Aafisanko'en 5:26 - Fulfulde Nigeria

²⁶ O waɗu non ngam o wartira tokkuɓemo ceniiɓe barka bawɗe wolde maako, o lootiriiɓe ndiyam ngam o wartiraɓe laaɓuɓe.

Aafisanko'en 5:26 ပူးပေါင်းရင်းမြစ်များ

Yahaya 15:3

Wolde nde metanmi'on yaadake wartirii'on laɓɓe.

Ibraaniyanko'en 10:22

Ngam non en njahu haade Allah e ɓernde go'o, e hoolaare tabbutunde, e ɓerɗe meeɗen laaɓinaaɗe daga nyumo kallungo, e ɓalli lootiraaɗi ndiyam laɓɗam.

Yahaya 3:5

Yeesu wi'imo, “E mi wi'umaa goonga, walaa baawayɗo natta Laamu Allah sey ni to ndiyam e Ruuhu Allah danyiimo.

1 Korintiyanko'en 6:11

Ndenno non woɓɓe mooɗon mba'i. Ammaa jooni ɗum lootii hakke mooɗon, on ngartiraama yimɓe Allah, on ngartiraama aadili'en barka Yeesu Almasiihu Joomiraawo meeɗen e Ruuhu Allah.

Aafisanko'en 6:17

Kumnee humneere njamndi nde konu, waato kisndam. Koccee kaafahi Ruuhu Allah, waato Wolde maako.

1 Yahaya 5:6

Yeesu Almasiihu woni garɗo nder duuniyaaru. O wardii e alaama ndiyam e ƴiiƴam. Naa' e ndiyam tan o wardi, ammaa ndiyam e ƴiiƴam. Ruuhu Allah wi'ii'en non, ngam Ruuhu e wi'a goonga.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

Ibraaniyanko'en 10:10

Nde Yeesu Almasiihu waɗii ko Allah yiɗi o waɗa, en fuu en laaɓinaama daga hakke barka sakkuki hoore maako nde go'o tan ngam haa abadaa.

1 Biiturus 3:21

Ndiyam ɗam boo ɗum misaalu baptisma. Jooni baptisma hisnii'on barka bawɗe ummaaki Yeesu Almasiihu daga mayde. Baptisma naa' ɗum ittuki tuundi daga ɓalli meeɗen, ɗum alkawal ngal neɗɗo waɗani Allah e ɓernde lamnde.

Ibraaniyanko'en 9:14

Hakko ƴiiƴam Almasiihu ɗam waɗay ko ɓuri non. Barka Ruuhu Allah gonɗum haa abadaa, o hokkii hoore maako o wartii cakkiri ndi walaa goɗɗum ko haanaa. Ƴiiƴam maako boo laaɓinay ɓerɗe meeɗen daga kuuɗe jaarayɗe mayde, ngam kuwanen Allah mo yonki.

Kuuɗe Lilaaɓe 22:16

Jooni, ɗume ndentuɗaa? Umma ɗum waɗanmaa baptisma, toroɗaa Allah yaafanomaa hakke maaɗa.’

1 Biiturus 1:2

Allah Nyaako Mo Dow suɓii'on nder yidde maako. Ruuhu maako wartirii'on ceniiɓe, ngam tokkon ko Yeesu Almasiihu wi'i, laaɓon barka ƴiiƴam maako. Allah ɓeyda barkiɗinki'on, ɓeyda hokkuki'on jam.

Yahuuda 1:1

Min woni Yahuuda, maccuɗo Yeesu Almasiihu, minyiraawo Yaakubu. Mi windan'on ɗerewol ngo'ol, onon ɓe Allah Nyaako Mo Dow yiɗi noddi, ɓe Yeesu Almasiihu suranta.

Kuuɗe Lilaaɓe 26:18

A wumtinayɓe, ɓe mburtoyoo nder nyiwre, ɓe ngarta nder jayngol, ɓe mburtoo nder laamu Ceyɗan, ɓe co''oo to Allah, ngam ɓe keɓa yaafaneeki hakke, ɓe natta nder yimɓe gartuɓe ceniiɓe ngam ɓe koolakeyam.’

Yahaya 17:7

Jooni e ɓe andi koo ɗume ɗum kokkuɗaayam to maaɗa ɗum ƴiwoyi.

Yaakubu 1:18

Ɗum cuɓol maako o hokki'en yonki kesum barka wolde goonga, ngam ngarten bo ko arti ɓenduki nder ko o tagi.

Yahaya 15:8

Ko teddinta Nyaako am woni ngaɗon ko o yiɗi nde ɗuɗɗum. Kanjum hollata on tokkuɓeyam.

Yahaya 13:10

Sey Yeesu wi'i, “Koo moye lootiiɗo, fuu ɓandu maako wartii lamndu. Naa' naa o fuɗɗitii o lootii hoore maako, sey ni o loota koyɗe maako. Onon boo on laaɓuɓe, ammaa naa' on fuu mooɗon.”

Roomanko'en 10:8

Raa ko aayaare wi'i, “Wolde Allah e haade maaɗa e nde dow ɗemngal maaɗa e ɓernde maaɗa,” waato wa'aju hoolaaki Allah ɗum min nga'ajinta.

2 Korintiyanko'en 11:2

E mi haaja'on no Allah haajirta'on. Mi waɗanii'on alkawal teegal e gorko go'oto, waato Almasiihu. E mi yiɗi mi yaara'on to maako bo debbo ceniiɗo mo andaa gorko.

Koloosiyanko'en 3:16

Alee boliiɗe Almasiihu njooɗoo nder ɓerɗe mooɗon naa' seɗɗa. Ekkitindiree, waggindiree nder fuu faamu. Ngimee gimi Jabuura, e gimi mantuki Joomiraawo, e gimi ɗi Allah hokki'on nder ɓerɗe, on ngettamo nder ɓerɗe mooɗon.

Ibraaniyanko'en 4:12

Wolde Allah e woodi yonki e nde huwa, nde ɓurii koo kiye kaafahi welki. E nde taƴa haa nde senda yonki e ɓernde, nde senda jokkooɗe e mborɓoondi. E nde senda suunooji e nyumooji ɓernde boɗɗi e ɗi mbooɗaa.

Ibraaniyanko'en 10:14

E sakkuki go'oti kin ɗon, o wartirii ɓen ɗon laaɓinaaɓe daga hakke maɓɓe keewuɓe haa abadaa.

Ibraaniyanko'en 10:29

To neɗɗo wanyii Ɓiɗɗo Allah, kadin o wartirii ƴiiƴam alkawal Allah laaɓinɗanmo daga hakke walaa ko nafi, ɗonmaa o huɗi Ruuhu Allah kollayɗum yidde, iri ɗume bone kalluɗum haani o yara? O yaray bone kalluɗum ɓurɗum ɗum gewoowo dooka yarata.

Ibraaniyanko'en 13:12

Kanjum waɗi Yeesu maa maayi gaɗa gariiri, ngam o laaɓina yimɓe daga hakke maɓɓe barka ƴiiƴam maako.

2 Biiturus 1:9

Ngam fuu dulluɗo iri ngikku ɗum ɗon wartii bumɗo o yi'ataa goɗɗum daga to woɗɗi, nden o yejjitii o lootaama daga hakke maako ɗum ndenno.