Aafisanko'en 4:25 - Fulfulde Nigeria

²⁵ Ngam maajum alee fewre! Koo moye mooɗon doole wi'a bandiraawo muuɗum goonga, ngam en fuu en ngartii bo ɓandu go'o nder tokkuki Yeesu.

Aafisanko'en 4:25 ပူးပေါင်းရင်းမြစ်များ

Koloosiyanko'en 3:9

To' on pewindir, ngam on ɓortake ngikku mooɗon ɗum ndenno e kuuɗe maajum.

Roomanko'en 12:5

Non maa, koo nde en yimɓe ɗuɗɓe, en ngartii bo ɓandu go'o ngam en koolake Almasiihu, en fuu en njokkootiri no jokkooɗe ɓandu njokkindiri.

Aafisanko'en 4:15

Ammaa en mbi'u goonga nder yidde, en mawnu e koo ngole laawol ngarten bo Almasiihu. Misaalu, tokkuɓemo ngoni bo ɓandu maako, kanko woni bo hoore mayru.

Wahayu Yahaya 21:8

Ammaa gooduɓe kulol e nyaamooɓe amaana, e kuwooɓe kuugal kallungal, e gaɗooɓe warhoore, e gaɗooɓe njeenu, e darnooɓe, e mawninooɓe gunkiiji, e fuu fewooɓe, ɓe fuu ɗum nattinayɓe mbeela hiite kibiritu, kanga woni mayde ɗiɗawre.”

Tiitus 1:2

Goonga ka'a waɗay ɓe ngaɗa ɓerɗe dow heɓuki yonki ki re'ataa. Allah waɗii alkawal dow yonki kin ko duuniyaaru tagee, o boo fewataa.

1 Timooti 4:2

Ekkitinooɓe ɓen ɓe munaafuki'en, ɓe pewooɓe ɓe nyumo waatungo.

Wahayu Yahaya 22:15

Ɓe ɗum haɗi nattuki gariiri ndin boo, kamɓe ngoni bonnuɓe ko'e maɓɓe, e darnooɓe, e gaɗooɓe njeenu, e gaɗooɓe warhoore, e mawninooɓe gunkiiji, e giɗɓe fewuki koo ndeye.

1 Timooti 1:10

e gaɗooɓe njeenu, e gaɗooɓe luuɗu, e coorooɓe maccuɓe, e pewooɓe, e ceydotooɓe fewre, e koo ɗume ɗum tokkaayi ekkitinol goonga,

2 Korintiyanko'en 7:14

Mi mantorake'on yeeso Tiitus, onon boo on cemtinaayiyam. Non no koo ɗume ɗum min mbi'i'on ɗum goonga, non maa mantoraaki ki min mantorii'on yeeso Tiitus tabbitinaama ɗum goonga.

Tiitus 1:12

Goɗɗo moodibbo maɓɓe, Kiriitiyankeejo, wi'ii, “Kiriitiyanko'en ɓe pewooɓe koo ndeye, ɓe ngikku bo marle kalluɗe, ɓe ɓerɗe baatuɗe, weelaaɓe.”

1 Korintiyanko'en 10:17

Nde buroodi ɗum ɗum go'otum, enen ɗuɗɓe en ngartii bo ɓandu go'o, ngam en fuu buroodi go'o nyaameten.

Yahaya 8:44

Onon on ɓiɓɓe nyaako mooɗon Ceyɗan, ko ngiɗɗon woni ngaɗon ko nyaako mooɗon yiɗi. Daga arande o gaɗoowo warhoore. Walaa ko wannimo e goonga, ngam o walaa goonga. To o fewii, ɗum ngikku maako, ngam o pewoowo, nyaako fewre.

Aafisanko'en 5:30

Ngam enen tokkuɓemo ngoni bo ɓandu maako.

Aafisanko'en 4:22

Alee ngikku ɗum wooɗaa ɗum ngaɗaynooɗon ndenno, ɗum suuno duuniyaaru wonni, majjini.

Aafisanko'en 4:31

Alee koo iri ndeye monnere, e mettinki ɓernde, e monnanki woɓɓe, e hawre, e huɗhuɗtirki, e waɗuki koo iri ndeye halleende.

Koloosiyanko'en 3:8

Ammaa jooni, cendiron e fuu iri kuuɗe ɗe'e, waato monnere, e wanyuki yimɓe, e kulle, nden to' on alu boliiɗe kalluɗe mburtoo daga honduko mooɗon.

Ibraaniyanko'en 12:1

Ngam maajum, nde e woodi yimɓe ɗuɗɓe kolluɓe no ɓe koolorii Allah, en cendir e koo ɗume kaɗayɗum'en waɗuki ko haani ngaɗen e hakke kaɓɓuɗum'en. En ngaɗu ko mbaaweten waɗuki njottinen ko Allah wi'i ngaɗen.

Yaakubu 1:21

Ngam maajum, kubinee fuu kuuɗe ɗe mbooɗaa e kuuɗe kalluɗe. Lestinee ko'e mooɗon, njaɓon Wolde Allah nde o aawi nder ɓerɗe mooɗon, baawaynde hisnuki'on.

1 Biiturus 2:1

Ngam non, alee koo iri ɗume ngikku kalluɗum. Alee fewre, e ngikku munaafukiijo, e lawliiru, e huɗuki woɓɓe koo iri kiye.