Aafisanko'en 4:22 - Fulfulde Nigeria

²² Alee ngikku ɗum wooɗaa ɗum ngaɗaynooɗon ndenno, ɗum suuno duuniyaaru wonni, majjini.

Aafisanko'en 4:22 ပူးပေါင်းရင်းမြစ်များ

Roomanko'en 6:6

En andi ngikku meeɗen ɗum ndenno ɗum wardaama e Almasiihu dow gaafaangal, ngam ɓandu meeɗen ndu hakke halkee, ngam to' puɗɗiten ngarten maccuɓe hakke.

Ibraaniyanko'en 12:1

Ngam maajum, nde e woodi yimɓe ɗuɗɓe kolluɓe no ɓe koolorii Allah, en cendir e koo ɗume kaɗayɗum'en waɗuki ko haani ngaɗen e hakke kaɓɓuɗum'en. En ngaɗu ko mbaaweten waɗuki njottinen ko Allah wi'i ngaɗen.

Yaakubu 1:21

Ngam maajum, kubinee fuu kuuɗe ɗe mbooɗaa e kuuɗe kalluɗe. Lestinee ko'e mooɗon, njaɓon Wolde Allah nde o aawi nder ɓerɗe mooɗon, baawaynde hisnuki'on.

Ibraaniyanko'en 3:13

Ammaa cembiɗindiree ɓerɗe mooɗon koo ndeye nyalnde, kuutiree koo ngele carel bi'eteengel “Hande,” ngam to' hakke ƴoyra goɗɗo mooɗon o warta mo ɓernde caatunde.

Tiitus 3:3

Ngam enen maa ndenno en andaano ko ngaɗeten, en tokkataa ko ɗum wi'i'en, en majjinaama. Suuno duuniyaaru haɓɓii'en, en ngiɗi koo iri ɗume fii kalluɗum. En ngaɗii jonde meeɗen nder halleende e lawliiru, yimɓe nganyii'en, enen maa en nganyiiɓe.

Aafisanko'en 4:25

Ngam maajum alee fewre! Koo moye mooɗon doole wi'a bandiraawo muuɗum goonga, ngam en fuu en ngartii bo ɓandu go'o nder tokkuki Yeesu.

1 Biiturus 4:3

Jonde nde ngaɗɗon ndenno iri nde yimɓe ɓe andaa Allah ngiɗi, nde heƴii non. Ndenno on ngaɗi ka halleende, e suunooji kalluɗi, e yareyareeji pooɗooji jonde meere, e mawninki gunkiiji fii koo wooɗaa.

Aafisanko'en 4:17

E mi wi'a'on ɗu'um, e mi ɓeyda wagginki'on nder inde Joomiraawo, alee jonde iri nde heeferɓe ɓe nyumooji meere.

2 Biiturus 2:13

Ɗum waatanayɓe e torra ngam ɓe torrii woɓɓe. Ko welnantaɓe ɓernde woni ɓe ngaɗa koo ɗume ko ɓalli maɓɓe ngiɗi caka nyalawma. Koo ngele carel ngel ɓe nyamdata nyamndu e mooɗon e ɓe ngaɗa ko ɓe ngiɗi waɗuki, e ɓe cemtina'on.

1 Biiturus 1:18

On andi ɗum rimɗinii'on daga ngikkuuji meereeji ɗi ndonuɗon to maama'en mooɗon. Ɗum rimɗiniraayi'on fii re'oojum bo ajurfaari e jiinaari.

Koloosiyanko'en 2:11

Nder sumpootirki mooɗon e Almasiihu on naadaama, naa' iri naaduki ki yimɓe ngaɗata, ammaa iri naaduki ki Almasiihu waɗata, waato o ittii ngikku mooɗon giɗɗum waɗuki hakke.

Aafisanko'en 2:3

Goonga, non ngikku meeɗen wa'unoo: en ngaɗa ko ngiɗɗen, en tokka ko ɓalli meeɗen e ɓerɗe meeɗen ngiɗi. En danyiraama ngikku kalluɗum bo horiiɓe nder duuniyaaru, monnere Allah boo e dow meeɗen.

2 Biiturus 2:7

O hisnii Luutu aadiliijo gannuɗo e kuuɗe kalluɗe ɗe yimɓe kalluɓe ngaɗata.

Galaatiyanko'en 1:13

On nanii no njooɗoriimi ndenno nder diina Yahuudanko'en, no torrirmi yimɓe Allah tokkuɓe Yeesu, yurmeende walaa, mi waɗii ko mbaawaymi waɗuki ngam mi halkaɓe.

Roomanko'en 7:11

Hakke keɓii laawol nder dooka, ɗum kuutiriiɗum, ɗum ƴoyriiyam, ɗum fooɗaniiyam halkere.

Yaakubu 1:26

Neɗɗo fuu kammiiɗo o tokkuɗo diina no haani, ammaa o suraayi ɗemngal maako, o majjinii hoore maako, diina maako wartii meere.

2 Korintiyanko'en 11:3

Ammaa e mi hula to ɗum warta no mboodi ƴoyriri Hawwaa'u e ƴoyre mayri kallunde, onon maa ɗum majjina'on alon tokkuki Almasiihu e ɓernde go'o e ɓernde laaɓunde.

Aafisanko'en 4:31

Alee koo iri ndeye monnere, e mettinki ɓernde, e monnanki woɓɓe, e hawre, e huɗhuɗtirki, e waɗuki koo iri ndeye halleende.