Aafisanko'en 5:2 - Fulfulde Nigeria

² Ngaɗee jonde yidde, non no Almasiihu yiɗiri'en hokki yonki muuɗum ngam meeɗen. O wartii cakkiri ndi Allah nani belɗum mayri bo urde welnde.

Aafisanko'en 5:2 ပူးပေါင်းရင်းမြစ်များ

Yahaya 13:34

Jooni raa goɗɗum kesum ɗum ngiɗumi ngaɗon: ngiɗindiree. Non no ngiɗirmi'on, onon maa sey ngiɗindiron.

Galaatiyanko'en 2:20

Min bo mi wardaama e Almasiihu dow gaafaangal. Jooni jonde nde ngaɗaymi naa' min e hoore am waɗatande, ammaa ɗum Almasiihu jooɗiiɗo nder am. Jooni jonde nde njooɗiimi nder ɓandu, e mi waɗande nder hoolaaki Ɓiɗɗo Allah, giɗɗoyam hokki yonki muuɗum ngam am.

Koloosiyanko'en 3:14

Ko ɓuri ɗu'um fuu woni ngiɗindiron, ngam yidde hawtii ko'e meeɗen no haani.

2 Korintiyanko'en 2:15

Ngam enen ngoni bo urngol urde welnde nde Almasiihu hokki Allah. Urngol urde nden yottake kisnaaɓe e gonɓe dow laawol halkere.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

1 Korintiyanko'en 16:14

Fuu ko ngaɗoton, ngaɗeeɗum nder yidde.

Maatiyu 20:28

Non maa Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”

1 Biiturus 4:8

Ko ɓuri koo ɗume woni, ngiɗindiree naa' seɗɗa, ngam yidde e waɗa ɗum yaafoo hakkeeji ɗuɗɗi.

2 Korintiyanko'en 8:9

Ngam on andi ko Joomiraawo meeɗen Yeesu Almasiihu waɗani'on ngam yidde maako. Koo nde o diskuɗo, ngam mooɗon o warti mo walanaa, ngam laawol dullere maako ngarton riskuɓe.

1 Yahaya 3:16

Ɗu'um woni no andirɗen ko woni yidde: Yeesu hokkii yonki muuɗum ngam meeɗen. E haani enen maa kokken yonki meeɗen ngam bandiraaɓe meeɗen.

Wahayu Yahaya 1:5

e Yeesu Almasiihu, ceyduujo Allah mo goonga, barkiɗina'on, hokka'on jam. Yeesu artuɗo ummaaki daga mayde kanko woni laamiiɗo laamiiɓe duuniyaaru. E mo yiɗi'en, o hisnii'en daga hakkeeji meeɗen barka ƴiiƴam mayde maako.

Ibraaniyanko'en 9:26

Daa ɗum non, daa Almasiihu yarii torra nde ɗuɗɗum daga carel ngel duuniyaaru tagaa. Ammaa raɗɗum jooni e re'irde duuniyaaru o warii nde go'o tan ngam o itta hakke barka sakkuki hoore maako.

Ibraaniyanko'en 9:14

Hakko ƴiiƴam Almasiihu ɗam waɗay ko ɓuri non. Barka Ruuhu Allah gonɗum haa abadaa, o hokkii hoore maako o wartii cakkiri ndi walaa goɗɗum ko haanaa. Ƴiiƴam maako boo laaɓinay ɓerɗe meeɗen daga kuuɗe jaarayɗe mayde, ngam kuwanen Allah mo yonki.

1 Timooti 2:6

kokkuɗo hoore maako ngam o rimɗina yimɓe. Kanjum woni ceyda ɗum um hokki nde carel waɗi.

Aafisanko'en 4:15

Ammaa en mbi'u goonga nder yidde, en mawnu e koo ngole laawol ngarten bo Almasiihu. Misaalu, tokkuɓemo ngoni bo ɓandu maako, kanko woni bo hoore mayru.

1 Yahaya 3:23

Ko Allah wi'i ngaɗen, kanjum woni koolooɗen inde Ɓiɗɗo maako Yeesu Almasiihu, nden ngiɗindiren non no Almasiihu wi'i ngaɗen.

1 Timooti 4:12

Taa' jaɓu koo moye yawana sukaaku maaɗa, ammaa wartu misaalu to tokkuɓe Yeesu nder meto maaɗa, e ngikku maaɗa, e yidde maaɗa, e hoolaare maaɗa, e jonde maaɗa lamnde.

1 Tasaloonikanko'en 4:9

Dow no haani ngiɗindiron boo, naa' sey to goɗɗo windanii'on, ngam onon e ko'e mooɗon Allah ekkitinii'on ngiɗindiron.

Aafisanko'en 4:2

Koo ndeye ngartee gooduɓe hakkiilo, lestinon ko'e mooɗon, ngarton ɓe munyal, munymunytiron nder yidde.

Aafisanko'en 3:17

ngam Almasiihu jooɗoo nder ɓerɗe mooɗon barka hoolaakimo. E mi toroo Allah ngam yidde lugga sembiɗa nder ɓerɗe mooɗon,

Galaatiyanko'en 1:4

Yeesu hokkii hoore muuɗum ngam hakke meeɗen ngam o hisna'en daga jaamanu kalluɗum ɗu'um. Non ɗum cuɓol Allah Nyaako meeɗen Mo Dow.

Wahayu Yahaya 5:9

Ɓe ngimi gimol kesol e ɓe mbi'a, “A hewtii njaɓaa deftere nden takkitaa haatimiije mayre, ngam ndenno a waraama, nden barka ƴiiƴam maaɗa a rimɗinanii Allah yimɓe daga koo ngole lenyol, e koo ngale ɗemngal, e daga koo ɓeye yimɓe, e daga koo ndiye leydi.

Ibraaniyanko'en 9:23

Fuu fii ɗum ɗon ɗum nanduɗum e gonɗum ton dow goongajum, doole ɗum laaɓiniree e iri kin ɗon sakkuki. Ammaa fuu fii gonɗum ton dow, doole ɗum laaɓiniree e sakkuki ɓurki kin ton.

Aafisanko'en 3:19

Kadin e mi yiɗi andon yidde Almasiihu nde ɓurii sembe andal, ngam keɓon keewon ngikku Allah.

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

Aafisanko'en 5:25

Onon worɓe, ngiɗee rewɓe mooɗon no Almasiihu yiɗiri kawtal tokkuɓemo hokki yonki muuɗum ngam maɓɓe.

1 Korintiyanko'en 5:7

Cendiree e ƴuufinirɗum kiiɗum gonɗum nder mooɗon, waato hakke, ngam ngarton bo condi buroodi ndi walaa ƴuufinirɗum, waato kawtal tokkuɓe Yeesu ɓe ngalaa yimɓe nganyuɓe tuuba daga hakke maɓɓe, non no ngontindirɗon. Ngam ɗum yaadake ɗum hirsii karoori meeɗen ndi Humto Sakkinki. Kayri woni Almasiihu.

Roomanko'en 4:25

O waraama ngam hakke meeɗen, nden o umminaama daga mayde ngam ngarten aadili'en yeeso Allah.

Yahaya 6:51

Min woni nyamndu kokkayndu yonki ƴiwoyndu daga dow. Fuu nyaamuɗondu, o jooɗoto haa abadaa. Ndu'u nyamndu ɗum ɓandu am, ndu kokkaymi ngam yimɓe duuniyaaru keɓa yonki ki re'ataa.”

Roomanko'en 8:37

Naa' non, nder fuu fii ɗu'um en keɓii jaalorgal barka Almasiihu giɗɗo'en.

Roomanko'en 15:16

ngam mi warta kuwanoowo Yeesu Almasiihu nder yimɓe naa' Yahuudanko'en. E mi huwa kuugal ardiiɗo diina nder wa'ajinki Habaru Belɗum ɗum Allah, ngam yimɓe naa' Yahuudanko'en ngarta bo cakkiri ndi Allah jaɓi, ndi Ruuhu Allah wartiri ceniindi.

2 Korintiyanko'en 2:14

Ammaa yettoore tabbita to Allah kokkoowo'en jaalorgal koo ndeye barka sumpootirki meeɗen e Almasiihu. Laawol meeɗen o sankitii habaru Almasiihu koo toye bo urngol belngol.

Aafisanko'en 1:4

Ko duuniyaaru tagee, Allah suɓii'en ngarten ɓe maako barka Yeesu, ngam ngarten ceniiɓe ɓe ngalaa toɓɓel hakke yeeso maako.

Aafisanko'en 5:15

Ngam non paamee no njooɗoriiɗon. To' on ngaɗu jonde bo haaŋaaɓe, ammaa ngaɗee jonde bo yimɓe ɓe andal.

Filibiyanko'en 4:18

Mi heɓii dokkal ngal lildoyɗoyyam to jungo Abaaforoditus. Ngal ɓuri ko ngiɗumi. Ngal wartii bo urde welnde nde ɗum hokkata Allah, cakkiri ndi o jaɓata, mbelnanayndimo ɓernde.

Ibraaniyanko'en 8:3

Koo moye mawɗo mawɓe ardiiɗo diina o suɓa ngam o hokka Allah dokke o sakkanamo marle. Non maa Mawɗo Mawɓe Ardiiɓe Diina meeɗen doole heɓa ko sakkata.