nder maggol.

Markus 13:22

Ngam Almasiihu'en fewre e annabo'en fewre ɓe mburtoyto ɓe ngaɗa alaamaaji e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Wahayu Yahaya 12:9

Ɗum hubinoyinga nder duuniyaaru. Kanga woni mbooga nga daga ndenno bi'eteenga Gullotooɗo koo Ceyɗan, majjinoowo duuniyaaru. Ɗum hubininga nder duuniyaaru fuu e malaa'ika'en maako.

Wahayu Yahaya 19:20

Sey ɗum nangi mardi ndin e annabiijo fewre on. Kanko woni gaɗuɗo kayɗiniiɗum yeeso mayri majjini gaɗanaaɓe alaama mayri e mawninɓe ngunkiwa nandunga e mayri. E yonki ɗum hubini annabiijo fewre on e mardi ndin nder mbeela hiite kibiritu.

Yaakubu 4:7

Ngam non, lesnee ko'e mooɗon ngaɗon ko Allah wi'i. Nganyee kuuɗe Ceyɗan, kanko boo o doggay'on.