Aafisanko'en 5:27 - Fulfulde Nigeria

²⁷ Almasiihu waɗii ɗu'um ngam o hoccana hoore maako tokkuɓemo ɓe ngarta laɓɓe, ɓe ngalaa koo goɗɗum nefniiɗum, koo goɗɗum ɗum wooɗaa yiiki. Kadin ɓe ngarta ceniiɓe ɓe ngalaa goɗɗum ɗum wooɗaa.

Aafisanko'en 5:27 ပူးပေါင်းရင်းမြစ်များ

Koloosiyanko'en 1:22

Ammaa jooni Allah siryootiri e mooɗon barka mayde Ɓiɗɗo maako, ngam o wartira'on ceniiɓe, laɓɓe ɓe ngalaa ko ɗum wullortooɓe yeeso maako.

Ibraaniyanko'en 9:14

Hakko ƴiiƴam Almasiihu ɗam waɗay ko ɓuri non. Barka Ruuhu Allah gonɗum haa abadaa, o hokkii hoore maako o wartii cakkiri ndi walaa goɗɗum ko haanaa. Ƴiiƴam maako boo laaɓinay ɓerɗe meeɗen daga kuuɗe jaarayɗe mayde, ngam kuwanen Allah mo yonki.

1 Biiturus 1:19

Ɗum rimɗinirii'on ƴiiƴam Almasiihu gooduɗam daraja. Kanko woni bo karoori ndi walaa goɗɗum ko haanaa.

Aafisanko'en 1:4

Ko duuniyaaru tagee, Allah suɓii'en ngarten ɓe maako barka Yeesu, ngam ngarten ceniiɓe ɓe ngalaa toɓɓel hakke yeeso maako.

2 Korintiyanko'en 11:2

E mi haaja'on no Allah haajirta'on. Mi waɗanii'on alkawal teegal e gorko go'oto, waato Almasiihu. E mi yiɗi mi yaara'on to maako bo debbo ceniiɗo mo andaa gorko.

Koloosiyanko'en 1:28

E min nga'ajina habaru Almasiihu, e min mbaggina koo moye neɗɗo, e min ekkitina koo moye nder fuu faamu amin, ngam min ngaɗa koo moye warta kewɗo nder tokkuki Yeesu yeeso Allah.

2 Korintiyanko'en 4:14

Ngam e min andi Allah umminɗo Yeesu Joomiraawo meeɗen daga mayde, o umminaymin minon maa non no o umminiri Yeesu, o waddamin hawti e mooɗon yeeso maako.

Yahuuda 1:24

Yettoore tabbita to baawayɗo suruki'on to' njanon, o wadda'on yeeso teddungal maako on ngalaa goɗɗum ko wooɗaa, on nanay belɗum naa' seɗɗa.

2 Biiturus 3:14

Ngam non, onon ɓe ngiɗumi, nde on keɗii nden ɗon nyalnde, ngaɗee ko mbaawoton waɗuki njooɗooɗon jonde lamnde e aadilaaku yeeso Allah e ɓernde waltiinde.

Yahuuda 1:21

Njooɗee nder yidde nde Allah waɗani'en, keɗooɗon yurmeende Joomiraawo meeɗen Yeesu Almasiihu kokkaynde yonki ki re'ataa.

1 Tasaloonikanko'en 5:23

Allah Joomu Jam e hoore muuɗum wartira'on laaɓuɓe gaɗa e yeeso. O sura yonkiiji mooɗon e ɓerɗe mooɗon e ɓalli mooɗon boɗɗum, ngarton ɓe ngalaa goɗɗum ko wooɗaa nyalnde wartuki Joomiraawo meeɗen Yeesu Almasiihu.

Wahayu Yahaya 14:4

Kamɓe ngoni gaɗuɓe jonde lamnde ngam ɓe meeɗaayi walduki e rewɓe, e ɓe tokka Karoori ndin fuu to ndi fa'i. Kamɓe ngoni rimɗinaaɓe nder yimɓe horiiɓe, kamɓe ngoni ɓe ɗum arti hokkuki Allah e Karoori ndin.