Aafisanko'en 5:23 - Fulfulde Nigeria

²³ Ngam gorko woni ardiiɗo debbo muuɗum non no Almasiihu woni ardiiɗo tokkuɓemo. Kanko e hoore maako woni kisnoowoɓe.

Aafisanko'en 5:23 ပူးပေါင်းရင်းမြစ်များ

Koloosiyanko'en 1:18

Almasiihu woni hoore ɓandu, waato tokkuɓemo. Kanko hokki ɓandu ndun yonki. Kanko woni artuɗo ummaaki daga mayde, ngam o warta mawɗo dow koo ɗume.

Aafisanko'en 4:15

Ammaa en mbi'u goonga nder yidde, en mawnu e koo ngole laawol ngarten bo Almasiihu. Misaalu, tokkuɓemo ngoni bo ɓandu maako, kanko woni bo hoore mayru.

1 Tasaloonikanko'en 1:10

nden keɗooɗon wartoyki Ɓiɗɗo maako daga dow, mo o ummini daga mayde, waato Yeesu kisnayɗo'en daga monnere Allah garaynde.

Wahayu Yahaya 5:9

Ɓe ngimi gimol kesol e ɓe mbi'a, “A hewtii njaɓaa deftere nden takkitaa haatimiije mayre, ngam ndenno a waraama, nden barka ƴiiƴam maaɗa a rimɗinanii Allah yimɓe daga koo ngole lenyol, e koo ngale ɗemngal, e daga koo ɓeye yimɓe, e daga koo ndiye leydi.

1 Korintiyanko'en 6:13

Ɗonmaa woɓɓe mooɗon mbi'ay, “Ɗum waɗii nyamndu ngam reedu, non maa ɗum waɗii reedu ngam nyamndu,” ammaa carel e wara ngel Allah wartirta fuu ɗiɗum koo ko nafi. Ɓandu waɗaaka ngam njeenu, ammaa ndu waɗaa ngam Joomiraawo, nden Joomiraawo jeyindu.

Kuuɗe Lilaaɓe 20:28

Paamanee ko'e mooɗon, ndeenon ornde nde Ruuhu Allah hokki'on. Ngartee woynaaɓe kawtal yimɓe Allah, ɓe o soodiri e mayde Ɓiɗɗo maako.

Aafisanko'en 5:24

Non no kawtal tokkuɓe Yeesu mawninirtamo, non maa rewɓe gooduɓe teegal mawnina worɓe maɓɓe nder koo ɗume.

Wahayu Yahaya 19:7

En welweltu nanen belɗum naa' seɗɗa, en mawninmo, ngam carel ngel Karoori te'ata warii. Nden ɓaŋaaɗo maako on siryake.