Aafisanko'en 5:19 - Fulfulde Nigeria

¹⁹ Cembiɗinee koo moye nder mooɗon e gimi Jabuura, e gimi mantuki Joomiraawo, e gimi ɗi Allah hokki'on nder ɓerɗe. Ngimee gimi manton Allah e ɓerɗe mooɗon fuu.

Aafisanko'en 5:19 ပူးပေါင်းရင်းမြစ်များ

Koloosiyanko'en 3:16

Alee boliiɗe Almasiihu njooɗoo nder ɓerɗe mooɗon naa' seɗɗa. Ekkitindiree, waggindiree nder fuu faamu. Ngimee gimi Jabuura, e gimi mantuki Joomiraawo, e gimi ɗi Allah hokki'on nder ɓerɗe, on ngettamo nder ɓerɗe mooɗon.

1 Korintiyanko'en 14:26

Too, bandiraaɓe, ɗume ngaɗoton? To on kawritii ngam mawninki Allah, goɗɗo e woodi gimol, goɗɗo e woodi ekkitinol, nden goɗɗo e waɗiray do'aare ɗemngal ngal ɗum andaa, goɗɗo hokkay ma'ana ɗemngal ngal. Ɗum fuu ɗum waɗee ngam sembiɗinki kawtal tokkuɓe Yeesu.

Kuuɗe Lilaaɓe 16:25

Caka jemma, Bulus e Siila e ɓe ngaɗa do'aare e ɓe manta Allah e gimi. Nangaaɓe horiiɓe e kettindanii ko ɓe mbi'ata.

Yaakubu 5:13

E woodi jaroowo torra nder mooɗon? Too, o waɗa do'aare. E woodi nanoowo belɗum nder ɓernde muuɗum? Too, o yima gimi mantuki Allah.

Maatiyu 26:30

Sey ɓe ngimi gimol mantuki Allah, nden ɓe ndilli Hocceere Nde Leɗɗe Jaytun.

Maatiyu 15:8

Allah wi'ii, ‘Ɓen ɗon yimɓe e honduko tan ɓe mawnintayam, ammaa ɓerɗe maɓɓe e ngoɗɗitiiyam.

1 Korintiyanko'en 14:15

Too, ko haani mi waɗa? Mi waɗay do'aare nder ɓernde am, ɗonmaa mi waɗay do'aare nder nyumol am. Mi yimay gimol mantuki Allah nder ɓernde am, ɗonmaa mi yimay nder nyumo am.

Wahayu Yahaya 5:9

Ɓe ngimi gimol kesol e ɓe mbi'a, “A hewtii njaɓaa deftere nden takkitaa haatimiije mayre, ngam ndenno a waraama, nden barka ƴiiƴam maaɗa a rimɗinanii Allah yimɓe daga koo ngole lenyol, e koo ngale ɗemngal, e daga koo ɓeye yimɓe, e daga koo ndiye leydi.