Aafisanko'en 5:1 - Fulfulde Nigeria

¹ Nde onon ngoni ɓiɓɓe ɓe Allah yiɗi, ekkitee iri ngikku maako nder jonde mooɗon.

Aafisanko'en 5:1 ပူးပေါင်းရင်းမြစ်များ

1 Yahaya 4:11

Onon ɓe ngiɗumi, nde Allah yiɗirii'en non, enen maa e haani ngiɗindiren.

Aafisanko'en 4:32

Ngiɗindiree, njurminindiree hakkunde mooɗon, njaafootiree non no Allah yaaforanii'on barka Almasiihu.

Maatiyu 5:48

Ngam non, ngartee keewuɓe no Nyaako mooɗon Mo Dow o kewɗo.

Koloosiyanko'en 3:12

Onon on yimɓe ɓe Allah suɓi, on ceniiɓe ɓe o yiɗi naa' seɗɗa. Ngam non, ngartee gooduɓe yurmeende e yidde leynooɓe ko'e, gooduɓe hakkiilo e munyal.

Yahaya 1:12

Ammaa fuu jaɓuɓemo kooliiɓe inde maako, o hokkiiɓe bawɗe wartuki ɓiɓɓe Allah.

Maatiyu 5:45

ngam ngarton ɓiɓɓe Nyaako Mo Dow. Ngam e mo waɗa naange maako yeynoo dow yimɓe kalluɓe e yimɓe gaɗooɓe ko wooɗi, nden e mo waɗa ndiyam toɓa dow aadili'en e ɓe ngalaa aadilaaku.

Filibiyanko'en 2:15

ngam ngarton walaa ko ɗum huɗirta'on, laaɓuɓe, ɓiɓɓe Allah ɓe ngalaa halleende nder jaamanu yimɓe ɓe ngalaa goonga kalluɓe, ngarton jaynotooɓe nder maɓɓe bo fitilaaji e duuniyaaru,