Aafisanko'en 6:10 - Fulfulde Nigeria

¹⁰ Ko mbi'aymi cakitiiɗum woni alee bawɗe mawɗe ɗe Joomiraawo meeɗen sembiɗina'on.

Aafisanko'en 6:10 ပူးပေါင်းရင်းမြစ်များ

Filibiyanko'en 4:13

Mi waaway waɗuki koo ɗume barka on ɗon cembiɗinɗoyam.

1 Korintiyanko'en 16:13

Njooɗee on paama, ndaree boɗɗum dow hoolaare mooɗon, ngaɗon ngorgu, cembiɗee.

1 Biiturus 5:10

Nden gaɗa on njarii torra carel seɗɗa, Allah gooduɗo yidde fuu, nodduɗo'on ngam keɓon geɗal nder teddungal maako tabotoongal barka Almasiihu, kanko e hoore maako o wartiray'on keewuɓe, o joɗɗina'on, o sembiɗina'on bo tafaare.

Koloosiyanko'en 1:11

Allah sembiɗina'on e fuu sembe bawɗe maako tedduɗe, o waɗa'on ndarooɗon e sembe ngam mbaawon munyon nder koo ɗume ko heɓi'on,

Aafisanko'en 1:19

Ɗonmaa, e mi waɗa do'aare andon no bawɗe maako mawɗe kuwirta nder meeɗen, enen tokkuɓe Yeesu. Bawɗe ɗen ɗe go'o e bawɗe cembiɗɗe

Aafisanko'en 3:16

E mi toroomo daga nder risku mangu maako o sembiɗina'on, o hokka'on bawɗe laawol Ruuhu maako ngarton cembiɗɓe nder ɓerɗe mooɗon,

2 Timooti 4:17

Ammaa Joomiraawo walliiyam sembiɗiniiyam ngam mi wa'ajina fuu wolde maako ngam yimɓe naa' Yahuudanko'en fuu nana. O hisniiyam daga mayde no ɗum hisnirta neɗɗo daga honduko sembindu.

2 Timooti 2:1

An, ɓiɗɗo am Timooti, sembuɗu nder barka gonɗum nder sumpootirki e Yeesu Almasiihu.

Filibiyanko'en 4:8

E re'irde bandiraaɓe am, ngaɗee ka nyumuki dow koo ɗume ko woni ɗum goonga, e ko mawninee, e ko haani, e ko laaɓi, e ko welnanta yimɓe ɓerɗe, e ko ɗum yi'ata e wooɗi, e koo ɗume ngikku boɗɗum, e ko hewti manteeki.

2 Korintiyanko'en 13:11

Too, bandiraaɓe am, sey nyalnde go'o. Mo''inee jonde mooɗon, ngaɗee ko toriimi'on ngaɗon, ngartee ɓe nyumo go'o, njooɗodee jam. Allah joomu yidde e jam wonda e mooɗon.

1 Biiturus 3:8

Jooni e mi yiɗi yottinki ko mbi'aymi e wiiki, on fuu nyumo mooɗon warta go'o. Njurmindiree, ngiɗindiree no haani tokkuɓe Yeesu ngaɗa, mballindiree, lestinee ko'e mooɗon.

Filibiyanko'en 3:1

E re'irde bandiraaɓe am, nanee belɗum ngam sumpootirki mooɗon e Joomiraawo. Mi somaayi windanki'on ko mbindannoomi'on ndenno, ngam ɗum suruki njamu mooɗon.

1 Biiturus 4:11

Fuu ga'ajinoowo, sey wa'ajina Wolde Allah. Fuu balloowo sey wallira sembe ɗum Allah hokkimo, ngam nder koo ɗume ɗum mawnina Allah barka Yeesu Almasiihu. Mangu e laamu tabbita to maako haa abadaa abadin. Aamin.

1 Yahaya 2:14

Mi windan'on, onon ndotti'en, ngam on andimo, kanko gonɗo daga arande. Mi windan'on, onon kaye'en, ngam on ngoodi sembe ɓernde, nden Wolde Allah e jooɗii nder ɓerɗe mooɗon. Ɗonmaa on keɓii jaalorgal dow Kalluɗo.